មន្ទីរសាធារណការខេត្តព្រះវិហារ កំពុងថែទាំ និងជួសជុលផ្លូវថ្នល់ជាប្រចាំ

សកម្មភាពនៃការថែទាំប្រចាំ និងជួសជុលផ្លូវថ្នល់ របស់មន្ទីរសាធារណការ និងដឹកជញ្ជូនខេត្តព្រះវិហារ បាននឹងកំពុងបន្តធ្វើយ៉ាងសកម្មទៅតាមការណែនាំរបស់ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងលោក ប្រាក់ សុវណ្ណ អភិបាលខេត្តព្រះវិហារ។

ជាក់ស្តែងថ្ងៃទី ០២ វិច្ឆិកា២០២១នេះ ក្រុមការងាររបស់មន្ទីរសាធារណការ និងដឹកជញ្ជូនខេត្តព្រះវិហារបាន​ធ្វើ​​សកម្មភាព​​​ការងារ​ថែទាំជាប្រចាំ និងជួសជុលផ្លូវថ្នល់មួយចំនួននៅក្នុងមូលដ្ឋាននៃខេត្តព្រះវិហារ ដោយកាត់ស្មៅលើចិញ្ចើមផ្លូវជាតិដោយម៉ាស៊ីនស្វ័យប្រវត្តិផងដែរ។

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឱ្យដឹងថា នៅថ្ងៃទី ០២ វិច្ឆិកា​២០២១​នេះក្រុមការងាររបស់មន្ទីរសាធារណការ និងដឹកជញ្ជូនខេត្តព្រះវិហារ បានធ្វើសកម្មភាពការងារ​ថែទាំជាប្រចាំ និងជួស​ជុលផ្លូវថ្នល់មួយចំនួននៅក្នុងមូលដ្ឋាននៃខេត្តព្រះវិហារ ក្នុងនោះរួមមាន៖

១. ការងារកាត់ស្មៅលើចិញ្ចើមផ្លូវជាតិលេខ ៩៥ ដោយម៉ាស៊ីនស្វ័យប្រវត្តិ ប្រវែង ៦២,៦ គីឡូម៉ែត្រ ស្ថិតក្នុងស្រុករវៀង និងស្រុកឆែប ខេត្តព្រះវិហារ។

២. ការងារថែទាំផ្លូវជាតិលេខ ៩៤ (ក្រាលដីល្បាយថ្ម) ប្រវែង ៥៤,៩ គីឡូម៉ែត្រ ចាប់ពីស្រុកឆែប ដល់ឃុំកំពង់ស្រឡៅ១ ថ្ងៃនេះនៅតែបន្តកៀរសម្រួល បានប្រវែង ២៥,០ គីឡូម៉ែត្រ ស្ថិតក្នុងស្រុកឆែប ខេត្តព្រះវិហារ។

៣. ការងារថែទាំផ្លូវជាតិលេខ ៩ ថ្ងៃនេះបន្តស្រោចកៅស៊ូ សៀលស្នាមប្រេះ ត្រង់​ចន្លោះ គីឡូម៉ែត្រ 565+200 ដល់គ.ម 576+350 ស្ថិតក្នុងស្រុកឆែប ខេត្តព្រះវិហារ។

៤. ការងារជួសជុលផ្លូវជាតិលេខ ៩៥ប្រវែង៣៥០០ម៉ែត្រ ចាប់ពី គីឡូម៉ែត្រ 30+200 ដល់ គីឡូម៉ែត្រ33+700 ថ្ងៃនេះបន្តធ្វើចិញ្ចើមផ្លូវសម្រេចបាន ១០០% តាមផែនការ៕

អត្ថបទ៖ ស្រីរ័ត្ន