អ្នកនិពន្ធបទ «ស៊ូឃ្លាត» ឆ្លងជំងឺ​កូវីដ-១៩ កម្រិតធ្ងន់ សម្រាកព្យាបាលនៅពេទ្យឯកជន

ភ្នំពេញ៖ លោក អុឹម រតន:​ ហៅ “Tin Mark” ដែលជាតារាចម្រៀងនិងអ្នកនិពន្ធបទ”ស៊ូឃ្លាត” ត្រូវបានប្រភពមួយ​បញ្ជាក់ថាបានឆ្លងជំងឺកូវីដ- ១៩កម្រិតឆ្ងន់ ដោយសុីសួត​អស់ជិតមួយចំហៀង។

បើយោងតាមការបង្ហោះនៅលើគណនីហ្វេសប៊ុកឈ្មោះ Sambath Bun បានរៀបរាប់ថា ​លោកអុឹម រតន:​ហៅ “Tin Mark” ម្ចាស់បទចំរៀង”ស៊ូឃ្លាត” បានឆ្លងជំងឺកូវីដ-១៩កម្រិតធ្ងន់ ដែលវីរុសនេះបានវាយលុកសួតអស់ជិតមួយចំហៀង​។

លោកបន្តថា ឥឡូវកំពុងសំរាកព្យាបាលនៅពេទ្យឯកជនមួយ ដែលត្រូវចំណាយទឹកប្រាក់អស់១២០០ ដុល្លារក្នុងមួយថ្ងៃដែលជាបន្ទុកដ៏ធ្ងន់ ខណៈក៏​មិនមានប្រាក់ចំណូលសោះខាងការងារសិល្ប:ជាង៨ខែមកហេីយ៕

អត្ថបទ៖ ចាន់រ៉ា