ព័ត៌មានជាតិ
មន្ទីរទេសចរណ៍ ណែនាំឱ្យប្រជាសហគមន៍ផ្សោតព្រះរំកិលអភិរក្សសត្វផ្សោត ដែលនៅសល់តែមួយក្បាល
សត្វផ្សោតរស់នៅតំបន់អភិរក្ស (អន្លង់ឈើទាល) ឃុំព្រះរំកិល នៅសល់តែមួយក្បាលតែប៉ុណ្ណោះ ហើយមន្ទីរទេសចរណ៍បានណែនាំឱ្យប្រជាសហគមន៍រមណីយដ្ឋានទេសចរណ៍ផ្សោតព្រះរំកិលបង្កើនកិច្ចសហការរួមគ្នា ធ្វើការអភិរក្សទុកបម្រើឱ្យវិស័យទេសចរណ៍។
លោក អ៊ន ប៉ោសឿន ប្រធានមន្ទីរទេសចរណ៍ខេត្តស្ទឹងត្រែង បានស្នើឱ្យមន្ត្រីជំនាញខណ្ឌជលផលខេត្ត និងអង្គការ(WWF )អភិរក្សសត្វផ្សោតជាដៃគូ ជួយរិះរកយន្តការពារ សត្វផ្សោតបន្ថែម ព្រោះបច្ចុប្បន្នមានអ្នកនេសាទឡាវចេះតែមក(ដាក់មង- ចងសន្ទូច)ក្នុងអន្លុងអភិរក្ស និងមានទូកបើកបំពងសំឡេងខ្លាំងៗឆ្លងកាត់តាមតំបន់សត្វផ្សោតរស់នៅ។ លោកបន្តថា៖រមណីយដ្ឋានទេសចរណ៍មួយនេះ ប្រសិនបាត់បង់សត្វផ្សោតទាំងស្រុងនោះ អាចបង្កបញ្ហាប្រឈមទៅនិងការបាត់បង់ភ្ញៀវទេសចរដែរ ព្រោះកន្លងមកភ្ញៀវភាគច្រើនមកទស្សនាចង់ឃើញសត្វផ្សោតមេគង្គតែប៉ុណ្ណោះ។
លោក ផយ វណ្ណា អ្នករៀបចំសេវាកម្មដឹកជញ្ជូនភ្ញៀវទេសចរ បានអះអាងថា៖ ប្រជាសហគមន៍បានប្រឹងប្រែងអភិរក្សហើយ តែប៉ែកភាគីឡាវចេះតែយក (មង ឬសន្ទូច) មកដាក់យកត្រី នៅជិតតំបន់អភិរក្សសត្វផ្សោតយើងនេះ ដែលបង្កផលប៉ះពាល់ដល់សត្វផ្សោតហែលប្រដេញចាប់ត្រីជាអាហារ។ លោកបន្តថា៖សមាជិកសហគមន៍កំពុងរិះរកយន្តការដោះស្រាយរួមគ្នា ដើម្បីបញ្ចៀសកុំឱ្យសត្វផ្សោតដ៏កម្រនេះវាបាត់បង់តទៅទៀត ព្រោះបច្ចុប្បន្ននៅសល់តែ១ក្បាលតែប៉ុណ្ណោះ ព្រោះកាលពីដើមឆ្នាំ២០២១កន្លងមកនេះ បានស្លាប់ចំនួន២ក្បាលទៅហើយ)។
សូមបញ្ជាក់ថា៖ ខេត្តស្ទឹងត្រែងមានតំបន់ទេសចរណ៍ធម្មជាតិសត្វផ្សោតអន្លង់ឈើទាល់ព្រះរំកិលនេះ បានបើកដំណើរការជូនភ្ញៀវទស្សនាជាង១០ឆ្នាំមកហើយ និងនៅចំនួន៣កន្លែងទៀត ដូចជា អន្លុងផ្សោត ត្បូងខ្លា កោះកាំងកូនចាប និងកោះសន្ទក់ ពុំទាន់រៀបចំជារមណីយដ្ឋាននៅឡើយទេ៕
អត្ថបទ៖ ងិនលីម
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ