ព័ត៌មានជាតិ
រយៈពេល៩ខែអគ្គនាយកដ្ឋានពន្ធដារបានប្រមូលចំណូលពន្ធបាន ២,១១១ លានដុល្លារអាមេរិក
អគ្គនាយកដ្ឋានពន្ធដារបានឲ្យដឹងថា រយៈពេល៩ខែ ឆ្នាំ២០២១នេះ ប្រមូលចំណូលពន្ធបាន ២,១១១ លានដុល្លារអាមេរិកស្មើនឹង ៩៤.១២នៃច្បាប់ថវិកាជាតិ ឆ្នាំ២០២១។
នៅថ្ងៃទី១៤ ខែតុលា ឆ្នាំ២០២១ លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រីនិងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារបានដឹក នាំកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែកញ្ញាឆ្នាំ២០២១និងត្រីមាសទី៣ព្រមទាំងទិសដៅសម្រាប់អនុវត្តបន្តដែលរៀបចំតាមប្រព័ន្ធអនឡាញ។
លោក គង់ វិបុល បានបង្ហាញលទ្ធផលនៃការប្រមូលពន្ធ រយៈពេល៩ខែ ឆ្នាំ២០២១ ចំណូលពន្ធអាករដែលអគ្គនាយកដ្ឋានពន្ធដារប្រមូលបាន (តាមប្រព័ន្ធគ្រប់គ្រងទិន្នន័យ ចំណូលអនឡាញរបស់ អគ្គនាយកដ្ឋានពន្ធដារ) មានចំនួន ៨,៥៤៩.៩០ ប៊ីលានរៀល(ប្រមាណជា ២,១១១.០៩លានដុល្លារ)ស្មើនឹង ៩៤.១២%នៃផែនការច្បាប់ហិរញ្ញ វត្ថុសម្រាប់ការគ្រប់គ្រងឆ្នាំ ២០២១ ធៀបនឹងចំណូលពន្ធ-អាករក្នុងរយៈពេលដូចគ្នាឆ្នាំ២០២០ ឃើញថាថយចុះចំនួន ៥៥០.២២ ប៊ីលានរៀល(ប្រមាណជា១៣៥.៨៦ លានដុល្លារ) ស្មើនឹង-៦.០៥%។
សម្រាប់ឆ្នាំ២០២១ នេះដើម្បីធានានូវប្រសិទ្ធភាពក្នុងការអនុវត្តការគ្រប់គ្រងប្រមូលចំណូលពន្ធបានគ្រប់តាមផែនការច្បាប់ហិរញ្ញវត្ថុសម្រាប់ការគ្រប់គ្រងចំនួន ៩,០៨៤.៤២ ប៊ីលានរៀល (ប្រមាណ ២,២៤៣.០៧ លានដុល្លារអាមេរិក)អគ្គនាយកដ្ឋានពន្ធដារនឹងបន្តពង្រឹងការអនុវត្តនូវវិធានការគោលនយោបាយនិងរដ្ឋបាលសារពើពន្ធដែលរួម មានវិធានការសំខាន់ៗដូចជា បន្តពង្រឹងការអនុវត្តកាតព្វកិច្ចដំឡើងឧបករណ៍វាស់ចំណុះស្រាបៀរនិងភេសជ្ជៈគ្មានជាតិអាល់កុលរបស់សហគ្រាសផលិតក្នុងស្រុកក្នុងគោលបំណងពង្រឹងការគ្រប់គ្រងប្រមូលពន្ធនិងអាករគ្រប់ប្រភេទជាពិសេសចំណូលអាករពិសេសលើស្រាបៀរនិងភេសជ្ជៈគ្មានជាតិសុរាដែលគ្រោងនឹងចាប់ផ្តើមអនុវត្តប្រើប្រាស់ឧបករណ៍វាស់ចំណុះនេះចាប់ពីថ្ងៃទី០១ ខែធ្នូ ឆ្នាំ២០២១ នេះតទៅ ។ អនុវត្តឲ្យមានប្រសិទ្ធភាពនូវការគ្រប់គ្រងប្រមូលចំណូលពន្ធចំពោះសកម្មភាពនៃការផ្គត់ផ្គង់ទំនិញឌីជី ថល ឬសេវាឌីជីថល ដែលធ្វើប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក។
អនុវត្តការគ្រប់គ្រងការប្រមូលចំណូលពន្ធលើអចលនទ្រព្យនិង/ឬពន្ធលើដីធ្លីមិនបានប្រើ ប្រាស់សម្រាប់ឆ្នាំ២០២១ ដែលត្រូវបានពន្យារពេលរហូតដល់ថ្ងៃទី៣១ ខែតុលា ឆ្នាំ២០២១ ។ បន្តពង្រឹងការគ្រប់គ្រងប្រមូលចំណូលពន្ធតាមប្រព័ន្ធបច្ចេកវិទ្យាព័ត៌មាន ដែលបានដាក់ឱ្យអនុវត្តជាបន្តបន្ទាប់ជាពិសេសជំរុញការប្រើប្រាស់ប្រព័ន្ធគ្រប់គ្រងការដាក់លិខិតប្រកាសពន្ធលើប្រាក់ចំណូលប្រចាំឆ្នាំ ។ ពង្រឹងការអនុវត្តការកត់ត្រាបំណុល ពន្ធការប្រមូលបំណុលពន្ធនិងវិធានការតឹងទារបំណុលពន្ធជាពិសេសបំណុលពន្ធធំៗ ដែលមានសក្តានុពលដោយកំណត់ ជាបំណុលអាទិភាពនិងសហគ្រាសស្ថិតក្នុងវិស័យ ដែលមិនបានរងផលប៉ះពាល់ដោយសារការរីករាតត្បាតនៃជំងឺកូវីដ ១៩ ។ បន្តពង្រឹងការគ្រប់គ្រងសហគ្រាសស្នើសុំផ្អាកបណ្តោះអាសន្ន ឬស្នើសុំបើកដំណើរការឡើងវិញ ដោយមានវិធានការចុះពិនិត្យដល់ទីតាំងសហគ្រាសផ្ទាល់ តាមដានការដាក់លិខិតប្រកាស និងពង្រឹងការធ្វើសវនកម្មលើលិខិតស្នាម។
លោករដ្ឋមន្ត្រីប្រតិភូ បានវាយតម្លៃខ្ពស់ និងថ្លែងនូវអំណរគុណយ៉ាងជ្រាលជ្រៅចំពោះថ្នាក់ដឹកនាំ និងមន្ត្រីរាជការពន្ធដារគ្រប់ជាន់ថ្នាក់ នៅតាមអង្គភាពក្រោមឱវាទអគ្គនាយ កដ្ឋានពន្ធដារ ដែលបាននិងកំពុងចូលរួមយ៉ាងសកម្មក្នុងការខិតខំប្រឹងប្រែងប្រមូលចំណូលដែលទទួលបានលទ្ធផលយ៉ាងល្អប្រសើរហើយនេះគឺជាជោគជ័យនិងជាសមិទ្ធ ផល រួមរបស់អគ្គនាយកដ្ឋានពន្ធដារទាំងមូល ទោះបីស្ថិតក្នុងដំណាក់កាលនៃការអូសបន្លាយនៃការរាតត្បាតនៃជំងឺកូវីដ៕
ដោយ ៖ ណារី
បាក់អណ្តូងរ៉ែមាសនៅប្រទេសម៉ាលី សម្លាប់មនុស្សជាង៤០នាក់
មន្ត្រីសំខាន់ៗរបស់ពូទីនចេញទៅអារ៉ាប៊ី សាអូឌីត ក្នុងបុព្វហេតុជំនួបកំពូល «ត្រាំ-ពូទីន»
ឆ្លងចរន្តអគ្គិសនី ឆេះហាងលក់ស្បែកជើង ១ កន្លែង នៅខណ្ឌបឹងកេងកង
លោកបណ្ឌិត ហ៊ឺ វីរៈ សង្ឃឹមថា វគ្គបណ្ដុះបណ្ដាលជំនាញពិធីករ-ពិធីការិនី នឹងពង្រឹងទេពកោសល្យមន្ត្រីលើការសរសេរព័ត៌មានប្រកបដោយវិជ្ជាជីវៈខ្ពស់
គម្រោងសាងសង់ស្ពានចាក់អង្រែ-ព្រែកប្រាសម្រេចបានជាង ២០ ភាគរយ
ថាក់ស៊ីនដែលកំពុងឡើងប្រជាប្រិយភាពត្រូវហាមចូលកម្ពុជានិងទៅកាន់វៀតណាម
យុវតីវ័យជាង ២០ ឆ្នាំ ប្រាប់បទពិសោធន៍ បើករថយន្តបែនតម្លៃជាង ១ លានដុល្លារ ដឹករ៉ែមាសជម្នះការមើលស្រាលពីមជ្ឈដ្ឋានទូទៅ
ក្រោយផ្តាច់ភ្លើងនិងអ៊ីនធឺណិតនៅព្រំដែនមីយ៉ាន់ម៉ា ថៃត្រៀមធ្វើដូចគ្នានៅព្រំដែនកម្ពុជា
ស្ថានភាពជំងឺតារាកំប្លែង នាយ កុយ កាន់តែប្រសើរច្រើន ត្រៀមវិលមកកម្ពុជាឆាប់ៗ នេះ
ឆ្លងចរន្តអគ្គិសនីឆេះផ្ទះល្វែង ០១ ខ្នង ខូចខាតសម្ភារៈស្ទើរតែទាំងស្រុង
-
សន្តិសុខសង្គម៧ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ព័ត៌មានជាតិ៧ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
បច្ចេកវិទ្យា៤ ថ្ងៃ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ១ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ជីវិតកម្សាន្ដ៤ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ព័ត៌មានជាតិ៧ ថ្ងៃ agoអ្នកស្រុកតំបន់អង្គរ បន្ដធ្វើពិធីចាប់ត្រីរួមគ្នាតាមទំនៀមទម្លាប់ពីដូនតា សម្រាប់ប្រារព្ធពិធីឡើងមាឃ
-
ជីវិតកម្សាន្ដ៦ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៧ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត