ព័ត៌មានជាតិ

លោក ហ៊ុន ម៉ាណែត និងភរិយា ឧបត្ថម្ភម៉ាស់ និងជែល ជូនបញ្ជា ការដ្ឋានយោធភូមិភាគពិសេស

បានផុស

៣ years មុន

នៅ

ថ្ងៃអង្គារ ២ វិច្ឆិកា ២០២១

ដោយ

នៅល្ងាចថ្ងៃទី០២ ខែវិច្ឆិកា ឆ្នាំ២០២១ នេះ លោកឧត្តមសេនីយ៍ទោ ប៉ូ វណ្ណៈ មេបញ្ជាការរង នាយសេនាធិការយោធភូមិភាគពិសេស បានទទួលអំណោយឧបត្ថម្ភរបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកស្រី ពេជ ចន្ទមុន្នី តាមរយៈលោកឧត្តមសេនីយ៍ឯក កែន តារា មេបញ្ជាការរងកងទ័ពជើងគោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយឧបត្ថម្ភទាំងនោះ រួមមាន ម៉ាស់ក្រណាត់ចំនួន២១,៣៩៦ម៉ាស់ និងជែលលាងដៃចំនួន ១៧,៨៣០ដប សម្រាប់នាយទាហាន នាយទាហានរង និងពលទាហានប្រើប្រាស់ការងារប្រចាំថ្ងៃ និងទប់ស្កាត់ជំងឺកូវីដ-១៩។

ទឹកចិត្តដ៏ប្រពៃ របស់លោកមេបញ្ជាការ កងទ័ពជើងគោក និងភរិយា បានបង្ហាញនូវការយកចិត្តទុកដាក់ដល់សុខុមាលភាពកងយោធពលខេមរភូមិន្ទនិយាយជារួម និងនិយាយដោយឡែក នាយទាហាន នាយទាហានរង និងពលទាហានយោធភូមិភាគពិសេស ជៀសផុតពីជំងឺកាវសាហាវកូវីដ-១៩។

ជំនួសមុខឲ្យមេបញ្ជាការ មេបញ្ជាការរង នាយទាហាន នាយទាហានរង និងពលទាហានទូទាំងយោធភូមិភាគពិសេស ឧត្តមសេនីយ៍ទោ ប៉ូ វណ្ណៈ បានថ្លែងអំណរគុណយ៉ាងជ្រាលជ្រៅជាទីបំផុត ចំពោះឯកឧត្តម មេបញ្ជាការ និងលោកជំទាវ ដែលជានិច្ចជាកាលតែងតែបារម្ភអំពីសុខុមាលភាពរបស់កងទ័ព នៃកងយោធពលខេមរភូមិន្ទ។

ជាកិច្ចតបស្នង យោធិនគ្រប់រូបប្តេជ្ញាបន្តខិតខំយកចិត្តទុកដាក់បំពេញតួនាទីភារកិច្ច និងបន្តអនុវត្តវិធានការ ៣កុំ ៣ការពារ និងរួមគ្នាទប់ស្កាត់ការរីករាលនៃជំងឺកូវីដ-១៩នេះ ឲ្យបានដាច់ខាត៕

ដោយ ៖ កោះកែវ