ឆ្លងចរន្តអគ្គិសនី ឆេះផ្ទះស្តុកនំកញ្ចប់ នៅក្នុងបុរី ពិភពថ្មី ចំការដូង

ឆ្លងចរន្តអគ្គិសនីឆេះផ្ទះស្តុកនំកញ្ចប់មួយកន្លែង នៅក្នុងបុរី ពិភពថ្មី ចំការដូង ត្រូវបានអណ្តាតភ្លើងឆាបឆេះ បង្កការភ្ញាក់ផ្អើលដល់សមត្ថកិច្ចពន្លត់អគ្គិភ័យបញ្ចេញរថយន្តជួ​​យអន្តរាគមន៍ភ្លាមៗ សំណាងល្អមិនមានអ្នករងរបួស។

ហេតុ​ការកើតឡើង កាលពី​វេលា​ម៉ោង ១២ និង​២០​នាទី ថ្ងៃទី​៦ ខែវិច្ឆិកា ឆ្នាំ​២០២១ ភូមិ​ប្រការ សង្កាត់​ព្រៃ​ស ខណ្ឌដង្កោ រាជធានី​ភ្នំពេញ។ សមត្ថកិច្ច​ប្រាប់​ឲ្យ​ដឹងថា ការសន្និដ្ឋាន​នៅក្នុង​ករណី​គ្រោះ​អគ្គីភ័យ​នេះ គឺ​ឆាបឆេះ​ដោយសារ​ឆ្លង​ចរន្តអគ្គិសនី។ ម្ចាស់ផ្ទះ​ឈ្មោះ ទី រិទ្ធី ភេទ​ប្រុស អាយុ​៤៨​ឆ្នាំ ស្នាក់នៅ​កន្លែងកើតហេតុ ផ្ទះ​លេខ​១៦០ ផ្លូវ​លេខ​៧ ភូមិ​ប្រការ សង្កាត់​ព្រៃ​ស ខណ្ឌដង្កោ រាជធានី​ភ្នំពេញ។

នៅក្នុង​ហេតុ​ការ​គ្រោះ​អគ្គិភ័យ​នេះដែរ សមត្ថកិច្ច​ប្រើប្រាស់​រថយន្ត​ពន្លត់​អគ្គិភ័យ ៣​គ្រឿង បាញ់​ទឹក​អស់ទាំង​អស់ ដោយ​មិនមាន​មនុស្ស​ណា​ម្នាក់​ទទួល​គ្រោះថ្នាក់​នោះឡើយ ៕

​អត្ថបទ៖ រ៉ា​វុ​ទ្ធ​