ព័ត៌មានជាតិ

លោក ផែង វណ្ណៈ ៖ សៀវ សុផល និង ខ្ញុង ឃុបឃិតគ្នារៀបចំគម្រោងបោកប្រាស់ប្រជាជន

បានផុស

៣ years មុន

នៅ

ថ្ងៃពុធ ២០ តុលា ២០២១

ដោយ

នៅព្រឹកថ្ងៃទី២០ ខែតុលា ឆ្នាំ២០២១ តារាកំប្លែងអ្នកនាង ខ្ញុង បានចេញមុខបកស្រាយនូវរឿងរ៉ាវដែលគេរិះគន់ថា ការទម្លាយជំពាក់បំណុលគេជាងកន្លះលានដុល្លារជាឆាកល្ខោនរៀបចំសម្តែង និងគម្រោងបោកប្រាស់មហាជន ដោយនាងបញ្ជាក់ថា នាងគ្មានគំណិតអវិជ្ជមាន ឬកុហកបែបនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតមានការចេញមុខបកស្រាយពីតារាស្រីអ្នកនាង ខ្ញុង យ៉ាងណាក្តី ប៉ុន្តែមកទល់ពេលនេះ បញ្ហារបស់ ខ្ញុង នៅតែប្រធានបទក្តៅនៃការជជែកវែកញែករបស់មហាជន និងអ្នកគាំទ្រនៅលើបណ្តាយសង្គមហ្វេសប៊ុកមួយចំនួនដដែល។

ជាក់ស្តែងបើតាមការកត់សម្គាល់ គេសង្កេតឃើញមានទស្សនិកជនមួយចំនួន នៅតែបង្ហាញការអាណិតអាសូរ និងខ្លះទៀតលើកទឹកចិត្តចំពោះ ខ្ញុង ខណ:មួយចំនួនទៀត ក៏បានរិះគន់និងមិនព្រមជឿលើការបកស្រាយរបស់តារាកំប្លែងអ្នកនាង ខ្ញុង ទេ។

តួយ៉ាងបើចាប់អារម្មណ៍ទៅលើនៅលើទំព័រហ្វេសប៊ុករបស់លោក ផែង វណ្ណ: ដែលគេស្គាល់គ្រប់ថា ជាអ្នកព័ត៌មានមួយរូបបានបញ្ចេញទស្សន:ថា សៀវ សុផល និងខ្ញុង ឃុបឃិតគ្នារៀបចំគម្រោងបោកប្រាស់ប្រជាជន។

យោងតាមការបង្ហោះរបស់លោក ផែង វណ្ណ: នារសៀលថ្ងៃ២០ ខែតុលានេះ បានលើកឡើងថា លោកសៀវ សុផល និងនាងខ្ញុង ឃុបឃិតគ្នារៀបចំគម្រោងបោកប្រាស់ប្រជាជនអ្នកជួយនាង ខ្ញុង រួមទាំងស្រីអូនផង សុទ្ធតែជាជនរងគ្រោះទាំងអស់។ ដោយឡែកលោកក៏បានបញ្ជាក់ដោយខ្លីថា យប់នេះលោកនឹងLiveនិយាយអំពីរឿងនេះផងដែរ៕

អត្ថបទ៖ ចាន់រ៉ា