ព័ត៌មានជាតិ
មន្ត្រីនាយកដ្ឋានភាពយន្ត រីករាយឃើញម្ចាស់រោងកុន និងអ្នកទស្សនាអនុវត្តបានល្អនៅថ្ងៃបើកដំបូង
មន្ត្រីនាយកដ្ឋានភាពយន្តបានសំដែងនូវភាពរីករាយ ដោយឃើញម្ចាស់រោងកុន និងអ្នកទស្សនាអនុវត្តបានល្អប្រសើរនូវគោលការណ៍ប្រតិបត្តិ SOP នៅថ្ងៃបើកដំណើរការរោងកុនឡើងវិញជាលើកដំបូងកាលពីថ្ងៃទី៣០តុលាឆ្នាំ២០២១។
លោក ប៉ុក បូរក្ស ប្រធាននាយកដ្ឋានភាពយន្តនៃក្រសួងវប្បធម៌និងវិចិត្រសិល្បៈបានឲ្យដឹងនៅព្រឹកថ្ងៃទី៣១តុលានេះថា មានរោងកុននៅរាជធានីភ្នំពេញចំនួន១១ បានបើកដំណើរការឡើងវិញ ក្នុងចំណោមរោងកុនសរុបចំនួន១៤ ក្នុងនោះរោងកុន២កំពុងជួសជុល និង១ទៀតមានបញ្ហាផ្នែកបច្ចេកទេសមិនអាចដំណើរការបាន។ លោកបានបន្តថា ក្នុងចំណោមរោងកុនចំនួន១១នោះ មាន៧បើកដោយរោងកុនឡេជេន និង៤ទៀតបើកដោយរោងកុនស៊ីណេផ្លិច។
លោកបានបន្តទៀតថា កាលពីល្ងាចថ្ងៃទី៣០តុលា លោកបានដឹកនាំក្រុមការងារចុះពិនិត្យមើលនៅតាមរោងកុននៅរាជធានីភ្នំពេញហើយសង្កេតឃើញថា មានរោងកុនខ្លះបានទស្សនិកជនចូលទស្សនាច្រើនដូចជារោងកុននៅអ៊ីអន សូរិយា អេឌែន។ ប៉ុន្តែមានរោងកុនខ្លះទៀត មិនសូវមានអ្នកចូលទស្សនាច្រើនទេ ដូចជារោងកុននៅស៊ីធីម៉ល រោងកុនសាម័យស្វ័រទួលគោក។
យ៉ាងណាក៏ដោយ លោកមានភាពរីករាយដែលបានឃើញម្ចាស់រោងកុន និងអ្នកចូលទស្សនាអនុវត្តបានល្អប្រសើរនូវគោលការណ៍ប្រតិបត្តិ SOP តាមក្រសួងដែលបានដាក់ចេញ។ លោកបានបន្តទៀតថា« យើងមានការសប្បាយចិត្តរីករាយដែរក្នុងចំណោមគោលការណ៍ប្រតិបត្តិ SOPតាមក្រសួងដែលបានដាក់ចេញ គឺរោងកុនគាត់បានរៀបចំនិងអនុវត្តបានយ៉ាងត្រឹមត្រូវដែលនេះ យើងសប្បាយចិត្តចំពោះការសហការបានយ៉ាងល្អពីដៃគូរបស់យើង។ ប៉ុន្តែអ្វីដែលយើងរឹតតែសប្បាយចិត្តថែមទៀតនោះគឺទស្សនិកជនទាំងអស់គាត់មានការយល់ដឹងបញ្ហាហ្នឹងច្រើនមែនទែនដោយមិនចាំបាច់ឱ្យយើងសួរនាំគាត់ចូលរួមអនុវត្តយ៉ាងល្អ។មានន័យថារយៈពេល២ឆ្នាំគាត់មានការយល់ដឹងពីវិធីការពារនិងការចូលរួមទប់ស្កាត់គឺពួកគាត់បានយល់ដឹងច្បាស់»។
លោកបានរំលឹកថា កាលពីមិនពេលបើកដំណើរការអនុវត្តគោលការណ៍ប្រតិបត្តិ SOPកាលពីឆ្នាំទៅយើងត្រូវត្រៀមម៉ាសទុកឱ្យគាត់ ហើយពេលគាត់ចូលរោងកុនមិនសូវខ្វល់ខ្វាយពីវិធីការពារទេតែឥឡូវនេះ គឺគាត់មានគ្រប់យ៉ាងទាំងអស់រួមទាំងអាល់កុលលាងសំអាតដៃដាក់ជាប់តាមខ្លួន។ ក្រសួងវប្បធម៌និងវិចិត្រសិល្បៈ បានអនុញ្ញាតិឲ្យបើកដំណើរការឡើងវិញរោងភាពយន្តនៅថ្ងៃទី៣០តុលា ដោយតម្រូវឱ្យទស្សនិកជនចូលទស្សនារោងភាពយន្ត ឬរោងសម្តែងសិល្បៈត្រូវបង្ហាញបណ្ណចាក់វ៉ាក់សាំងការេពារជំងឺកូវីដ១៩និងស្កែន ឃ្យូអ កូដរបស់ក្រសួងសុខាភិបាល។ប៉ុន្តែករណីនេះ ត្រូវបានលើកលែងចំពោះទស្សកជនដែលមានអាយុក្រោម ៦ឆ្នាំ។ ជាមួយគ្នានេះដែរនៅក្នុងរោងបញ្ចាំង ឬរោងសម្ដែងសិល្បៈអនុញ្ញាតឱ្យទស្សនិកជនចូលបានតែ ៥០% នៃចំនួនកៅអីសរុបតែប៉ុណ្ណោះ។ លើសពីនេះទៀត ត្រូវវាស់ស្ទង់សីតុណ្ហភាពចំពោះទស្សនិកជនគ្រប់រូប ដែលចេញចូលក្នុងបរិវេណរោងភាពយន្ត ឬរោងសម្តែងសិល្បៈ និងតម្រូវឱ្យទស្សនិកជនគ្រប់រូប ពាក់ម៉ាសការពារជានិច្ច។
ក្រសួងបានណែនាំឱ្យម្ចាស់រោងភាពយន្ត និងរោងសិល្បៈ ត្រូវរិះរកវិធានការលើកទឹកចិត្តទស្សនិកជនទិញសំបុត្រតាមអនឡាញ ឬតាមអែបរបស់រោងភាពយន្ត ឬរោងសម្ដែងសិល្បៈ ដើម្បីកាត់បន្ថយការលក់សំបុត្រដោយផ្ទាល់នៅនឹងកន្លែង តាមដែលអាចធ្វើបាន។ ក្នុងកណីដែលរោងភាពយន្ត ឬរោងសម្ដែងសិល្បៈណាមួយ មិនបានអនុវត្តតាមគោលការណ៍ស្តង់ដាប្រតិបត្តិនេះ ក្រសួងនឹងស្នើឱ្យកែតម្រូវ និងឬធ្វើការព្រមានជាលាយលក្ខណ៍អក្សរ។ ករណីនៅតែមិនអនុវត្តតាមទៀតក្រសួងនិងបញ្ឈប់ដំណើរការបញ្ចាំងភាពយន្ត ឬសម្ដែង សិល្បៈជាបន្ទាន់ តាមរយៈលិខិតផ្លូវការ។
ទន្ទឹមនឹងនេះ ក្រសួងណែនាំឱ្យបង្កើតជាក្រុមការងារត្រួតពិនិត្យមួយនៅតាមគោលដៅនៃរាជធានី-ខេត្ត ដែលមាន សមាសភាពនៃនាយកដ្ឋានសិល្បៈភាពយន្តនិងផ្សព្វផ្សាយវប្បធម៌ ឬ នាយកដ្ឋានសិល្បៈទស្ស នីយភាព, មន្ទីរវប្បធម៌និងវិចិត្រសិល្បៈ មន្ទីរសុខាភិបាល និងអាជ្ញាធរដែនដីពាក់ព័ន្ធ ដើម្បី សហការចុះត្រួតពិនិត្យតាមដានដំណើរការរបស់រោងភាពយន្ត និងរោងសម្ដែងសិល្បៈ ក្នុងការ អនុវត្តគោលការណ៍ស្តង់ដារប្រតិបត្តិនេះឱ្យបានត្រឹមត្រូវ ដោយគ្មានការជូនដំណឹងជាមុន និង ត្រូវរាយការណ៍ជាប្រចាំជូនក្រសួងវប្បធម៌និងវិចិត្រសិល្បៈ និងក្រសួងសុខាភិបាល៕
អត្ថបទ៖ សំអឿន
ផ្លូវកៅស៊ូ១ខ្សែដែលជាអំណោយរបស់រាជរដ្ឋាភិបាលជូនដល់ប្រជាពលរដ្ឋនៅឃុំបន្ទាយមាសខាងកើត ស្រុកបន្ទាយមាស បានចាប់ផ្តើមបើកការដ្ឋានសាងសង់
អ្នកវិភាគ និងអ្នកឃ្លាំមើល ៖ បើទោះបីជាសម រង្ស៊ី ព្យាយាមយកកោះគុត និងឃាតកម្មលឹម គឹមយ៉ា ជាលេសបាតុកម្ម ក៏នៅតែគ្មានអ្នកចូលរួមដែរ
មាននិស្សិតស្រី ៨៣,៣% បានចុះឈ្មោះរៀននៅសាកលវិទ្យាល័យពាណិជ្ជសាស្ត្រអេស៊ីលីដា
អ្នកនាំពាក្យរងក្រសួងមហាផ្ទៃឆ្លើយតបនឹងបុរសម៉ាឡេស៊ីមួយរូបថា បើពិតជាកើតនៅកម្ពុជា ហេតុអ្វីមិនប្រាប់សមត្ថកិច្ចកម្ពុជា? តើមានចេតនាអី?
វេទិកាការងាររបស់ NEA នៅវិទ្យាស្ថានពាណិជ្ជសាស្ត្រនឹងនាំយកឱកាសការងារជាង ២ពាន់កន្លែង សម្រាប់ផ្តល់ជូនយុវជន និងអ្នកស្វែងរកការងារ
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
សន្តិសុខសង្គម១៥ ម៉ោង ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១៧ ម៉ោង agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១៧ ម៉ោង agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម១៨ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង