ព័ត៌មានជាតិ
ក្រសួងសុខាភិបាលសម្រេចជ្រើសពហុកីឡាដ្ឋានជាតិអូឡាំពិកជាកន្លែងយកសំណាកCovid -19 ក្នុងព្រឹត្តិការណ៍២៨វិច្ឆិកា
ភ្នំពេញ ៖ អាជ្ញាធររាជធានីភ្នំពេញ សហការជាមួយក្រសួងសុខាភិបាលបានសម្រេចជ្រើសរើសយកទីតាំងពហុកីឡាដ្ឋានជាតិអូឡាំពិកធ្វើជាកន្លែងសម្រាប់យកសំណាក សម្រាប់ប្រជាពលរដ្ឋដែលសង្ស័យថាមានជំងឺcovid -19 ក្នុងព្រឹត្តិការណ៍សហគមន៍ ២៨វិច្ឆិកា នៅថ្ងៃទី០៨ធ្នូខាងមុខនេះ។
ដើម្បីអោយដំណើរការនៃការរៀបចំទីតាំងថ្មីខាងលើនេះ ដំណើរការទៅបានរលូន លោកឃួង ស្រេង អភិបាលនៃគណៈអភិបាលរាជធានីភ្នំពេញនិងលោកស្រី យក់ សម្បត្តិ រដ្ឋលេខាធិការក្រសួងសុខាភិបាលនាល្ងាចថ្ងៃទី០៣ធ្នូនេះ បានដឹកនាំមន្ត្រីនិងអាជ្ញាធរចុះពិនិត្យទីតាំងខាងលើជាមួយនឹងការណែនាំអោយរៀបចំ សណ្ដាប់ធ្នាប់ ការរៀបចំណតសម្រាប់បងប្អូនប្រជាពលរដ្ឋដែលត្រូវមកពិនិត្យយកសំណាកជាលើកទី២ និងការរៀបចំរោងបំពាក់ដោយម៉ាស៊ីនត្រជាក់និងបង្គន់អនាម័យផងដែរ។
លោកឃួង ស្រេង ក្នុងឱកាសនោះ បានណែនាំឲ្យ មន្ត្រីនិងកម្លាំងពាក់ព័ន្ធ ក្នុងនាមជាអាជ្ញាធរដែនដីនឹងប្រើកម្លាំងប្រើប្រាស់កម្លាំងប្រមាណ៥០នាក់ដើម្បីជួយទៅលើ ការរៀបចំ សណ្តាប់ធ្នាប់ សន្តិសុខពីខាងក្នុងនិងក្រៅពហុកីឡាដ្ឋានជាតិអូឡាំពិកនេះ។
លោកស្រីយក់ សម្បត្តិបានមានប្រសាសន៍បញ្ជាក់ថា ការជ្រើសរើសយកទីតាំងពហុថាពហុកីឡាដ្ឋានជាតិអូឡាំពិក ដោយសារទីតាំងខាងលើមានលក្ខណៈធំទូលាយ យើងនឹងបង្រួមកន្លែងពិនិត្យយកសំណាកដែលមានជាច្រើនកន្លែងនៅក្នុងរាជធានីភ្នំពេញមកប្រមូលផ្ដុំគ្នា តែមួយកន្លែង នៅពហុកីឡាដ្ឋានជាតិអូឡាំពិកនេះ។ ដោយឡែក ការពិនិត្យយកសំណាកនៅក្រសួងមហាផ្ទៃនិងស្ថាប័នជាតិមួយចំនួនទៀត គឺយើងនៅរក្សាដដែល ដោយរក្សាដើម្បីពិនិត្យ
យកសំណាកជាលើកទី២ សម្រាប់មន្ត្រីជាន់ខ្ពស់របស់រដ្ឋាភិបាល។
លោកស្រី ក៏បានបញ្ជាក់ផងដែរថា ទីតាំងខាងលើនេះនិងធ្វើជាកន្លែងត្រួតពិនិត្យយកសំណាក ចំពោះប្រជាពលរដ្ឋដែលសង្ស័យថា មានជម្ងឺកូវីដ-១៩ ចំនួនប្រមាណ៥០០០ទៅ៦០០០នាក់ នាថ្ងៃទី ០៨ខែធ្នូខាងមុខនេះ។
លោកស្រីក៏បានបញ្ជាក់ផងដែរថា ពាក់ព័ន្ធនឹងព្រឹត្តិការណ៍សហគមន៍ ២៨វិច្ឆិកា ក្រសួងសុខាភិបាលបានធ្វើការពិនិត្យសំណាក ទៅលើជនសង្ស័យថា បានពាក់ព័ន្ធនឹងកូវីដ-១៩នេះ ចំនួន៨០០០នាក់ ក្នុងនោះយើងបានរកឃើញប្រជាពលរដ្ឋដែលមាន វិជ្ជមានកូវីដ-១៩ចំនួន១៩នាក់។ ប៉ុន្តែទោះបីជាយ៉ាងណាក្តី ការងារនេះមិនទាន់បញ្ចប់ទេ ដោយក្រុមការងាររបស់ក្រសួងនិងពិនិត្យយកសំណាក់នៅថ្ងៃ០៨ធ្នូជាលើកទី២និងជាលើកទី៣ និង១២ធ្នូខាងមុខ៕
ដោយ ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង