ព័ត៌មានជាតិ

បង្ក្រាបបានទីតាំងផលិត លុយដុល្លារក្លែងក្លាយ រាប់លានដុល្លារនៅប្រទេសថៃ

បានផុស

៣ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

ប្រាក់ដុល្លារក្លែងក្លាយប្រមាណជិត៤លានដុល្លារ រួមជាមួយម៉ាស៊ីនផលិតចំនួន៣គ្រឿងត្រូវបានកម្លាំងសន្តិសុខផ្ទៃក្នុង ក្រសួងមហាផ្ទៃថៃ ចុះបង្ក្រាប ខណៈដែលក្រុមជនសង្ស័យទាំងនេះ កំពុងធ្វើការឡាយបង្ហោះលក់តាមរយៈអនឡាញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការនៃការចរចារទិញលុយដុល្លារតាមរយៈអនឡាញរហូតឈានដល់ការបង្ក្រាបនេះ បានធ្វើឡើងកាលពីថ្ងៃទី៣ ខែវិច្ឆិកា ឆ្នាំ២០២១ នៅក្នុងផ្ទះជួលមួយកន្លែង ក្នុងខេត្តណាខនប៉ាធុំ ដោយនៅទីនោះ មានម៉ាស៊ីនសម្រាប់ព្រីន និងផលិតប្រាក់ដុល្លារក្លែងក្លាយចំនួន៣គ្រឿង រួមជាមួយនឹងលុយដុល្លារជាច្រើនដុំនិងដុល្លារដែលកំពុងហាលសម្ងួត ជាប្រភេទក្រដាសប្រាក់១០០ដុល្លារទាំងអស់ ។

តាមការសាកសួរ ពួកគេមានគ្នាចំនួន៤នាក់ សុទ្ធសឹងជានារីទាំងអស់ ដោយជនសង្ស័យបានសារភាពថា ការផលិតដំបូងនេះ បានចំនួន ៥០.០០០ សន្លឹក ដោយបានបញ្ចេញធ្វើចរាចរទៅលើទីផ្សារអស់ចំនួន ១១.០០០ សន្លឹកហើយ ជាក់ស្តែងនៅកន្លែងបង្ក្រាបមានចំនួនតែ ៣៩.០០០ សន្លឹកតែប៉ុណ្ណោះ ដូច្នេះមានន័យថា លុយដុល្លារក្លែងក្លាយបានធ្វើចរាចរអស់ចំនួន ១.១០០.០០០ ដុល្លារហើយ ។

ជុំវិញបញ្ហានេះ សមត្ថកិច្ចថៃបានបញ្ជាក់ថា ក្រដាសប្រាក់ប្រភេទ១០០ ដុល្លារនេះ កម្លាំងជំនាញបានយកអោយខាងធនាគារពិនិត្យ គឺមានលក្ខណៈដូចទៅនិងក្រដាសប្រាក់ពិត ៩៥% ដែលយើងមើលនឹងភ្នែកអាចមានការភ័ន្តច្រឡំ ដោយសមត្ថកិច្ចសន្និដ្ឋានថា ប្រាកដជាមានអ្នកជំនាញនៅពីក្រោយខ្នង ក្នុងការផលិតប្រាក់ដុល្លារក្លែងក្លាយនេះ ៕

អត្ថបទ៖ សោ និយមរ័ត្ន