ព័ត៌មានជាតិ

អគ្គិភ័យឆេះស្មៅមួយកន្លែង នៅសង្កាត់ច្បារអំពៅទី២

បានផុស

៤ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

អាជ្ញាធរនិងប្រជាពលរដ្ឋរស់នៅនៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ បាននាំគ្នាស្រវេស្រវាទាញទុយយោទឹកទៅបាញ់ពន្លត់ភ្លើងឆេះស្មៅយ៉ាងសន្ធោសន្ធៅ ព្រោះងាយនិងឆេះរាលដាលដល់ផ្ទះប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក យ៉ិន វុធ ចៅសង្កាត់ច្បារអំពៅទី២បានឲ្យដឹងថា ភ្លើងឆេះស្មៅនេះគឺស្ថិតក្នុងភូមិដើមស្លែង សង្កាត់ច្បារអំពៅទី២ កាលពីវេលាម៉ោង១២និង១០នាទីរសៀលថ្ងៃទី៣ ខែធ្នូនេះ។ លោកចៅសង្កាត់បន្តថា បន្ទាប់ពីមានហេតុការណ៍ភ្លើងឆេះស្មៅនេះ មកបងប្អូនប្រជាពលរដ្ឋរួមទាំងកម្លាំងអាជ្ញាធរសង្កាត់ និងភូមិបាននាំគ្នាទៅជួយពន្លត់ហើយ ក្នុងនោះកម្លាំងមួយចំនួនចុះទៅជួយមនុស្សចាស់និងក្មេងតូចៗកុំនៅក្នុងរង្វង់ភ្លើង ព្រោះខ្យល់ធ្លាក់ខ្លាំងងាយនិងបង្កើនកម្លាំងភ្លើងកាន់តែខ្លាំង ហើយភ្លើងនេះ គឺបង្កឡើងដោយមានប្រជាពលរដ្ឋលោកដុតសំរាមរួចឆ្លងរាលដាលដល់ស្មៅខ្ពស់បង្កទៅជាភ្លើងយ៉ាងពេញបន្ទុក។ ចំណែកអគ្គីភ័យនេះ បានរលត់ទៅវិញក្រោយកើតហេតុប្រមាណកន្លះម៉ោង។

ក្នុងនោះលោក យ៉ិន វុធ បានណែនាំដល់បងប្អូនបញ្ឈប់ការប្រមូលមកដុត ចំពេលមេឃកំពុងធ្លាក់ខ្យល់ងាយនឹងឆេះរាលដាលខ្លាំងណាស់ ម្យ៉ាងទៀតផ្កាភ្លើងបានហើរទៅលើដំបូលផ្ទះបង្កឲ្យទៅជាអគ្គិភ័យ។ សូមបងប្អូនរក្សាសំរាមទុក រង់ចាំរថយន្តប្រមូលសំរាមមកដឹកតាមផ្ទះ។ អ្វីដែលបារម្ភខ្លាំងនោះ គឺអាជ្ញាធរនិងប្រជាពលរដ្ឋកំពុងភ័យខ្លាចឆ្លងជំងឺកូវីដ១៩ផង បែរជាមកភ័យនឹងភ្លើងឆេះស្មៅបង្កឲ្យឆ្លងឆេះដល់ផ្ទះសម្បែងថែមទៀត។ ពិសេសខែធ្លាក់ខ្យល់សូមប្រុងប្រយ័ត្នទាំងអស់គ្នាទើបមានក្តីសុខសាន្ត៕

អត្ថបទ៖ នរា

សូមចុចអាន៖