ព័ត៌មានជាតិ

ជាប់គុក៥ឆ្នាំ មិនអស់ចិត្ត ចេញមកវិញលក់ថ្នាំញៀនខ្លាំងជាងមុន ត្រូវសមត្ថកិច្ចឃាត់ខ្លួន

បានផុស

៤ years មុន

នៅ

ថ្ងៃពុធ ២ ធ្នូ ២០២០

ដោយ

ជនសង្ស័យម្នាក់ធ្លាប់ជាប់គុក៥ ឆ្នាំហើយចេញពីគុកមកវិញ មិនកែខ្លួនបន្តលក់ថ្នាំញៀនខ្លាំងជាងមុន ត្រូវបាននគរបាលចាប់យកទៅដាក់គុកបន្ត កាលពីរសៀលថ្ងៃទី១ ខែធ្នូ ឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ស្រី សុខុម នាយការិយាល័យ នគរបាលប្រឆាំងគ្រឿងញៀន បានឲ្យដឹងថា នៅព្រឹកថ្ងៃទី៣០ ខែវិច្ឆិកា ឆ្នាំ២០២០ វេលាម៉ោង ១១និង១៥ លោកបានដឹកនាំកម្លាំង១ក្រុមចុះឃាត់ខ្លួនជនសង្ស័យ ឈ្មោះ សាញ់ សុខា ភេទប្រុស អាយុ៥២ឆ្នាំ រស់នៅភូមិកើតហេតុ លួចលក់ថ្នាំញៀនខុសច្បាប់ នៅចំណុចផ្ទះជនសង្ស័យ ជាប់របង វត្តសមាធិផល ស្ថិតនៅភូមិ៤ សង្កាត់ព្រះពន្លា ក្រុងសិរីសោភ័ណ កម្លាំងបង្ក្រាបគ្រឿងញៀនធ្វើការដកហូត វត្ថុតាងរួមមានថ្នាំប្រភេទគ្រាប់Wyចំនួន៣២ គ្រាប់ម្សៅក្រាមពណ៌សថ្លាចំនួន ១៣ កូនថង់តូច បំពង់ជក់ ១ដែកកេះ ៥ ដើម និងសំបកកូនថង់ផ្លាស្ទិកមួយចំនួន។

លោកបានបញ្ជាក់បន្តទៀតថា នៅចំពោះមុខសមត្ថកិច្ចជនសង្ស័យ បានសារភាពថា ខ្លួនពិតជាមានថ្នាំញៀនប្រភេទម៉ាកកក នឹងថ្នាំគ្រាប់ពណ៌ក្រហម ដែលទិញក្នុងតម្លៃសរុបចំនួន២០ម៉ឺនរៀល យកទៅលក់បន្តក្នុងនោះជនសង្ស័យបានសារភាពទៀតថា ខ្លួនធ្លាប់ជាប់ពន្ធនាគាររយៈពេល៥ឆ្នាំមកហើយ ពីបទលក់គ្រឿងញៀន ហើយទើបតែចេញពីគុកបាន៩ខែទេ។ ផ្អែកលើចម្លើយសារភាពនិងវត្ថុតាង ជនសង្ស័យត្រូវបានកម្លាំងនគរបាលជំនាញ បានរៀបចំសំណុំរឿងបញ្ជូនខ្លួនទៅសាលាដំបូងខេត្តនៅថ្ងៃទី១ ខែធ្នូ ឆ្នាំ២០២០នេះ ហើយដែរ៕

អត្ថបទ៖ វ៉ាន់ ណាង

សូមចុចអាន៖ ស្ត្រីខ្មែរចាញ់បោកមេខ្យល់ទៅប្រទេសចិន អំពាវនាវរកអន្តរាគមន៍ ដើម្បីបានត្រឡប់មកវិញ

Related Topics:ឃាត់ខ្លួន