ព័ត៌មានជាតិ

អាជ្ញាធរជាតិអប្សរា ជួយសង្គ្រោះប្រាសាទបន្ទាយស្រីដំដែក

បានផុស

៣ years មុន

នៅ

ថ្ងៃចន្ទ ៨ វិច្ឆិកា ២០២១

ដោយ

នៅព្រឹកមិញនេះ លោក ឡុង កុសល អ្នកនាំពាក្យអាជ្ញាធរជាតិអប្សរាឲ្យដឹងថា ក្រុមអ្នកជំនាញនាយកដ្ឋានអភិរក្សប្រាសាទក្រៅឧទ្យានអង្គរ នៃអាជ្ញាធរជាតិអប្សរា បានបញ្ចប់ការទល់ទ្រដើម្បីជួយសង្គ្រោះប្រាសាទបន្ទាយស្រីដំដែក ដែលស្ថិតនៅក្នុងឃុំដំដែក ស្រុកសូទ្រនិគម បានជោគជ័យហើយបន្ទាប់ពីបានប្រឹងប្រែងលើការងារអស់រយៈពេលជាង៣ខែមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីទទួលបន្ទុកការងារការដ្ឋានលោក ពុទ្ធ សុទ្ធ ឱ្យដឹងថាការទល់ទ្រនេះ គឺក្នុងគោលបំណងជួយពង្រឹងសង្គ្រោះប្រាសាទឱ្យជៀសផុតពីហានិភ័យ។ បច្ចុប្បន្នប្រាសាទបន្ទាយស្រីដំដែក មានសភាពទ្រុឌទ្រោមខ្លាំង នៅប្រាង្គកណ្តាលនៅត្រង់ស៊ុមទ្វារ ស៊ុមបង្អួច ដែលមានស្នាមប្រេះបែកបាក់។ ប្រសិនបើពុំមានការជួយទល់ទ្រសង្គ្រោះឱ្យបានទាន់ពេលទេ នោះចំណុចទាំងនោះនឹងប្រឈមបញ្ហា។

ចំពោះដំណើរការទល់ទ្រប្រាសាទបន្ទាយស្រីដំដែក ចាប់តាំងតែពីអំឡុងចុងខែសីហា ហើយទើបតែបញ្ចប់កាលពីចុងខែតុលា ឆ្នាំ២០២១។ ប្រាសាទបន្ទាយស្រីដំដែកស្ថិតនៅភូមិបន្ទាយស្រី ឃុំដំដែក ស្រុកសូទ្រនិគមក្នុងបរិវេណវត្ដប្រាសាទបន្ទាយស្រី ចម្ងាយប្រមាណ ៣៤គីឡូម៉ែត្រ ភាគខាងកើតនៃទីរួមខេត្ដសៀមរាប៕