ព័ត៌មានជាតិ
នៅឆ្ងាយពីសមុទ្រ តែខេត្តបាត់ដំបងគ្រោងបង្កើតសមុទ្រសិប្បនិម្មិត តម្រូវចិត្តភ្ញៀវទេសចរ
ជាខេត្តមិនជាប់សមុទ្រ តែអាជ្ញាធរខេត្តបាត់ដំបងគ្រោងបង្កើតសមុទ្រសិប្បនិម្មិត ជាផ្នែកមួយដើម្បីជំរុញសក្តានុពលទាក់ទាញភ្ញៀវទេសចរណ៍។
គម្រោងបង្កើតសមុទ្រសិប្បនិម្មិតនេះ មានទីតាំងចម្ងាយជាង ១៣ គីឡូម៉ែត្រពីក្រុងបាត់ដំបង ដោយនឹងរៀបចំកន្លែងទឹក មានចាក់ខ្សាច់សដូចសមុទ្រធម្មជាតិ។
លោក អ៊ុច អ៊ុភីនីស្សារ៉ា ប្រធានមន្ទីរទេសចរណ៍ខេត្តបាត់ដំបងបានប្រាប់កម្ពុជាថ្មីនៅព្រឹកនេះថា គម្រោងនេះជាផ្នែកមួយដើម្បីលើកស្ទួយវិស័យទេសចរណ៍របស់ខេត្តបាត់ដំបង។
ខេត្តបាត់ដំបងមានសម្បត្តិវប្បធម៌ប្រាសាទបុរាណ និងរមណីយដ្ឋានទេសចរណ៍ធម្មជាតិជាច្រើនកន្លែង។ ដោយឡែកគម្រោងបង្កើតសមុទ្រសិប្បនិម្មិត ដើម្បីបង្កើតភាពចំរុះបន្ថែម ដើម្បីទាក់ទាញភ្ញៀវទេសចរណ៍មកកម្សាន្តក្នុងខេត្តបាត់ដំបង។
លោកប្រធានមន្ទីរបានបញ្ជាក់ថា ទីតាំងដែលគ្រោងបង្កើតសមុទ្រសិប្បនិមិត្តនេះបានឌីហ្សាញរួចហើយ និងកំពុងរៀបចំត្រៀមចាប់ផ្តើមដំណើរការ។
ក្រៅពីគម្រោងអភិវឌ្ឍសមុទ្រសិប្បនិម្មិត ខេត្តបាត់ដំបងក៏បានបង្កើតរមណីយដ្ឋានកែច្នៃជាច្រើនកន្លែងទៀត។
លោក អ៊ុចអ៊ុ ភីនីស្សារ៉ា ប្រធានមន្ទីរទេសចរណ៍បានបញ្ជាក់ថា រមណីយដ្ឋានកែច្នៃមានការអភិវឌ្ឍផុលផុសយ៉ាងខ្លាំង។ម្ចាស់ចម្ការធំៗនៅក្នុងខេត្តបាត់ដំបង បានរៀបចំប្រែក្លាយដីចម្ការទៅជារមណីយដ្ឋានទេសចរណ៍ស្របតាមចំណូលចិត្តរបស់ភ្ញៀវទេសចរណ៍។
“អ្នកដែលមានដីចម្ការធំៗ ដីជាប់មាត់អូរ ក្រៅពីចម្ការបានកែច្នៃជារមណីយដ្ឋានទេសចរណ៍ជា HomeStay កំពុងមានចលនាអភិវឌ្ឍយ៉ាងផុលផុស។ ស្រុកចំនួន ៣ មានសកម្មភាពខ្លាំងជាងគេ មានស្រុករតនមណ្ឌល ស្រុកបាណន់ និងស្រុកសំឡូត”។
លោកបន្តថា មន្ទីរតែងតែសហការជាមួយដៃគូអភិវឌ្ឍឯកជន ជំរុញចលនាបង្កើតផលិតផលទេសចរណ៍ថ្មីៗ ដើម្បីទាក់ទាញភ្ញៀវទេសចរណ៍មកកម្សាន្តឲ្យកាន់តែច្រើន។
ខេត្តបាត់ដំបងក៏គ្រោងអភិវឌ្ឍតាមដងស្ទឹងសង្កែ ដោយមានស្ថាបនាច្រាំងនិងសួនច្បារ រួមទាំងការបង្កើតរមណីយដ្ឋានទេសចរណ៍ថ្មី ប្របតាមដងស្ទឹងធម្មជាតិនេះ។
ក្រៅពីគម្រោងអភិវឌ្ឍតាមដងស្ទឹងសង្កែ ខេត្តបាត់ដំបងក៏រៀបចំអភិរក្សផ្ទះបុរាណជាង ៨០០ កន្លែង ផបស្រ្តីត វិថីអាហារ និងវិថីវប្បធម៌ និងគោលដៅសំខាន់ ៥ ទៀត រួមទាំងម្ហូបអត្តសញ្ញាណរបស់ខេត្តបាត់ដំបង ១០ មុខ បង្ហាញដល់ភ្ញៀវទេសចរណ៍។ ក្រៅពីនេះ ខាងមន្ទីរទេសចរណ៍ខេត្តបានបង្កើតកញ្ចប់ព័ត៌មាន where to go where to eat where to stay សម្រាប់ភ្ញៀវមកលេងខេត្តបាត់ដំបង ដើម្បីអាចទទួលបានព័ត៌មានពីតំបន់គោលដៅទេសចរណ៍ដ៏ពេញនិយម រួមទាំងកន្លែងស្នាក់នៅផងដែរ៕
អត្ថបទ៖ ប៊ុណ្ណារ៉ា
ខេត្តស្ទឹងត្រែង រៀបចំទីតាំងដំឡើងរូបសំណាកអធិរាជសំឡេងមាស ស៊ីន សាមុត នៅសួនច្បារមាត់ទន្លេសេកុង
ជនរងគ្រោះ៧០០០នាក់ពីមជ្ឈមណ្ឌលឆបោក នៅមីយ៉ាន់ម៉ា រង់ចាំធ្វើមាតុភូមិនិវត្តន៍
មីយ៉ាន់ម៉ាស្នើចុះបញ្ជីម្សៅលាបមុខ Thanakha នៅអង្គការយូណេស្កូ
សាន ផានិត ថា ខ្លួនគ្មានមហិច្ចតាកាច់កុងប្រជែងធ្វើស្តេចចម្រៀងទេ
រដ្ឋមន្ត្រីសុខាភិបាល ប្រាប់អង្គភាពសុខាភិបាលទូទាំងប្រទេស ផ្តល់អាទិភាពដល់អ្នកជំងឺចាស់ជរា និងជនមានពិការភាព
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ជីវិតកម្សាន្ដ៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត