ព័ត៌មានជាតិ
ត្រីមាសទី៣ឆ្នាំ២០២០ ការងារកែទម្រង់ហិរញ្ញវត្ថុសាធារណៈនៅតែរក្សាបានលទ្ធផលល្អប្រសើរ
ភ្នំពេញ ៖ នៅត្រីមាសទី៣ នៃ ឆ្នាំ២០២០ តាមរយៈរបាយការណ៍វឌ្ឍនភាពកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈរបស់ក្រសួងសេដ្ឋកិច្ច និងហិរញ្ញវត្ថុ បានបង្ហាញថា ការអនុវត្តការងារកែទម្រង់ហិរញ្ញវត្ថុសាធារណៈស្ថិតនៅក្នុងស្ថានភាពដែលអាចគ្រប់គ្រងបាន និងនៅតែរក្សាបានលទ្ធផលល្អប្រសើរ បើទោះបីស្ថានភាពបច្ចុប្បន្ន កំពុងទទួលរងការគំរាមកំហែងពីការរាតត្បាតនៃជំងឺកូវីដ-១៩ ក៏ដោយ។
របាយការណ៍នេះ ត្រូវបានបង្ហាញឲ្យដឹងនៅក្នុងកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ នៃក្រសួងសេដ្ឋកិច្ចនិងហិរញ្ញវត្ថុ តាមរយៈប្រព័ន្ធវីដេអូ (Video Conference ) ដែលដឹកនាំដោយ លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
កិច្ចប្រជុំនេះ ពិភាក្សាលើរបៀបវារៈចំនួនពីរ ទី១គឺពិនិត្យលើរបាយការណ៍វឌ្ឍនភាពនៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ ប្រចាំត្រីមាសទី៣ ឆ្នាំ២០២០ និង ទី២គីពិភាក្សាលើសេចក្តីព្រាងក្របខណ្ឌផែនការសកម្មភាពរួម ដំណាក់កាលទី៤។
សមិទ្ធផលគន្លឹះៗនៃផ្នែកទាំង៥នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈក្នុងត្រីមាសទី៣ នេះមាន វឌ្ឍនភាពគួរឲ្យកត់សម្គាល់រួមមានជាអាទិ៍ ការប្រមូលចំណូលមានការថមថយប៉ុន្តែស្ថិតក្នុងភាពអាចគ្រប់គ្រងបានជាក់ស្តែងការអនុវត្តចំណូលក្នុងស្រុកដែល រួមមានចំណូលចរន្ត និង ចំណូលមូលធន សម្រេចបាន ៦៣% ធៀបនឹងច្បាប់ ដែលមានទំហំទឹកប្រាក់ប្រមាណ ១៦ ៤៥៤ ប៊ីលានរៀល។ រីឯចំណាយក្នុងរយៈពេល៩ខែមកនេះ ស្ថិតក្នុងកម្រិតល្អប្រសើរបើធៀបនឹងរយៈពេលដូចគ្នាក្នុងឆ្នាំកន្លងទៅ បើទោះបីជាឆ្នាំនេះមានការធ្វើវិចារណកម្មថវិកាចំនួន២លើកក៏ដោយ ជាក់ស្តែងចំណាយថវិកាជាតិសម្រេចបាន ៥៦% គិតត្រឹមត្រីមាសទី៣។ វឌ្ឍនភាពនេះបានឆ្លុះបង្ហាញពីភាពជឿទុកចិត្តនៃថវិកា និងការឆ្លុះបញ្ចាំងពីការរក្សាបាននូវវិន័យនៃការអនុវត្តថវិកា។
ជាមួយគ្នានេះ ការកសាងនិងកែលម្អប្រព័ន្ធ, ការពង្រឹងការអនុវត្តថវិកាកម្មវិធី និងការកសាងមូលដ្ឋានសមិទ្ធកម្មសម្រាប់ដំណាក់កាលបន្ទាប់ជាបណ្តើរៗ ក៏នៅបន្តមានវឌ្ឍនភាពល្អប្រសើរផងដែរ។ ទោះជាយ៉ាងណាក៏ដោយ ក្នុងរយៈពេលនៃវិបត្តិកូវីដ១៩នេះ កិច្ចការកែទម្រង់ខ្លះ ក៏បានផ្អាក ឬផ្លាស់ប្តូរយន្តការថ្មីផងដែរជាពិសេសគឺកិច្ចការពាក់ព័ន្ធនឹងការកសាងសមត្ថភាពមន្ត្រីរាជការ ការចុះបេសកកម្ម និងការផ្សព្វផ្សាយនានាជាដើម ហើយបានប្រើប្រាស់វិធីសាស្ត្រតាមប្រព័ន្ធបច្ចេកវិទ្យាទំនើបជំនួសវិញ។ ជារួម ការងារកែទម្រង់ការគ្រប់គ្រងហិរញ្ញវត្ថុសាធារណៈគិតមកត្រឹមត្រីមាសទី៣នេះ គឺបន្តមានចលនការទៅមុខតាមយន្តការប្រយ័ត្នប្រយែងនិងវិធានការនវានុវត្តន៍ថ្មី។
ដោយឡែក ការពិភាក្សាអំពីការរៀបចំសេចក្តីព្រាងក្របខណ្ឌផែនការសកម្មភាពរួមដំណាក់កាលទី៤ ជាការងារចាំបាច់សម្រាប់ការត្រៀមខ្លួនអនុវត្តការងារកែទម្រង់ហិរញ្ញវត្ថុសាធារណៈនៅក្នុងជំហានបន្ទាប់។ ក្របខណ្ឌផែនការសកម្មភាពរួមដំណាក់កាលទី៤ មានលក្ខណៈទូលំទូលាយ ដោយផ្តោតការគ្រប់គ្រងធនធានមនុស្សនិងរចនាសម្ព័ន្ធចាត់តាំង និងការបញ្ចប់ការងាររៀបចំមូលដ្ឋានជាសារវ័ន្តនៃការគ្រប់គ្រងហិរញ្ញវត្ថុសាធារណៈរយៈពេលជាង ២០ ឆ្នាំនេះ ក្នុងគោលដៅឆ្ពោះទៅរកការកែទម្រង់ “ការអនុវត្តការងារប្រចាំថ្ងៃ” ឬ “លទ្ធផលចុងក្រោយ”។ ថ្នាក់ដឹកនាំគណៈ-កម្មការកែទម្រង់ការគ្រប់គ្រងហិរញ្ញវត្ថុសាធារណៈ បានណែនាំនិងតម្រង់ ទិសឲ្យគិតគូរក្នុងការបង្កើនរយៈពេល២ឆ្នាំបន្ថែមទៀតដើម្បីកសាងមូលដ្ឋានគ្រឹះដំណាក់កាលទី៣ និងការងារ គន្លឹះៗដែលសេសសល់ផ្សេងៗទៀត ដើម្បីធានាឲ្យមានចីរភាពនៃការងារកែទម្រង់និងការដើរស្របគ្នាជាមួយនឹងកិច្ចការងារកែទម្រង់ផ្សេងៗទៀតមុននឹងឈានបោះជំហានទៅដំណាក់កាលបន្ទាប់។
លោកអគ្គបណ្ឌិតសភាចារ្យ ឧបនាយករដ្ឋមន្ត្រី បានរំលឹកបន្ថែមថា ក្នុងកាលៈទេសៈនេះ គឺបង្កឲ្យគ្រប់អង្គភាព ក្រសួងស្ថាប័ន សម្របខ្លួនទៅនឹងវិបត្តិ និងប្រើប្រាស់នូវគំនិតច្នៃប្រឌិតខ្ពស់ក្នុងការដោះស្រាយបញ្ហាប្រឈមដែលកើតមាន ជាមួយនឹងការប្រុងប្រយ័ត្នខ្ពស់បំផុតនិងបានស្នើគ្រប់អង្គភាពក្រោមឱវាទក្រសួង បន្តជំរុញការអនុវត្តផែនការសកម្មភាពរួមដំណាក់កាលទី៣ដើម្បីសម្រេចតាមគោលដៅ ដែលបានគ្រោងទុក៕
ដោយ ៖ វត្តី
ព្រឹកស្អែកនេះ លោកឧបនាយករដ្ឋមន្ត្រី ប្រាក់ សុខុន នឹងចូលរួមកិច្ចប្រជុំចង្អៀតរដ្ឋមន្ត្រីការបរទេសអាស៊ាន
ឧត្តមសេនីយ៍ឯក ឌី វិជ្ជា ៖ ថ្នាក់ដឹកនាំអគ្គស្នងការដ្ឋាននគរបាលជាតិ តែងគិតគូរផ្តល់ការ បណ្តុះបណ្តាលចំណេះដឹង និងជំនាញដល់នគរបាលនារី
នាយឧត្តមសេនីយ៍ គន់ គីម ផ្តាំផ្ញើឲ្យអ្នកពាក់ព័ន្ធត្រៀមកម្លាំង ដើម្បីជួយសង្គ្រោះជនរងគ្រោះឲ្យទាន់ពេលវេលា
អគ្គិភ័យឆាបឆេះឃ្លាំងស្តុកអីវ៉ាន់ សង្ស័យទុសេខ្សែភ្លើងបណ្ដាលឲ្យរបួសមនុស្ស៥នាក់
លោកហ៊ុន ម៉ាណែត កោតសរសើរដល់កងទ័ពទាំងអស់ ដែលបានខិតខំ និងសម្រេចបាននូវស្នាដៃ និងសមិទ្ធផលជាច្រើន
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ6 days agoអ្នកនាំពាក្យបដិសេធព័ត៌មានថាកងទ័ពឆត្រយោង ម្នាក់ធ្លាក់ស្លាប់
-
ព័ត៌មានជាតិ5 days agoក្តៅៗ! សមត្ថកិច្ចបានបាញ់សម្លាប់ ឃាតកបាញ់នាយរងការិយាល័យព្រហ្មទណ្ឌកម្រិតស្រាល ស្លាប់មុននេះ
-
ព័ត៌មានអន្ដរជាតិ3 days agoប៉ូលិសថៃ ចាប់រំលោភជនសង្ស័យគ្រឿងញៀនមីយ៉ាន់ម៉ា ក្នុងប៉ុស្តិ៍ប៉ូលិស
-
ព័ត៌មានជាតិ5 days agoលម្អិតសមត្ថកិច្ចព័ទ្ធព្រៃជិតមួយអាទិត្យ ទើបអាចរកឃើញឃាតកដៃឆៅបានសម្រេច
-
ព័ត៌មានជាតិ5 days agoក្តៅៗ! សមត្ថកិច្ចបញ្ចេញរូបភាពឃាតកដៃដល់ ដែលបាញ់នាយរងការិយាល័យព្រហ្មទណ្ឌកម្រិតស្រាល
-
ព័ត៌មានជាតិ6 days agoលោក ទិត្យ វិច្ឆិកា រំលឹកពាក្យពីរម៉ាត់របស់គ្រូឆត្រយោងដែលពលីជីវិត
-
KPT+5 days agoមហាសេដ្ឋី Elon ធ្លាប់រៀបការដល់ទៅ៣ដង និងមានសង្សារសុទ្ធតែជាតារាល្បីៗក្រោយលែងលះភរិយា
-
ព័ត៌មានជាតិ1 day agoស្គាល់តាមហ្វេសប៊ុក សង្ឃមួយអង្គលួចរួមភេទជាមួយក្មេងស្រីអាយុ១៥ឆ្នាំ នៅក្នុងបន្ទប់ទឹកវត្ត