ព័ត៌មានជាតិ

កម្មករសំណង់៦នាក់ បានឆ្លងកូវីដ-១៩ នៅសង្កាត់វាលស្បូវ ត្រូវរថយន្តមកយកទាំងយប់

បានផុស

៣ years មុន

នៅ

ថ្ងៃពុធ ២០ តុលា ២០២១

ដោយ

កម្មករសំណង់ចំនួន៦នាក់ ត្រូវរថយន្តសង្គ្រោះរបស់មន្ទីរពេទ្យបង្អែកខណ្ឌច្បារអំពៅ មកយកនៅថ្ងៃទី១៩ ខែតុលា ឆ្នាំ២០២១ នៅវេលាម៉ោង១១យប់ បន្ទាប់ពីតេស្តវិជ្ជមានកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកស្រី យន់ សុផល ចៅសង្កាត់វាលស្បូវបានឲ្យដឹងថា កាលពីយប់មិញម៉ោង១១នាថ្ងៃទី១៩ខែតុលាទៅហើយ គឺរថយន្តសង្គ្រោះរបស់មន្ទីរពេទ្យបង្អែកខណ្ឌច្បារអំពៅ បានមកដឹកអ្នកជំងឺកូវីដ១៩ចំនួន៦នាក់ ស្ថិតក្នុងភូមិព្រែកជាងព្រំ ដែលអ្នកជំងឺភាគច្រើនជាកម្មករសំណង់។

លោកស្រីចៅសង្កាត់បានបន្តថា អ្នកជំងឺដែលឆ្លងនៅក្នុងសង្កាត់វាលស្បូវនេះ គឺជាកម្មករសំណង់ ដែលធ្វើការនិងរស់នៅរួមគ្នាទើបងាយឆ្លងបែបនេះ។ ហើយសង្កាត់វាលស្បូវនេះ ទើបមានឆ្លងជំងឺកូវីដ១៩ក្រោយគេ ខណៈដែលជំងឺកូវីដ១៩ បានផ្ទុះឡើងដំបូង ហើយសង្កាត់ទាំង៨ក្នុងខណ្ឌច្បារអំពៅ បានឆ្លងរាលដាលកាលពីកន្លងមក។ ឥឡូវដល់ពេលសង្កាត់ទាំង៧ទៀត មានសភាពស្ងប់ស្ងាត់បែរជាមកមានអ្នកឆ្លងច្រើននៅសង្កាត់វាលស្បូវទៅវិញ។

លោកស្រីចៅសង្កាត់ ក៏បានផ្សព្វផ្សាយដល់បងប្អូនប្រជាពលរដ្ឋ ក្នុងសង្កាត់វាលស្បូវទាំងអស់ សូមនាំគ្នាពាក់ម៉ាស និងរក្សាគម្លាតចៀសវាងការឆ្លងជំងឺដ៏សាហាវនេះ ហើយកុំភ្លេចនូវពាក្យស្លោក៣កុំនិង៣ការពារផង៕

អត្ថបទ៖ នរា

Related Topics:កម្មករសំណង់