ព័ត៌មានជាតិ

ឆ្លងចរន្តអគ្គិសនី ឆេះផ្ទះពលរដ្ឋមួយខ្នងនៅសង្កាត់ទឹកល្អក់២

បានផុស

៣ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

លំនៅឋានពលរដ្ឋមួយខ្នងសង់ឡើងពីថ្មលើក្រោម ត្រូវបានអគ្គិភ័យឆាបឆេះបំផ្លាញរួមទាំងទ្រព្យសម្បត្តិមួយចំនួន បង្កអោយមានការភ្ញាក់ផ្អើលកាលពីវេលាម៉ោង១១និង១៥នាទីព្រឹកថ្ងៃទី០១ ខែវិច្ឆិកា ឆ្នាំ២០២១ នៅតាមបណ្តោយផ្លូវលេខ 146Z ក្នុងសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានអោយដឹងថា នៅមុនកើតហេតុផ្ទះខាងលើត្រូវបានម្ចាស់ចាក់សោទុកចោល ដោយម្ចាស់ផ្ទះជាប់កិច្ចការងាររកស៊ីនៅខាងក្រៅ ។ នៅវេលាកើតហេតុ គេបានឃើញមានផ្សែងខ្មួរខ្មាញ់ហ៊ុយចេញពីខាងក្នុង ធ្វើអោយមានការភ្ញាក់ផ្អើលដល់បងប្អូនពលរដ្ឋក្បែរខាងរាយការណ៍ជូនសមត្ថកិច្ចមូលដ្ឋានដើម្បីសុំកិច្ចអន្តរាគមន៍សង្គ្រោះ ។

ភ្លាមៗ បន្ទាប់ពីកើតហេតុកម្លាំងនគរបាលមូលដ្ឋានរួមជាមួយរថយន្តពន្លត់អគ្គិភ័យជាច្រើនគ្រឿងបានចុះដល់ទីតាំងខាងលើ និងបានវាយកម្ទេចសោទ្វារដើម្បីបើកទ្វារចូលទៅខាងក្នុងធ្វើការបាញ់ទឹកពន្លត់អណ្តាតភ្លើងដែលកំពុងឆាបឆេះ ។

ក្រោយការអន្តរាគមន៍យ៉ាងយកចិត្តទុកដាក់ពីសំណាក់កងកម្លាំងអាជ្ញាធរចម្រុះរួចមក ឃើញថា ស្ថានភាពការឆាបឆេះ ត្រូវបានរលត់សូន្យសុងទៅវិញ១០០ភាគរយ ដោយសមត្ថកិច្ចប្រើប្រាស់ពេលវេលាអស់កន្លះម៉ោងដោយក្នុងនោះ មិនមានការរាលដាលដល់លំនៅឋានដទៃជាប់នោះ ឬបង្កអោយមានមនុស្សរងរបួស ឬស្លាប់ឡើយ ។

ក្នុងការឆាបឆេះដដែលនេះ សមត្ថកិច្ចប្រើប្រាស់រថយន្តពន្លត់អគ្គីភ័យអស់៧គ្រឿង។ ហើយចំពោះមូលហេតុនៃការឆាបឆេះ គឺបណ្តាលមកពីឆ្លងចរន្តអគ្គិសនី ៕

អត្ថបទ៖ លីហេង