ព័ត៌មានជាតិ

ប្រជាពលរដ្ឋដែលរស់នៅក្បែរភូមិបឹងឈូក សុខចិត្តដាក់ខ្លួនក្នុងផ្ទះ ដើម្បីរក្សាសុខភាព

បានផុស

៤ years មុន

នៅ

ថ្ងៃពុធ ២ ធ្នូ ២០២០

ដោយ

ពិតជាល្អណាស់ ដែលប្រជាពលរដ្ឋយើងភាគច្រើន មានការយល់ដឹងពីបញ្ហារក្សាសុខភាព ខណៈដែលមិនមានការចាំបាច់ គឺប្រជាពលរដ្ឋក្នុងខណ្ឌច្បារអំពៅសុខចិត្តរស់នៅក្នុងផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើនិយាយពីប្រជាពលរដ្ឋរស់នៅភូមិបឹងឈូក និងភូមិតាង៉ូវ សង្កាត់និរោធ ខណ្ឌច្បារអំពៅ បានឲ្យដឹងថា ពួកគាត់សុខចិត្តសម្រាកនៅក្នុងផ្ទះ ដើម្បីការពារកុំឲ្យជំងឺនេះ ឆ្លងរាលដាលក្នុងសហគមន៍ ដូច្នេះសុំឲ្យអាជ្ញាធរកុំព្រួយបារម្ភអ្វី។ចំពោះសភាពការណ៍ ក្នុងសង្កាត់និរោធវិញ គឺផ្លូវមួយចំនួនមានភាពស្ងប់ស្ងាត់មិនកកស្ទះដូចមុនថ្ងៃទី២៨ ខែវិច្ឆិកាកន្លងមកទេ។ សូម្បីតែផ្លូវជាតិលេខ១ ក្នុងខណ្ឌច្បារអំពៅ ដែលធ្លាប់តែកកស្ទះចរាចរណ៍សឹងរាល់ថ្ងៃនោះ បែរជាស្ងាត់ជ្រងំដូចមានរូបភាព ដែលភ្នាក់ងារកម្ពុជាថ្មីចុះថតនាថ្ងៃទី២ខែធ្នូនេះស្រាប់។

គួរបញ្ជាក់ថា ចាប់ផ្តើមពីថ្ងៃផ្ទុះជំងឺកូវីដ១៩ នាថ្ងៃទី២៨ ខែវិច្ឆិកា បណ្តាលឲ្យមានប្រជាពលរដ្ឋក្នុងក្រុមទី៥ភូមិបឹងឈូក សង្កាត់និរោធ ក្នុងនោះគឺក្រុមគ្រួសារលោក សាយ ស៊ីម មេភូមិបឹងឈូកមាន វិជ្ជមានកូវីដ១៩ គឺធ្វើឲ្យប្រជាពលរដ្ឋលោកលែងហ៊ានដើរចេញពីផ្ទះដូចមុន ព្រោះខ្លាចឆ្លងរាលដាលជំងឺដ៏កាចសាហាវដល់សហគមន៍។ សូម្បីតែអ្នករស់ច្បារអំពៅចូលទៅកណ្តាលក្រុងភ្នំពេញ ក៏មានអ្នកភ័យខ្លាចឆ្លង មិនខុសពីមុនឲ្យតែឃើញជនបរទេសនាំគ្នាគេចចេញនោះទេ៕

អត្ថបទ៖ នរា

សូមចុចអាន៖ រាជធានី ភ្នំពេញ មានកន្លែងសម្រាប់ធ្វើចត្តាឡីស័ក ជាង២០ទីតាំង

Related Topics:ខណ្ឌច្បារអំពៅ