ព័ត៌មានជាតិ

បើកបរខ្វះការប្រុងប្រយ័ត្នត្រង់ចំណុចផ្លូវបំបែកជាបួនបុក រថយន្ដមួយគ្រឿងទៀតក្រឡាប់ផ្ងាជើង

បានផុស

៤ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

បុរសម្នាក់បើករថយន្ដស៊េរីទំនើបម៉ាកហ្វតមួយគ្រឿងក្នុងល្បឿនលឿនខ្វះការប្រុងប្រយ័ត្នត្រង់ចំណុចផ្លូវបំបែក ជាបួនជ្រុលទៅបុករថយន្តកូរ៉េមួយគ្រឿងទៀតបណ្ដាលឲ្យក្រឡាប់ផ្ងារជើងម្ខាងសំណាងល្អអ្នកបើកបរទាំងសងខាងមិន មានរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការនេះបានកើតឡើងកាលពីវេលាម៉ោង១០និង៤០នាទីយប់ថ្ងៃទី២ ខែធ្នូ ឆ្នាំ២០២០នៅចំណុចស្តុបណតប្រីត តាម បណ្ដោយផ្លូវ ២០០៤កែងនិងផ្លូវណតប្រីត ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុមានបុរសម្នាក់បើករថយន្តស៊េរីទំនើបម៉ាកហ្វតមួយ គ្រឿងពណ៌កណ្ដុរប្រមេះពាក់ស្លាកលេខភ្នំពេញ2BF-5215ធ្វើដំណើរតាមបណ្តោយផ្លូវ២០០៤ទិសដៅពីកើតទៅលិចក្នុងល្បឿនលឿនលុះដល់ចំណុចកើតហេតុ ក៏ជ្រុលទៅបុករថយន្តកូរ៉េពណ៌ខៀវមួយគ្រឿងទៀតពាក់ស្លាកលេខភ្នំពេញ2V-0010 បើកបរដោយបុរសម្នាក់ធ្វើដំណើរតាមបណ្តោយផ្លូវណតប្រីត ទិសដៅពីត្បូងទៅជើងចំពាក់កណ្ដាលរថយន្តកូរ៉េពេញទំហឹងបណ្ដាលឲ្យត្រឡប់ក្បាលក្បាលមួយជុំនិងក្រឡាប់ផ្ងារជើងម្ខាង។ចំណែករថយន្តហ្វតរងការខូចខាតផ្នែកខាងមុខទាំងស្រុង តែងសំណាងល្អអ្នកបើកបររថយន្ដទាំងសងខាងមិនមានរងរបួសនោះទេ។

ក្រោយកើតហេតុសមត្ថកិច្ចមូលដ្ឋានបានចុះដល់ទីតាំងកើតហេតុ ទំនាក់ទំនងទៅសមត្ថកិច្ចជំនាញចុះធ្វើការវាស់វែងយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំធ្វើ ការដោះស្រាយគ្នាទៅតាមផ្លូវច្បាប់៕

អត្ថបទ ៖សុខុម