ព័ត៌មានជាតិ

អង្គការAHF បន្តអំពាវនាវដល់ប្រទេសG20ជួយបរិច្ចាគវ៉ាក់សាំងកូវីដ-១៩ដល់ប្រទេសក្រីក្រ

បានផុស

៣ years មុន

នៅ

ថ្ងៃសុក្រ ២៩ តុលា ២០២១

ដោយ

អង្គការមូលនិធិថែទាំសុខភាពអ្នកជំងឺអេដស៍(AHF) និងអង្គការដៃគូនានាតាមរយៈយុទ្ធនាការទាមទារឲ្យមានការចាក់វ៉ាក់សាំងទូទាំងពិភពលោកហៅកាត់ថា VOW នៅថ្ងៃទី២៩ ខែតុលា ឆ្នាំ២០២១នេះ បានបន្តអំពាវនាវជាលើកចុងក្រោយដល់ប្រទេសG20ជួយបរិច្ចាគវ៉ាក់សាំងកូវីដ-១៩ដល់បណ្តាលប្រទេសក្រីក្រព្រោះថា មានតែការចាក់វ៉ាក់សាំងឱ្យបានទូទាំងសកលលោកទេ ទើបអាចជួយការពារអាយុជីវិតមនុស្សពីជំងឺកូវីដ១៩បានតាមរយៈការជួយការពារកុំឱ្យឈឺធ្ងន់ធ្ងរ និងជួយឱ្យការព្យាបាលឆាប់ជាសះស្បើយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពតស៊ូមតិរបស់អង្គការ AHF ប្រចាំកម្ពុជា គ្រាន់តែជាព្រឹត្តិការណ៍មួយផ្នែកតូចរបស់ VOWដែលផ្តោតសំខាន់លើប្រទេសជាច្រើនក្នុងរយៈពេលប៉ុន្មានខែចុងក្រោយនេះ នៅមុនកិច្ចប្រជុំកំពូល G20 ដែលនឹងប្រព្រឹត្តិទៅនៅថ្ងៃទី៣០ ខែតុលានេះ នៅទីក្រុងរ៉ូម ប្រទេសអ៊ីតាលី និងជាការបន្តកិច្ចខិតខំប្រឹងប្រែងជំរុញឱ្យមេដឹកនាំនៃបណ្ដាប្រទេសអ្នកមាននៅលើពិភពលោក ធានាឱ្យបាននូវសិទ្ធិទទួលបានវ៉ាក់សាំងបង្ការ COVID-19ជាសកល។

លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីនៃអង្គការមូលនិធិថែទាំសុខភាពអ្នកជំងឺអេដស៍ (AHF) បានមានប្រសាសន៍ថា លុះត្រាតែមេដឹកនាំ G20ប្តេជ្ញាចំពោះកិច្ចសហប្រតិបត្តិការអន្តរជាតិដើម្បីបញ្ចប់ជំងឺរាតត្បាតនេះបើមិនដូច្នេះទេជំងឺកូវីដ១៩ នឹងបន្តបំផ្លាញប្រព័ន្ធសុខភាព និងសេដ្ឋកិច្ចទូទាំងពិភពលោកហើយគ្មានប្រទេសណាមានសុវត្ថិភាពទេទាល់តែប្រទេសទាំងអស់ត្រូវបានការពារ។

គួរបញ្ជាក់ថា អង្គការមូលនិធិថែទាំសុខភាពអេដស៍ដែលជាអង្គការអេដស៍ពិភពលោកធំជាងគេនាពេលបច្ចុប្បន្នផ្តល់ការព្យាបាល និងផ្តល់សេវាកម្មវេជ្ជសាស្ត្រ ដល់អតិថិជនជាង១,៦ លាននាក់ នៅក្នុងប្រទេសចំនួន៤៥ នៅទូទាំងពិភពលោក នៅសហរដ្ឋអាមេរិក អាហ្វ្រិក អាមេរិកឡាទីន/ការ៉ាអ៊ីបតំបន់អាស៊ីប៉ាស៊ីហ្វិកនិងអឺរ៉ុប៕

អត្ថបទ៖ សំអឿន