ព័ត៌មានជាតិ

អគ្គិភ័យឆាបឆេះផ្ទះពលរដ្ឋអស់មួយខ្នង នៅសង្កាត់ស្វាយដង្គំ

បានផុស

៣ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

សៀមរាប ៖ សមត្ថកិច្ចបានឲ្យដឹងថា នេះមានករណី អគ្គិភ័យបានឆាបឆេះផ្ទះពលរដ្ឋចំនួនមួយខ្នងនិងខូចខាតទ្រព្យសម្បត្តិមួយចំនួនទៀតផងដែរ។ ហេតុការណ៍នេះកើតឡើងនៅវេលាម៉ោង១៥និង០០នាទីថ្ងៃទី១ ខែវិច្ឆិកា ឆ្នាំ២០២១ ស្ថិតនៅភូមិគ្រួស សង្កាត់ស្វាយដង្គំ ក្រុង/ខេត្តសៀមរាប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានបន្តថា ករណីអគ្គិភ័យនេះ ឆេះផ្ទះឈ្មោះញឹម អ៊ឹប ភេទស្រីអាយុ៦៥ឆ្នាំ បណ្តាលឲ្យរងការខូចខាត:(១០០%)។ ផ្ទះចំនួន០១ខ្នងធ្វើពីឈើលើថ្មក្រោមប្រក់ស៊ីប្រូទំហំ១៥ម គុណ០៨មបន្ទប់ចំនួន០៨ លើចំនួន០៣បន្ទប់និងខាងក្រោម០៥បន្ទប់,ម៉ូតូ០១គ្រឿង ម៉ាកវេវអាលហ្វា១១០ សេរី២០១៩ពណ៌ខ្មៅ,ទូរទឹកកកចំនួន០១គ្រឿង,ទូរទស្សន៍ចំនួន០១គ្រឿង,កុំព្យូទ័រចំនួន០៩គ្រឿង

,កាមេរាចំនួន០១គ្រឿង,ទូរស័ព្ទចំនួន០៣គ្រឿង,សំលៀកបំពាក់និងរបស់ប្រើប្រាស់ក្នុងផ្ទះមួយចំនួនធំ។

សមត្ថកិច្ចបានបញ្ជាក់ថា ក្នុងហេតុការនេះ ប្រើប្រាស់រថយន្ដអគ្គិភ័យ ០៧គ្រឿង៖រថយន្តអគ្គិភ័យ ស្នងការដ្ឋាននគរបាលខេត្ត ចំនួន០២គ្រឿង ប្រើប្រាស់ទឹកអស់ ចំនួន០២ឡាន ។រថយន្តអគ្គិភ័យ អធិការនគរបាល ក្រុងសៀមរាប ចំនួន០១គ្រឿង ប្រើប្រាស់ទឹកអស់ ចំនួន០១ឡាន។ រថយន្តអគ្គិភ័យ កងរាជអាវុធហត្ថ ចំនួន០២គ្រឿង ប្រើប្រាស់ទឹកអស់ ចំនួន០២ឡាន។ រថយន្តអគ្គិភ័យ អាជ្ញាធរជាតិអប្សរា ០២គ្រឿង ប្រើប្រាស់ទឹកអស់ ចំនួន០២ឡាន ។ សមត្ថកិច្ចបានបញ្ជាក់ឲ្យដឹងទៀតថា ករណីនេះមូលហេតុបណ្តាលមកពីទុស្សេខ្សែរភ្លើង៕

ដោយ ៖ កុសល