ព័ត៌មានជាតិ

នគរបាលខណ្ឌដង្កោ ទទួលបានអំណោយពីសប្បុរសជន

បានផុស

៣ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

លោក ឡេង លឹមអ៊ាង និងលោកស្រី សេង សុធារ៉ា នៅព្រឹកថ្ងៃទី២៨ ខែតុលា ឆ្នាំ២០២១ បាននាំយកនូវអំណោយមានដូចជា អង្ករ ទឹកបរិសុទ្ធ មី ម៉ាស់ អាល់កុល ភេសជ្ជៈផ្សេងៗ រួមនឹងថវិកាមួយចំនួនទៀតប្រគល់ជូនកងកម្លាំង នៃអធិការដ្ឋាននគរបាលខណ្ឌដង្កោ ក្នុងគោលបំណងចូលរួមទប់ស្កាត់ និងផ្គត់ផ្គង់ដល់កងកម្លាំងដែលកំពុងចុះជួយអន្តរាគមន៍យ៉ាងសស្រាក់សស្រាំនូវគ្រោះទឹកជំនន់ស្ទឹងព្រែកត្នោតហូរជន់លិចភូមិជាច្រើននៅក្នុងភូមិសាស្ត្រខណ្ឌដង្កោ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ ក៏បានសម្តែងនូវក្តីរីករាយបំផុតចំពោះ សប្បុរសជននានា ដែលតែងតែបានជួយឧបត្ថម្ភនូវគ្រឿងឧបភោគ បរិភោគរួមជាមួយអាហារសម្រន់ ភេសជ្ជៈផ្សេងៗដល់កងកម្លាំងរបស់លោក ដើម្បីរួមចំណែកបេសកកម្មចុះជួយអន្តរាគមន៍ដល់ប្រជាពលរដ្ឋដែលកំពុងរងគ្រោះដោយទឹកជំនន់ នៅស្ទឹងព្រែកត្នោតនេះ។

ជាមួយគ្នាលោកវរសេនីយ៍ឯក ជឹម ស៊ីថា ក៏បានថ្លែងនូវអំណរគុណចំពោះលោក ឡេង លឹមអ៊ាង និងលោកស្រី សេង សុធារ៉ា ដែលបានចំណាយនូវសម្ភារៈ និងថវិកាផ្ទាល់ខ្លួនចែកជូនដល់កងកម្លាំងរបស់លោកក្នុងគ្រាហ៍កំពុងមមាញឹកបំពេញភារកិច្ចជួយសង្គ្រោះបងប្អូនប្រជាពលរដ្ឋដែលរងគ្រោះដោយសារជំនន់ទឹកស្ទឹងព្រែកត្នោតនាពេលនេះ ៕

អត្ថបទ៖ រ៉ាវុទ្ធ

Related Topics:ខណ្ឌដង្កោ