ព័ត៌មានជាតិ

អាជ្ញាធរខណ្ឌច្បារអំពៅ ចុះរៀបចំសណ្តាប់ធ្នាប់តាមបណ្តោយផ្លូវជាតិលេខ១ ដែលតែងបង្កកកស្ទះ

បានផុស

៣ years មុន

នៅ

ថ្ងៃព្រហស្បតិ៍ ២១ តុលា ២០២១

ដោយ

នៅព្រឹកថ្ងៃទី២១ ខែតុលានេះ អាជ្ញាធរខណ្ឌច្បារអំពៅ បានដាក់កម្លាំងចុះរៀបចំសណ្តាប់តាមបណ្តោយផ្លូវជាតិលេខ១ ក្នុងភូមិសាស្ត្រសង្កាត់ច្បារអំពៅទី២ ចាប់ពីគល់ស្ពានព្រះមុនីវង្សចាស់ ដល់មុខវត្តពោធិព្រះបាត្រហៅវត្តច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីមន្ត្រីសាលាខណ្ឌច្បារអំពៅ បានឲ្យដឹងថា ការងាររៀបចំសណ្តាប់ខាងលើនេះ គឺដឹកនាំដោយលោក គុយ គឹមហ៊ាង ប្រធានការិយាល័យសាធារណការសាលាខណ្ឌច្បារអំពៅ នឹងដោយមានការបញ្ជារផ្ទាល់ដោយលោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ។ មូលហេតុ ដែលអាជ្ញាធរចុះរៀបចំសណ្តាប់ធ្នាប់ តាមបណ្តោយផ្លូវជាតិលេខ១ចាប់ពីមុខវត្តច្បារអំពៅដល់គល់ស្ពានព្រះមុនីវង្សចាស់នេះ ព្រោះតែបងប្អូនអ្នកលក់ដូរមកដាក់លក់លើចិញ្ចើមផ្លូវពិសេសអ្នកលក់បន្លែតាមរ៉ឺម៉កកង់បី។

លោក គុយ គឹមហ៊ាង បានបន្តថា សកម្មភាពចុះរៀបចំសណ្តាប់នេះ គឺធ្វើឡើងជារៀងរាល់សប្តាហ៍ ប៉ុន្តែបងប្អូនមួយចំនួនធំលោកនាំគ្នាគោរពតាមការណែនាំ តែក្នុងនោះមនុស្សមួយចំនួនតូចបន្តចចេសរឹងរូស ដែលអ្នកទាំងនោះនឹងប្រឈមការរឹបអូសយករ៉ឺម៉កកង់បីយកមករក្សាទុកនៅសាលាខណ្ឌច្បារអំពៅ។ ដោយឡែកអ្នកធ្វើដំណើតាមបណ្តោយផ្លូវជាតិលេខ១ បានគាំទ្រនូវការរៀបចំសណ្តាប់ធ្នាប់នេះ ដែលធ្វើឲ្យផ្លូវស្បើយលែងស្ទះចរាចរណ៍តាមដងផ្លូវដែលនាំឲ្យអ្នកដំណើមានការយឺតយ៉ាវផងនោះ៕