ព័ត៌មានជាតិ
អាជ្ញាធរស្រុក សេសាន ឲ្យពលរដ្ឋត្រៀមលក្ខណៈចំពោះទឹកជំនន់ទន្លេស្រែពក
នៅព្រឹកថ្ងៃទី១៩ ខែតុលា ឆ្នាំ២០២១នេះ លោក សុវណ្ណ ពិសិដ្ឋ អភិបាលស្រុកសេសាន ខេត្តស្ទឹងត្រែងបានប្រកាសឱ្យប្រជាពលរដ្ឋរស់នៅឃុំក្បាលរមាស និងឃុំតាឡាត ត្រៀមលក្ខណៈប្រុងប្រយ័ត្ន ក្នុងពេលដែលរដ្ឋបាលខេត្តរតនគិរី ប្រកាសពីករណីជំនន់ទឹកភ្លៀងជន់លិចនៅមូលដ្ឋានរស់នៅរបស់បងប្អូនប្រជាពលរដ្ឋមួយចំនួនក្នុងស្រុកលំផាត់ ខេត្ត រតនគិរី និងបន្តមកជនលិច ដល់មូលដ្ឋានបងប្អូនប្រជាពលរដ្ឋយើងនៅក្នុងឃុំក្បាលរមាស និងឃុំតាឡាត ស្រុកសេសាន មួយចំនួនទៀត។
លោកអភិបាលស្រុកសេសានបានបញ្ជាក់ថា បន្ទាប់ពីមានទឹកជំនន់ជន់លិចភូមិមួយចំនួននៅស្រុកលំផាត់ខេត្តរតនគិរី ពេលនេះទឹកទន្លេបានបន្តជន់ ចូលដងទន្លេសេសាន និងទន្លេស្រែពក ខាងលើទំនប់វារីអគ្គិសនីសេសានក្រោមពីរ និងបន្តមកជនលិច ដល់មូលដ្ឋានបងប្អូនប្រជាពលរដ្ឋយើង នៅក្នុងឃុំក្បាលរមាសនិងនៅឃុំតាឡាតមួយចំនួនទៀត។
លោកអភិបាលស្រុកបានបន្តថា សូមបងប្អូនប្រជាពលរដ្ឋយើង ត្រូវត្រៀមមធ្យោបាយដូចជាទូក កាណូត និងមើលថែកូនចៅ កុមារតូចៗ មនុស្សវ័យចំណាស់ ចៀសវាងកុំឲ្យកើតមាននូវករណីគ្រោះថ្នាក់ដោយយថាហេតុ។
លោកបន្តថា ក្រុមគ្រួសារប្រជាពលរដ្ឋណារងផលប៉ះពាល់ ពិនិត្យមើលស្ថានភាពទឹកនេះ អាចលិចចូលដល់ក្នុងផ្ទះ ត្រូវរាយការណ៍មកអាជ្ញាធរមូលដ្ឋាន ដើម្បីជម្លៀសទៅរកទីទួលសុវត្ថិភាពបញ្ចៀសនូវគ្រោះថ្នាក់ផ្សេងៗដែលអាចកើតមានជាយថាហេតុ។
លោក រឿន សម្បត្តិ មេឃុំក្បាលរមាស បានបញ្ជាក់ថា លោកបានជម្រាបជូនដល់បងប្អូនប្រជាពលរដ្ឋ ដែលងាយរងគ្រោះជាពិសេសបងប្អូនដែលរស់នៅតាមជួរដងទន្លេស្រែពកទន្លេសេសានក្នុងឃុំក្បាលរមាសបានជ្រាបជាដំណឹងអស់ហើយ។
លោកបានបន្តថា កត្តាប្រឈមនេះ អាជ្ញាធរមូលដ្ឋានបានដាក់កម្លាំងប្រចាំការ មានមន្ត្រីប៉ុស្តិ៍រដ្ឋបាល ប្រជាការពារអាជ្ញាធរភូមិ នៅតាមគោលដៅដែលងាយរងគ្រោះដើម្បីពិនិត្យមើលសភាពការណ៍ជាក់ស្ដែងប្រសិនបើមានករណីប្រឈមណាមួយក្រុមការងារ និងជួសង្គ្រោះប្រជាពលរដ្ឋឱ្យរួចផុតពីគ្រោះថ្នាក់ផ្សេងៗដោយសារទឹកជំនន់។
សូមបញ្ជាក់ថា ស្រុក សេសាន មានឃុំក្បាលរមាស និងឃុំតាឡាត បានរងគ្រោះដោយសារជំនន់ទឹកភ្លៀងហូរធ្លាក់ពីទន្លេស្រែពកមកដោយសារព្យុះទី ៨ រងផលប៉ះពាល់និងមានភ្លៀងធ្លាក់ រយៈពេលមួយសប្តាហ៍កន្លងមក បច្ចុប្បន្នស្ថានភាពទឹកកំពុងតែបន្តឡើងនៅឡើយ៕
អត្ថបទ៖ ងិនលីម
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ