ព័ត៌មានជាតិ
កងសង្គ្រោះ សហការអាជ្ញាធរខណ្ឌកំបូល ជួយចល័តប្រជាពលរដ្ឋរងគ្រោះទឹកជំនន់
ក្រោយពីបានទទួបទបញ្ជាពីលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធ ពលខេមរភូមិន្ទ មេបញ្ជាការកងទ័ពជើងគោក រួចមក មេបញ្ជាការរង នាយសេនាធិការ បញ្ជាការដ្ឋានទ័ពពិសេស បានប្រើប្រាស់កម្លាំងអន្តរាគមន៍សង្គ្រោះគ្រោះមហន្តរាយលេខ៩១១ នៅប្រចាំការសហការជាមួយអាជ្ញាធរ ក្នុងការជួយសង្គ្រោះ និងចម្លងប្រជាពលរដ្ឋ ២៤ ម៉ោងលើ ២៤ ម៉ោង ក្នុងភូមិសាស្រ្ត ភូមិដូនកុក សង្កាត់បឹងធំ ខណ្ឌកំបូល រាជធានីភ្នំពេញ ដើម្បីជួយដឹកជញ្ជូន និងជម្លៀសប្រជាពលរដ្ឋមកកាន់ទីទួលសុវត្ថិភាព ព្រមទាំងដឹកជញ្ជូនទ្រព្យសម្បតិ្ត និងសត្វពាហនៈ ដែលបានរងនូវការលិចលង់នៅក្នុងតំបន់។

ឧត្តមសេនីយ៍ត្រី ស៊ុំ សំណាង មេបញ្ជាការរង នាយសេនាធិការ បញ្ជាការដ្ឋានទ័ពពិសេស បានឱ្យដឹងថា បច្ចុប្បន្នកងកម្លាំងសង្គ្រោះគ្រោះមហន្តរាយលេខ ៩១១ បានបន្តយកចិត្តទុកដាក់ខ្ពស់ចំពោះសុវត្ថិភាពបងប្អូនប្រជាពលរដ្ឋនៅក្នុងតំបន់នោះ ដោយកងកម្លាំងធ្វើការចល័តទូកជាបន្តបន្ទាប់ ដើម្បីជួយដឹកជញ្ជូនពួកគាត់ពីតំបន់លិចលង់មកកាន់ទីទួលសុវត្ថិភាព និងធ្វើការអន្តរាគមន៍ភ្លាមៗបើសិនជាមានការស្នើសុំជំនួយពីសំណាក់អាជ្ញាធរមូលដ្ឋាន។

លោកបានបញ្ជាក់ថា ចាប់តាំងពីថ្ងៃទី២៥ ខែតុលា មកមានប្រជាជនប្រមាណ ១,០៦៨ នាក់ ត្រូវបានក្រុមសង្គ្រោះជួយដឹកជញ្ជូនពីតំបន់លិចលង់ទៅកាន់ទីទួលសុវត្ថិភាព។
ជាមួយគ្នានោះ លោកមេបញ្ជាការរង បានសំណូមពរដល់ប្រជាពលរដ្ឋ ទាំងអស់ក្នុងភូមិសាស្រ្តដែលកំពង់រងនៅការលិចលង់ សូមប្រុងប្រយ័ត្នខ្ពស់ចំពោះកូនតូចៗដែលងាយរងគ្រោះ និងការពារចំពោះសត្វអាសិរពិសផ្សេងៗដែលអាចបង្កគ្រោះថ្នាក់ជាយថាហេតុ។

សូមជម្រាបថា ទឹកជំនន់ស្ទឹងព្រែកត្នោតបានបង្កការជន់លិចផ្ទះ ដីកសិកម្ម សាលារៀន ផ្លូវថ្នល់ ក្នុងភូមិសាស្រ្តខណ្ឌកំបូល គឺទឹកហូរធ្លាក់យ៉ាងគំហុកពីខេត្តកំពង់ស្ពឺ ចាប់ផ្តើមជន់លិចរយៈពេល២ទៅ៣ថ្ងៃចុងក្រោយនេះ បង្កការជន់លិចផ្ទះប្រជាពលរដ្ឋ និងសង្កាត់ចំនួន២ ទទួលរងផលប៉ះពាល់ធ្ងន់ធ្ងរ៕
អត្ថបទ៖ កោះកែវ

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១១ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ