ព័ត៌មានជាតិ

លួចសង់ផ្ទះនៅតំបន់ហាមឃាត់ អាជ្ញាធរចុះរុះរើទាំងយប់

បានផុស

៣ years មុន

នៅ

ថ្ងៃសៅរ៍ ៦ វិច្ឆិកា ២០២១

ដោយ

ពិតជានឹកស្មានមិនដល់ចំពោះមនុស្សមួយចំនួនដែលតែងនាំគ្នាដើរចាប់ដីសង់ផ្ទះលើដីរដ្ឋ និងដីមានម្ចាស់ហើយដល់ពេលគេដឹង តែងសុំរកដំណោះស្រាយជាលុយកាក់។

ជាក់ស្តែងនៅយប់ថ្ងៃទី៥ ខែវិច្ឆិកា នេះ អាជ្ញាធរសង្កាត់ច្បារអំពៅ២ ខណ្ឌច្បារអំពៅ បានចុះទៅរុះរើផ្ទះសង់ពីឈើទាំងយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក យ៉ិន វុធ ចៅសង្កាត់ច្បារអំពៅទី២ បានឲ្យដឹងថា នៅយប់ថ្ងៃទី៥ ខែវិច្ឆិកានេះលោកបានបញ្ជាកម្លាំងឲ្យរុះរើផ្ទះសង់ពីឈើតូចៗ ដែលអ្នកមករំលោភយកដីតំបន់នេះ គឺជាដីរបស់រដ្ឋពុំមានអ្នកណាមានសិទ្ធិសាងសង់លំនៅដ្ឋានឯកជនឡើយ។ ហើយដីដែលប្រជាពលរដ្ឋមកសាងសង់ផ្ទះនេះគឺស្ថិតនៅភូមិដើមចាន់១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

ក្នុងនោះលោកចៅសង្កាត់បានព្រមានទៅបងប្អូនប្រជាពលរដ្ឋដែលមកចាប់ដីរបស់រដ្ឋសាងសង់ផ្ទះសម្បែងនោះ គឺអាជ្ញាធរនិងប្រើវិធានការណ៍តាមផ្លូវច្បាប់មិនលើកលែងឡើយ។ នេះជាល្បិចដ៏ចាស់គំរិលរបស់ជនខិលខូចដែល ឈ្នះបានដី ចាញ់បានលុយ៕

អត្ថបទ៖ នរា