អ្នកនាង ដេត ម៉ាលីណា នឹងបង្ហាញការពិត ព្រមទាំងភស្ដុតាង ដែល​​មានការចោទប្រកាន់លើអ្នកនាង

អ្នកនាង ដេត ម៉ាលីណា អតីតភរិយាលោក ឌួង ឆាយ បានឲ្យដឹងថា អ្នកនាងនឹងបង្ហាញការពិត ព្រមទាំងភស្ដុតាង ដែល​​មានការចោទប្រកាន់ថា អ្នកនាង និងមិត្តភក្ដិថា ជាសាហាយស្មន់ នឹងគ្នា។

អ្នកនាង ដេត ម៉ាលីណា នៅយប់ថ្ងៃទី១៣ ខែតុលា បានស៊ែរសំណេរ របស់បុរសម្នាក់ឈ្មោះ Samka Kit នៅលើហ្វេសប៊ុក និងបានសរសេរខ្លឹមសារបន្ថែមថា «ការពិតមាននាងខ្ញុំ និងបញ្ចេញភស្តិតាងអ្នក ដែលបានចោទនិងគំរាមខ្ញុំថា និងធ្វើអោយបងប្អូនទាំងអស់គ្នា មានការយល់ច្រលំមកលើរូបខ្ញុំមនុស្សប្រុសម្នាក់នេះ ពិតជាថោកទាបខ្លាំងណាស់ ដែលហ៊ានបំភាន់ការពិតមកលើរូបនាងខ្ញុំ និងមិត្តភក្ត័របស់ខ្ញុំថា ជាសាហាយស្មន់ និងគ្នា ទាំងដែលពួកខ្ញុំ មិនបានមានទំនាក់ទំនងអ្វីលើសពីមិត្តភក្តិទាល់តែសោះ​ ហើយសារពត៍មានខ្លះ ដែលចុះបង្ខូចឈ្មោះខ្ញុំទាំងអស់បើនៅ បន្តចុះពត៍មានមិនពិតខ្ញុំ និងដាក់ពាក្យបណ្តឹង​ មានតែមនុស្សថោកទាបទេ ដែលធ្វើទង្វើបែបនេះខ្ញុំនិងបញ្ចេញភស្តិតាង នៅថ្ងៃស្អែកមនុស្សប្រុសម្នាក់នេះ ពិតជាថោកទាបលើសការគិត តើពេលណាទើបឈប់តាមចងកម្មពារខ្ញុំបន្តទៀតផ្តាំទៅមនុស្សប្រុស ដែលថោកទាបម្នាក់»។

គួររំលឹកថា ហេតុការណ៍គ្រោះថ្នាក់ចរាចរណ៍ កាលពីយប់ថ្ងៃទី១២ ខែតុលា ដែលបង្កឡើងដោយរថយន្តទំនើប Rolls-Royce មួយគ្រឿង បានបុករនាំងពុះចែកទ្រូងផ្លូវ បណ្ដាលឲ្យរងការខូចខាតយ៉ាងដំណំ។ បើតាមភិនភាគស្លាកលេខរថយន្ត គឺម្ចាស់រថយន្តនេះ គឺអ្នកនាង ដេត ម៉ាលីណា អតីតភរិយាលោក ឌួង ឆាយ។

យ៉ាងណាក៏ដោយ សមត្ថកិច្ចនៅកន្លែងកើតហេតុ មិនបានបញ្ជាក់អត្តសញ្ញាណម្ចាស់រថយន្តនោះទេ គ្រាន់តែឲ្យដឹងថា គ្រោះថ្នាក់នេះ មិនបង្ករបួសដល់អ្នកបើកបរនោះទេ។ ក្រោយកើតហេតុប៉ុន្មានម៉ោង លោក ឌួង ឆាយ បានបង្ហោះ​សាររៀបរាប់ថា «អ្នកជាម្តាយកូនៗ របស់យើង ខ្ញុំសង្ឃឹមថា អ្នកនឹងមិនមានគ្រោះថ្នាក់ អ្វីកើតឡើងចុះ។ អានិតកូនៗ យើង»៕