រាជរដ្ឋាភិបាល បញ្ជា​ទិញ​ពូជ​ស្រូវ ទម្ងន់២០០០តោន ​ជូន​កសិករ – Kampuchea Thmey Daily
Connect with us

ព័ត៌មានជាតិ

រាជរដ្ឋាភិបាល បញ្ជា​ទិញ​ពូជ​ស្រូវ ទម្ងន់២០០០តោន ​ជូន​កសិករ

Published

on

សម្ដេច​តេជោ ហ៊ុន សែន នាយករដ្ឋមន្ត្រី​កម្ពុជា ក្នុងឱកាសអញ្ជើញចុះជួបសួរសុខទុក្ខ និងចែកអំ​ណោយ​ជូនប្រជាពល​រដ្ឋ ដែលរងគ្រោះដោយសារទឹកជំនន់ នៅស្រុកអូរជ្រៅ ខេត្តបន្ទាយមានជ័យ ​នាព្រឹក​ថ្ងៃទី២៤ ខែតុលា ឆ្នាំ២០២០​ បានប្រកាសថា សម្តេចបានឲ្យក្រសួងកសិកម្ម រុក្ខាប្រមាញ់ និងនេសាទ រៀបចំពូជ​ស្រូវ​មិនប្រកាន់រដូវ ចំនួន ២០០០​តោន ដើម្បី​ចែកជូនពលរដ្ឋដែលជាកសិករ​រងគ្រោះដោយសារ​ទឹកជំនន់​។

សម្ដេច​តេជោ មានប្រសាសន៍ទៀតថា រាជរដ្ឋាភិបាល បានអនុម័តជាគោលការណ៍ ក្នុងការផ្ដល់ពូជស្រូវ ដល់កសិករ ដោយ​ក្នុងនោះ នឹង​ផ្ដល់​ជូនដល់គ្រួសារកសិកររងគ្រោះ និងខូចខាតស្រូវ ចំនួន១០០គីឡូ។រីឯពលរដ្ឋធ្វើដំណាំរួមផ្សំ នឹង​ផ្ដល់​ជូន​នូវ​ពូជ ដំណាំ​ចម្រុះ ចំនួន៦មុខ។
 
យ៉ាងណាក៏ដោយ សម្ដេច​តេជោ ហ៊ុន សែន នាយករដ្ឋមន្ត្រី​កម្ពុជា បាន​ជំរុញ​ដល់​អាជ្ញាធរ ឲ្យ​ពិនិត្យ​ជាក់​លាក់​ចំពោះតម្រូវការរបស់គ្រួសារដែលត្រូវការពូជស្រូវពិតប្រាកដ៕


 

ចុច Like Facebook កម្ពុជាថ្មី

ព័ត៌មានពេញនិយម