ព័ត៌មានជាតិ

មិនថារាជធានី-ខេត្ត ជំងឺអេដស៍ នៅតែជាគោលដៅមុតស្រួចក្នុងការចូលរួមប្រយុទ្ធប្រឆាំងទោះបីក្នុងសម័យកូវីដក្ដី

បានផុស

៣ years មុន

នៅ

ថ្ងៃសុក្រ ២៩ តុលា ២០២១

ដោយ

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទាបានថ្លែងថា មិនថារាជធានីខេត្តឡើយ បញ្ហាជំងឺអេដស៍នៅតែជាគោលដៅមុតស្រួចក្នុងការចូលរួមប្រយុទ្ធប្រឆាំងដដែល ទោះបីក្នុងសម័យកូវីដក្ដី គឺរាជរដ្ឋាភិបាលមិនបង្អង់ដៃនោះទេ។

លោក ឈួរ សុបញ្ញា លើកឡើងបែបនេះនាថ្ងៃទី២៨ ខែតុលា ឆ្នាំ២០២១ក្នុងពេលបានចូលរួមកិច្ចប្រជុំក្រុមប្រឹក្សាបច្ចេកទេសលើកទី១០ ឆ្នាំ២០២១ ប្រចាំខែតុលា នៃអាជ្ញាធរជាតិប្រយុទ្ធនឹងជំងឺអេដស៍ ក្រោមវត្តមានលោក ឈឹម ឃិនដារ៉េត អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធនឹងជំងឺអេដស៍ តាមវីដេអូខនហ្វឺរេន(Zoom)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈួរ សុបញ្ញា បានថ្លែងថា ជុំវិញបញ្ហានេះ ប្រជាជនក្រីក្រ និងងាយរងគ្រោះប្រមាណជាងនៅសល់រាប់សែននាក់គ្រួសារទៀតកំពុងបន្តទៅទទួលសាច់ប្រាក់របស់រាជរដ្ឋាភិបាល ក្នុងនោះមានបងប្អូនមានផ្ទុកជំងឺអេដស៍ផងដែរ ដែលសកម្មភាពមនុស្សធម៌ដ៏ប្រពៃថ្លៃថ្លានេះ គឺជាការគិតគូរខ្ពស់របស់រាជរដ្ឋាភិបាលដែលមានសម្តេចតេជោហ៊ុន សែន ជាប្រមុខដឹកនាំដ៏ឈ្លាសវៃ។

លោកថ្លែងបន្តថា តាមរយៈមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត បាននឹងកំពុងបើកផ្តល់ប្រាក់របបគោលនយោបាយប្រចាំខែ សម្រាប់ជនពិការជាអតីតយុទ្ធជនរាប់ម៉ឺននាក់ និងបានផ្តល់ជាប្រាក់របបគោលនយោបាយសម្រាប់ជនពិការក្រីក្រ តាមសហគមន៍រាប់ម៉ឺននាក់ផងដែរ។ រយៈពេលជាង២ឆ្នាំហើយរាជរដ្ឋាភិបាលបានចេញនូវអនុក្រឹត្យ ស្តីពីការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ១៩ ដែលក្នុងនោះបានឧបត្ថម្ភដល់គ្រួសារក្រីក្រ និងងាយរងគ្រោះដែលមានកុមារអាយុចាប់ពី០ទៅ៥ឆ្នាំ មនុស្សចាស់ចាប់ពីអាយុ៦០ឆ្នាំឡើងទៅ សមាជិកគ្រួសារដែលមានជំងឺអេដស៍ និងជាពិសេសជនពិការ ដែលងាយរងគ្រោះទាំងអស់ នឹងទទួលបានការឧបត្ថម្ភបន្ថែមទៅក្នុងគ្រួសារក្រីក្រ ដែលមានប័ណ្ណសមធម៌ ជាគោលការណ៍ទទួលបាន១២០,០០០៛/ខែ សម្រាប់នៅទីប្រជុំជន និងរាជធានីភ្នំពេញទទួលបាន៨០,០០០៛/ខែ សម្រាប់នៅជនបទ។ ម្យ៉ាងវិញទៀត ក្រោយពីប្រកាសដាក់ឱ្យអនុវត្តកម្មវិធីឧបត្ថម្ភសាច់ប្រាក់នេះ រាជរដ្ឋាភិបាលបានសម្រេចបានជិត១០០%ហើយ ដោយមានប្រជាជនក្រីក្រ និងងាយរងគ្រោះប្រមាណជិត៣លាននាក់ ស្មើនឹងជិត៧០ម៉ឺន គ្រួសារបានទៅទទួលថវិកាពីរាជរដ្ឋាភិបាលរួចហើយ នៅសល់គ្រួសារមួយចំនួនទៀតកំពុងបន្តទៅទទួលរៀងរាល់ខែ ដោយមិនរាជរដ្ឋាភិបាលមិនទុកឲ្យបងប្អូនប្រជាពលរដ្ឋណាម្នាក់នៅឯកាឡើយ៕

អត្ថបទ៖ វិមាន