ព័ត៌មានជាតិ
តំបន់សៀមរាបអង្គរត្រៀមខ្លួនទទួលទេសចរណ៍វ៉ាក់សាំងនៅថ្ងៃទី០១ ខែមករា ឆ្នាំ២០២២
តំបន់ទេសចរណ៍បេតិកភណ្ឌពិភពលោក ដែលជាប៉ូលទេសចរណ៍ដ៏សំខាន់របស់កម្ពុជាគឺតំបន់សៀមរាបអង្គរនឹងបើកទទួលទេសចរណ៍សុវត្ថិភាព ឬ ទេសចរណ៍វ៉ាក់សាំងនៅថ្ងៃទី០១ ខែមករា ឆ្នាំ២០២២ ខាងមុខនេះ ក្នុងក្របខ័ណ្ឌនៃកម្មវិធីទេសចរណ៍វ៉ាក់សាំងដែលអនុញ្ញាតឱ្យភ្ញៀវទេសចរអន្តរជាតិស្នាក់នៅនិងទស្សនាក្នុងតំបន់ឬ គោលដៅទេសចរណ៍សុវត្ថិភាពរយៈពេល ៥ថ្ងៃ ដោយមិនតម្រូវឱ្យធ្វើចត្តាឡីស័កក្នុងសណ្ឋាគារឡើយ ។
ប្រធានមន្ទីរទេសចរណ៍ខេត្តសៀមរាបលោក ង៉ូវ សេងកាក់ បានឲ្យដឹងថាគ្រប់ផ្នែកទាំងរដ្ឋទាំងវិស័យឯកជននៅក្នុងខេត្តសៀមរាប បានត្រៀមខ្លួនជានិច្ចក្នុងការ ទទួលអ្នកទេសចរ ។ លោកបន្តថាទាំងក្នុងក្រុងសៀមរាបទាំងតាមរមណីយដ្ឋានទេសចរណ៍, អេកូទេសចរណ៍ តែងបានអនុវត្តនូវវិធានការនានាដែលបានដាក់ ចេញដើម្បីឲ្យប្រាកដថាអ្នកទេសចរមកកម្សាន្តនៅខេត្តសៀមរាបមានភាពកក់ក្តៅ។
ចំណែកលោក សូត្រ សួរ តំណាងសហគមន៍ទេសចរណ៍បាគងភូមិខ្ញុំក៏បានលើកឡើងនៅថ្ងៃទី ៤ ខែវិច្ឆិកានេះដែរថា សម្រាប់សហគមន៍ទេសចរណ៍បាគងភូមិខ្ញុំ ពិតជារីករាយនៅពេលដែលរាជរដ្ឋាភិបាលកម្ពុជា សម្រេចបើកប្រទេសទទួលអ្នកទេសចរដែលចាក់វ៉ាក់សាំងបង្ការជំងឺកូវីដ១៩ ឲ្យចូលមកទស្សនាកម្ពុជាឡើងវិញ។
លោកថ្លែងថា សហគមន៍បាគងភូមិខ្ញុំបានប្រកាន់ខ្ជាប់នូវវិធានការ”បីកុំ បីការពារ” ក៏ដូចជាគោរពវិធានការនានាដែលក្រសួងសុខាភិបាលនិងក្រសួងទេសចរណ៍ អាជ្ញាធរខេត្តសៀមរាបបានដាក់ចេញ។
លោក គង់ ប៊ុនលួស អនុប្រធានសហគមន៍អេកូទេសចរណ៍ព្រៃទឹកជប់ខ្នារពោធិ៍ក្នុងស្រុកសូទ្រនិគមបានឲ្យដឹងតាមទូរសព្ទនៅព្រឹកថ្ងៃទី៤ ខែវិច្ឆិកានេះថាសហគមន៍របស់លោកបានត្រៀមខ្លួនរួចជាស្រេចនៅក្នុងការទទួលអ្នកទេសចរទាំងជាតិនិងអន្តរជាតិទៅតាមគន្លងថ្មី ។ យើងត្រៀមរួចហើយគឺតាមការណែនាំរបស់ក្រ សួងសុខាភិបាល ក្រសួងទេសចរណ៍ក៏ដូចជាការណែនាំរបស់ខេត្ត ។ យើងបានត្រៀមដូចជាការដាក់ឧបករណ៍វាស់កម្តៅ ការពាក់ម៉ាសនិយាយរួមយើងបានអនុវត្តន៍តាមវិធានការ «បីកុំ បីការពារ»។
ជាមួយគ្នានេះអាជ្ញាធរខេត្តសៀមរាបក៏បានជំរុញឲ្យក្រុមការងាររៀបចំកំពង់ផែទេសចរណ៍ចុងឃ្នៀសឡើងវិញ បន្ទាប់ពីកំពង់ផែមួយនេះត្រូវបានរាជរដ្ឋាភិបាលរឹប អូសយកពីក្រុមហ៊ុនស៊ូជីងមកវិញដោយមូលហេតុមិនអនុវត្តតាមផែនការ។ ការជំរុញនេះបានធ្វើឡើងបន្ទាប់ពីតំបន់សៀមរាបអង្គរត្រៀមខ្លួនបើកទទួលអ្នកទេស ចរវ៉ាក់សាំងនៅថ្ងៃទី១ ខែមករា ឆ្នាំ២០២២។
អភិបាលខេត្តសៀមរាបលោក ទៀ សីហា ក្នុងឱកាសចុះផ្ទាល់ដល់កំពង់ផែមួយនេះ នារសៀលថ្ងៃទី០៣ ខែវិច្ឆិកា ឆ្នាំ២០២១បានបញ្ជាក់ថា កំពង់ផែចុងឃ្នៀស ត្រូវបានអាជ្ញាធរខេត្តសៀមរាបដាក់ចេញនូវផែនការជំរុញឲ្យមានការចាប់ផ្តើមជាថ្មីរៀបចំឡើងវិញបន្ទាប់ពីមានភាពអសកម្មក្នុងវិបត្តិកូវីដ-១៩កន្លងមកដើម្បីត្រៀម លក្ខណៈឲ្យបើកដំណើរការទទួលភ្ញៀវទេសចរឡើងវិញនាដើមឆ្នាំ២០២២ ខាងមុខនេះស្របតាមគន្លងប្រក្រតីភាពថ្មីនិងត្រូវរៀបចំនីតិវិធីប្រតិបត្តិស្តង់ដាសុវត្ថិ ភាព( SOP ) រៀនរស់ជាមួយកូវីដ-១៩។
លោក ទៀ សីហា អភិបាលខេត្តសៀមរាបបានបង្ហាញឲ្យដឹងអំពីផែនការចំពោះមុខដែលក្នុងជំហានដំបូងនេះគឺចាំបាច់ត្រូវតែមានការជួសជុលបន្ទាន់ផ្លូវចូលតំបន់ ចុងឃ្នៀស។កំពង់ផែចុងឃ្នៀសគឺជាគោលដៅសម្រាប់ការអភិវឌ្ឍន៍នាពេលអនាគតឲ្យស្របតាមស្តង់ដារកំពង់ផែទេសចរណ៍ដោយគិតគូរលើការបំពាក់សម្បទា ទ្រទ្រង់សេវាកម្មផងដែរ។
លោក ទៀ សីហា បានបញ្ជាក់ថា សម្រាប់ការត្រៀមបើកទទួលទេសចរណ៍សុវត្ថិភាពឬទេសចរវ៉ាក់សាំងនិងទេសចរណ៍ផ្ទៃក្នុងដែលសៀមរាប-អង្គរគ្រោងនឹងបើក ទទួលភ្ញៀវជាផ្លូវការថ្ងៃទី០១ ខែមករា ឆ្នាំ២០២២ខាងមុខនេះតំបន់ចុងឃ្នៀសត្រូវតែបានរៀបចំល្អប្រសើរ សន្តិសុខ សណ្តាប់សាធារណៈ ដែលជាពិសេសនោះ គឺត្រូវបានកំណត់ច្បាស់លាស់ បែងចែកឲ្យមានជាតំបន់បដិសណ្ឋារកិច្ច តំបន់ប្រជាជនរស់នៅ និងតំបន់ផ្សារត្រីជាដើម៕
ដោយ ៖ ណារី
ហាងឆេងមាសបានហក់ឡើងជាងថ្មី ក្រោយការឡើងកាន់តំណែងរបស់លោក ដូណាល់ ត្រាំ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
អគ្គមេបញ្ជាការកងទ័ព អរគុណវៀតណាម ដែលបានជួយកសាងវិស័យយោធាកម្ពុជាឱ្យរីកចម្រើន និងរឹងមាំ
អាជ្ញាធរជាតិដោះស្រាយវិវាទក្រៅប្រព័ន្ធតុលាការ ប្រកាសចុះដោះស្រាយវិវាទជូនពលរដ្ឋនៅតំបន់ជនជាតិដើមភាគតិចក្នុងខេត្ត៤នៃភូមិភាគឦសាន្ត
លោក ជួន ណារិន្ទ ត្រៀមកម្លាំងនគរបាល រក្សាសន្ដិសុខ សណ្ដាប់ធ្នាប់ សុវត្ថិភាព និង ទប់ស្កាត់អគ្គិភ័យ នៅបុណ្យចូលឆ្នាំចិនខាងមុខ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់