ព័ត៌មានជាតិ
មន្ទីរសុខាភិបាលរាជធានី បញ្ជូនគ្រូពេទ្យនិងរថយន្តសង្គ្រោះបន្ថែមជួយសង្គ្រោះពលរដ្ឋនៅតំបន់ទឹកជំនន់
ប្រធានមន្ទីរសុខាភិបាលរាជធានីភ្នំពេញ បានមានប្រសាសន៍ថា មន្ទីរនឹងបញ្ជូនក្រុមគ្រូពេទ្យនិងរថយន្តសង្គ្រោះបន្ថែមដើម្បីត្រៀមជួយសង្គ្រោះដល់បងប្អូនប្រជាពលរដ្ឋរងគ្រោះដោយសារទឹកជំនន់ដែលមានបញ្ហាសុខភាពស្រាលៗ។
លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញបានមានប្រសាសន៍នៅព្រឹកថ្ងៃទី២៨ ខែតុលានេះថា « នៅល្ងាចនេះមន្ទីរនឹងរៀបចំចាត់ចែងក្រុមគ្រូពេទ្យ និងរថយន្តសង្គ្រោះបន្ថែមទៅបោះតង់ពី២ទៅ៣កន្លែង ដែលប្រជាពលរដ្ឋរងគ្រោះដោយសារទឹកជំនន់នៅក្នុងខណ្ឌដង្កោ ទៅតាមស្ថានភាពជាក់ស្តែង ដើម្បីត្រៀមជួយសង្គ្រោះដល់ពលរដ្ឋដែលមានបញ្ហាសុខភាពកម្រិតស្រាលៗ ដូចជាផ្តាសាយ ក្តៅខ្លួន រាករូស ឬពស់ចឹកជាដើម»។
លោកវេជ្ជបណ្ឌិតបានបន្តថា ប៉ុន្មានថ្ងៃនេះ ការិយាល័យស្រុកប្រតិបត្តិដង្កោ បានបញ្ជូនក្រុមគ្រូពេទ្យនិងរថយន្តសង្គ្រោះបន្ទាន់ប្រចាំការនៅក្នុងសង្កាត់សាក់សំពៅ និងម្តុំផ្សារព្រែកជ្រៃ ដើម្បីរង់ចាំទទួលព្យាបាលដល់ប្រជាពលរដ្ឋយើង។ ប៉ុន្តែដោយសារតែស្ថានភាពទឹកជំនន់បន្តកាន់តែលិចរាលដាលច្រើននោះទើបមន្ទីរសម្រេចបញ្ជូនគ្រូពេទ្យ និងរថយន្តសង្គ្រោះប្រចាំការជួយបន្ថែមទៀត ដើម្បីជួយសង្គ្រោះដល់ពលរដ្ឋមានបញ្ហាសុខភាពឱ្យបានទាន់ពេលវេលា។
លោកវេជ្ជបណ្ឌិតបានបន្តទៀតថា ក្នុងករណីពលរដ្ឋមានបញ្ហាសុខភាពធ្ងន់ធ្ងរនោះ យើងនឹងបញ្ជូនគាត់ទៅសង្គ្រោះនៅតាមមន្ទីរពេទ្យរដ្ឋនានាក្នុងរាជធានីភ្នំពេញ ខណៈប៉ុន្មានថ្ងៃមកនេះមិនមានពលរដ្ឋណាម្នាក់មានបញ្ហាសុខភាពធ្ងន់ធ្ងរទេ ពោលគឺមានតែកើតជំងឺផ្តាសាយតិចតួចនិងក្តៅខ្លួនប៉ុណ្ណោះ ដោយសារត្រូវទឹកភ្លៀង ។
លោកវេជ្ជបណ្ឌិតបានណែនាំដល់ប្រជាពលរដ្ឋត្រូវប្រុងប្រយ័ត្នខ្ពស់ចំពោះសុខភាពត្រូវរក្សាអនាម័យឱ្យបានខ្ពស់ ចៀសផុតពីជំងឺផ្សេងៗ ពិសេសត្រូវប្រកាន់ខ្ជាប់នូវវិធានការ៣កុំនិង៣ការពារ ដើម្បីបញ្ចៀសការឆ្លងរាលដាលជំងឺកូវីដ១៩។
គួរបញ្ជាក់ថា រហូតមកដល់ពេលនេះ ជំនន់ទឹកស្ទឹងព្រែកត្នោតបានជនលិចសង្កាត់ចំនួន១០ហើយនៅក្នុងខណ្ឌដង្កោ ក្នុងនោះប្រជាពលរដ្ឋប្រមាណជា៣០០០គ្រួសារបានទទួលរងផលប៉ះពាល់ ហើយចំនួននេះអាជ្ញាធររាជធានីភ្នំពេញក៏គ្រោងនឹងនាំយកអំណោយរបស់សម្ដេចតេជោមកចែកជូនពួកគាត់ផងដែរ៕
អត្ថបទ៖ សំអឿន
កម្ពុជាអនុញ្ញាត្តឱ្យមានការជួញដូរទ្រព្យសកម្មគ្រីបតូ
ខេត្តរតនគិរី៖ ដំឡូងមីធ្លាក់ថ្លៃ អ្នកដាំស្នើអ្នកទិញកុំទម្លាក់តម្លៃខ្លាំងពេក តែអ្នកទិញថា តម្លៃទិញ វាអាស្រ័យលើតម្លៃលក់ចេញ
មិត្តរួមថ្នាក់ Liu Yifei ទម្លាយរូបភាពនាងកាលពី ២៥ ឆ្នាំមុន
ទំនាក់ទំនងជាង២២ឆ្នាំ កម្ពុជាសម្រេចបង្កើតស្ថានទូតនៅក្នុងប្រទេសទីម័រឡេស្តេ
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៩ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ