ព័ត៌មានជាតិ

កម្ពុជានឹងបញ្ជូនកម្លាំង ទ័ពមួកខៀវអាវុធហត្ថ ៧៣នាក់ ទៅប្រទេសស៊ូដង់ខាងត្បូង

បានផុស

៣ years មុន

នៅ

ថ្ងៃពុធ ២៧ តុលា ២០២១

ដោយ

កម្ពុជានឹងបញ្ជូនកងកម្លាំងទ័ពអាវុធហត្ថមួកខៀវចំនួន៧៣នាក់ ក្នុងនោះកម្លាំងនារី៣៤នាក់ ទៅចូលរួមបំពេញបេសកកម្មអង្គការសហប្រជាជាតិ នៅសាធារណរដ្ឋស៊ូដង់ខាងត្បូង ដើម្បីប្តូរវេនកម្លាំងចាស់ត្រូវបានបញ្ចប់បេសកកម្មរយៈពេល១ឆ្នាំនៅថ្ងៃទី២៨ ខែតុលា ឆ្នាំ២០២១ស្អែកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីសំណេះសំណាលកម្លាំងមួកខៀវកម្ពុជា នៅវិទ្យាស្ថានហ្វឹកហ្វឺនកងកម្លាំងរក្សាសន្តិភាព នាស្រុកឧដុង្គ ខេត្តកំពង់ស្ពឺ នៅថ្ងៃទី២៧ ខែតុលានេះ នាយឧត្តមសេនីយ៍ សែម សុវណ្ណនី អនុប្រធានគណៈកម្មការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាពថ្លែងថា កម្លាំងកងទ័ពមួកខៀវដែលបញ្ជូនទៅប្តូរវេននេះ គឺមានការប្រុងប្រយ័ត្នខ្ពស់ក្នុងការទប់ស្កាត់ ចំពោះការឆ្លងរីករាលដាលជំងឺកូវីដ១៩

នៅពេលផ្លាស់ប្តូរកងកម្លាំងម្តងៗ ហើយជំហររបស់កម្ពុជានៅបន្តបញ្ជូនកងទ័ពមួកខៀវកម្ពុជា ទៅបំពេញបេសកកម្ម គឺមិនបោះបង់ចោលភារកិច្ចក្នុងការចូលរួមថែរក្សាសន្តិភាព នៅតាមបណ្តាប្រទេសនានា ក្រោមឆត្ររបស់អង្គការសហប្រជាជាតិនោះឡើយ ពោលគឺកម្ពុជាចូលរួមដោយស្ម័គ្រចិត្ត និងការទទួលខុសត្រូវក្នុងឋាន:ជាសមាជិកអង្គការសហប្រជាជាតិ។

គួរបញ្ជាក់ថា បច្ចុប្បន្នកម្ពុជាមានកម្លាំងទ័ពមួកខៀវ ប្រមាណ៨០០នាក់កំពុងបំពេញបេសកកម្មរក្សាសន្តិភាពក្រោមឆត្រអង្គការសហប្រជាជាតិ នៅប្រទេសលីបង់ ស៊ូដង់ ស៊ូដង់ខាងត្បូង ម៉ាលីនិងសាធារណរដ្ឋអាហ្វ្រិកកណ្តាល៕

អត្ថបទ៖ សំអឿន