ព័ត៌មានជាតិ
ឧកញ៉ា សំ សុខនឿន ដឹកនាំសមាជិកសមាគម GRA នាំយកថវិកា និងសម្ភារៈទប់ស្កាត់កូវីដ ជូនរដ្ឋបាលខេត្តកែប
លោកឧកញ៉ា សំ សុខនឿន ប្រធានសមាគមអចលនទ្រព្យកល (GRA) និងជាអគ្គនាយកក្រុមហ៊ុន San Sn Realty នៅថ្ងៃទី៣ ខែវិច្ឆិកា ឆ្នាំ២០២១ បានដឹកនាំសមាជិក-សមាជិកាសមាគមអចលនទ្រព្យកល បាននាំយកម៉ាស់ចំនួន ៥០,០០០ម៉ាស់, ទឹកសម្លាប់មេរោគ ៥០កាន, បំពង់ទឹកស្រ្ពាយ៍បាញ់សម្លាប់មេរោគ ១០០ដប, ទឹកសុទ្ធ ១០០កេស, និងថវិកា ១០,០០០,០០០រៀល ជូនដល់រដ្ឋបាលខេត្តកែប ដើម្បីប្រើប្រាស់ក្នុងការងារគ្រប់គ្រង ទប់ស្កាត់ការឆ្លងរីករាលដាលនៃជំងឺកូវីដ-១៩ និងការងារមនុស្សធម៌ផ្សេងៗ ដែលសរុបជាទឹកប្រាក់ចំនួន ៥៦៥០ដុល្លារអាមេរិក។
ក្នុងឱកាសនោះឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប បានកោតសរសើរ និងថ្លែងអំណរគុណនូវទឹកចិត្ត ប្រកបដោយក្តីសប្បុរសរបស់លោកឧកញ៉ា និងសហការី ដែលនេះបញ្ជាក់ឲ្យឃើញពីសណ្តានចិត្ត និងកាយវិការដ៏ប្រពៃ ក្នុងការជួយគ្នាក្នុងគ្រាលំបាក ខណៈពេលដែលរដ្ឋបាលខេត្ត កំពុងត្រូវការជំនួយជាបន្តបន្ទាប់ ក្នុងការងារជួយ សង្រ្គោះដល់ជនរងគ្រោះ និងជនងាយរងគ្រោះដោយសារជំងឺកូវីដ-១៩។ ឯកឧត្តមអភិបាលខេត្ត បានបញ្ជាក់បន្ថែមទៀតថា ទឹកចិត្តពោរពេញដោយក្តីសប្បុរសនេះ នឹងត្រូវបានរដ្ឋបាលខេត្ត ព្រមទាំងប្រជាពលរដ្ឋទូទាំងខេត្តកែប ចងចាំទុកក្នុងដួងចិត្តជារៀងរហូត។
សមាគមអចលនទ្រព្យកល ដែលមានលោកឧកញ៉ា សំ សុខនឿន បានប្រកាសចាប់ផ្ដើមធ្វើសកម្មភាពសប្បុរសធម៌ និងមនុស្សធម៌ នៅតាមបណ្ដារាជធានី-ខេត្តនានា ចាប់ពីខែវិច្ឆិកាឆ្នាំ២០២១ នេះតទៅ ដើម្បីចូលរួមចំណែកជាមួយអាជ្ញាធរ ក៏ដូចជារាជរដ្ឋាភិបាល នៅក្នុងការដោះស្រាយបញ្ហានានា របស់ប្រជាពលរដ្ឋ៕







-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ