គ្រឿង​បរិក្ខា​រ​ជួសជុល​ផ្លូវដែក​ជំនួយ​ថៃ បាន​ដឹកមកដល់ក្រុងប៉ោយប៉ែត

ខេត្តបន្ទាយមានជ័យ​៖ ដែករ៉ៃ កំណល់បេតុង និងគ្រឿងបរិក្ខារ(ក្រចាប់)ជាជំនួយរបស់រាជរដ្ឋាភិបាលថៃបានដឹកមកដល់ក្រុងប៉ោយប៉ែតហើយ ថ្ងៃទី ១៨ ខែតុលាឆ្នាំ ១២០២១ សម្រាប់យកទៅជួសជុលកំណាត់ផ្លូវដែកពីមង្គលបូរីទៅបាត់ដំបង និងទៅខេត្តពោធិសាត់បន្តទៀត។

ពិធីប្រគល់ដែករ៉ៃ កំណល់បេតុង និងគ្រឿងបរិក្ខារ (ក្រចាប់)ជូនដល់អាជ្ញាធរក្រុងប៉ោយប៉ែតនោះនៅ លើស្ពានដែកនៃព្រំដែនកម្ពុជា.ថៃ ឆ្លងអូរជ្រៅ នៅក្រុងប៉ោយប៉ែត-ស្រុកអារញ ដោយមានតំណាងភាគីទាំងពីរនិងកងកម្លាំងសមត្ថកិច្ចចូលរួម។

អាជ្ញាធរក្រុងប៉ោយប៉ែតបានប្រាប់អ្នកយកព័ត៍មានឲ្យដឹងថា ផ្លូវដែកទិសខាងជើងរបស់ប្រទេសកម្ពុជាបានភ្ជាប់ជាមួយផ្លូវដែកទិសខាងកើតឦសានរបស់​ថៃ បានភ្ជាប់គ្នាឡើងវិញនៅឆ្នាំ២០១៨មកម្លេះ។

ថ្នាក់ដឹកនាំរាជរដ្ឋាភិបាលកម្ពុជា និងថៃ បានសម្ពោធការតភ្ជាប់នោះ ព្រមទាំងប្រគល់ទទួលក្បាលនិងទូររថភ្លើង ហើយបានជិះរថភ្លើងឆ្លងព្រំដែនទៅមកចុះនៅស្ថានីយ៍ខ្លងលឹកថ្មីរបស់ថៃ និងស្ថានីយ៍ប៉ោយប៉ែតរបស់កម្ពុជាផងដែរ។

បន្ទាប់ពីសម្ពោធខ្សែរថភ្លើងខាងកម្ពុជា ដែលដំណើរការដោយក្រុមហ៊ុនរ៉ូយ៉ាល់រ៉េវ៉េ (Royol Raiway) បានរត់ដឹកអ្នកដំណើរ​សាកល្បងដោយគិតថ្លៃមួយរយៈ ដឹកទំនិញក៏បានខ្លះ រួចក៏ផ្អាកវិញ ដើម្បី​កែ​សម្រួលលើការងារមួយចំនួន៕

អត្ថបទ៖ វ៉ាន់ ណាង