ព័ត៌មានជាតិ

ឆ្លងចរន្តអគ្គិសនីឆេះកាប៊ីនភ្លើងផ្អើលសមត្ថកិច្ចនិងក្រុមរថយន្តពន្លត់អគ្គិភ័យចុះអន្តរាគមន៍ទាំងយប់

បានផុស

៣ years មុន

នៅ

ថ្ងៃសុក្រ ៥ វិច្ឆិកា ២០២១

ដោយ

ភ្នំពេញ ៖ ហេតុការណ៍ គ្រោះអគ្គិភ័យមួយបានឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ចហៅក្រុមរថយន្តពន្លត់អគ្គិភ័យមកអន្តរាគមន៍ដោយប្រអប់កាប៊ីនភ្លើងមួយបានឆ្លងចរន្តអគ្គិសនីបង្កជាអណ្តាតភ្លើង កាលពីវេលាម៉ោង១០យប់ ថ្ងៃទី៥ ខែវិច្ឆិកា ឆ្នាំ២០២១ នៅចំណុចវង្វង់មូលទួលគោកចាស់ តាមបណ្តោយផ្លូវលេខ២៨៩ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឱ្យដឹងថា មុនពេលកើតហេតុ គេបានឃើញប្រអប់កាប៊ីនភ្លើងខាងលើមានផ្ទុះឆ្លងចរន្តបែកផ្កាភ្លើង និងបង្កជាអណ្តាតភ្លើងឆេះយ៉ាងសន្ធោសន្ធៅ ភ្លាមនោះមានបងប្អូនប្រជាពលរដ្ឋដែលនៅក្បែរនាំគ្នាយកបំពង់ពន្លត់អគ្គិភ័យជាច្រើនមកបាញ់ពន្លត់ហើយភ្លើងក៏រលត់ទៅវិញ។

ប្រភពដដែលបានបន្តថា មួយសន្ទុះក្រោយមកស្រាប់តែប្រអប់កាប៊ីនភ្លើងខាងលើបង្កជាអគ្គិភ័យម្តងទៀតឆាបឆេះយ៉ាងសន្ធៅ ទើបសមត្ថកិច្ចហៅក្រុមរថយន្តពន្លត់អគ្គិភ័យចំនួន២គ្រឿងមកបាញ់ទប់ជៀសវាងរាលដាលដល់ផ្ទះបងប្អូនប្រជាពលរដ្ឋទៀត។

សមត្ថកិច្ចបានបញ្ជាក់ថា គ្រោះអគ្គិភ័យខាងលើសមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ស្នងការនគរបាលរាជធានីភ្នំពេញអស់ចំនួន២គ្រឿង ទើបគ្រប់គ្រងបានទាំងស្រុងនិងមិនមានរាលដាលដល់ផ្ទះបងប្អូនប្រជាពលរដ្ឋនោះទេ៕

ដោយ ៖ សុខា