ក្រុមគ្រូពេទ្យចុះបាញ់ថ្នាំសម្លាប់មេរោគក្នុងវិទ្យាល័យសម្តេចឪ ដើម្បីត្រៀមឲ្យសិស្សចូលរៀនវិញ​

បន្ទាប់ពីដឹកពលករ​ដែល​យកមក​ច​ត្តា​ឡី​ស័ក​នៅក្នុង​វិទ្យាល័យ​សម្តេចឪ​ ទៅដាក់​នៅមណ្ឌល​ធំ​៣​ នៅក្នុង​ខេត្តបន្ទាយមានជ័យ​ ​នៅ​ថ្ងៃទី​៧ ខែវិច្ឆិកា ឆ្នាំ​២០២១ កម្លាំង​ក្រុមគ្រូពេទ្យ​មកពី​មន្ទីរ​សុខាភិបាល​ខេត្តបន្ទាយ​មានជ័យ សហការណ៍​ជាមួយសាស្ត្រាចារ្យ​វិទ្យាល័យ​សម្ដេចឪ បានចុះ​បាញ់ថ្នាំ​និង​ធ្វើ​អនាម័យ​និង​រៀបចំ​សណ្តាប់​ធ្នាប់ក្នុង​ថ្នាក់រៀន​នីមួយៗ​ ឲ្យ​ស្អាត​ឡើងវិញ​ដើម្បីឲ្យ​សិស្សទាំងអស់​បាន​ចូលរៀន​ធម្មតា​ឡើងវិញ​។ ​

លោក​សាស្ត្រាចារ្យ​វិទ្យាល័យ​សម្ដេចឪ​ម្នាក់​បាន​ប្រាប់ឲ្យ​ដឹងថា ​ថ្ងៃទី​១ ខែវិច្ឆិកា ឆ្នាំ២០២១ រដ្ឋាភិបាល​តម្រូវ​ឲ្យ​បើក​សាលារៀន​ឡើងវិញ​ក្នុង​ខេត្ត​ទាំងអស់​ ក្នុងនោះ​វិទ្យាល័យ​សម្តេចឪ​ មិនបាន​បើក​ឲ្យ​សិស្ស​ចូលរៀន​វិញ​ទេ​ ដោយសារតែ​ជាប់​ដាក់​ពលករ​ច​ត្តា​ឡី​ស័ក​នៅក្នុង​វិទ្យាល័យ​សម្តេចឪ​នេះ តែ​សិស្ស​ដែល​ត្រូវ​ប្រឡង​យកទៅដាក់​ឲ្យ​រៀន​នៅ​សាលាបឋមសិក្សា ហ៊ុនសែន​សូ​ភី សិស្ស​ដែល​នៅសល់​ឲ្យ​រៀន​តាម​អន​ឡាញ​បន្ត​។​

សាស្ត្រាចារ្យ​បានបញ្ជាក់​ឲ្យ​ដឹង​បន្តទៀតថា ​ក្រោយពី​ក្រុមគ្រូពេទ្យ​បាញ់ថ្នាំ​សម្លាប់​មេរោគ​ហើយ​ដល់​វេន ក្រុម​គ្រូបង្រៀន​ធ្វើ​ការសំអាត​ថ្នាក់រៀន​វិញ​ម្តង ព្រោះ​ក្នុង​បរិវេន​ជុំវិញ​សាលា​ពោរពេញ​ទៅដោយ​សំរាម​ស្ទើរ​គ្រប់​ច្រកល្ហក ​សំអាត​យ៉ាងតិច​ក៏​១​អាទិត្យ​ដែរ​ដោយសារតែ​ពលករ​មកសម្រាកធ្វើ​ច​ត្តា​ឡី​ស័ក ​មិនចេះ​សំអាត​បោះ​សំរាម​ចោល​ប៉ាតណាប៉ាតណី ។​

លោក​សាស្ត្រាចារ្យ​បានបញ្ជាក់​ឲ្យ​ដឹង​ទៀតថា ​ក្រោយពី​សំអាត​សំរាម​និង​រៀបចំ​សណ្តាប់ធ្នាប់​បាន​ស្អាត​ក្នុង​ថ្នាក់រៀន​អស់ហើយ​ សិស្ស​អាច​ចូលមក​រៀន​វិញ​បាន​ តែ​តម្រូវ​ឲ្យ​សិស្ស​លាង​សម្អាត​ដៃ​នឹងទឹកសាប៊ូ និង​ទឹក​លាងដៃ​អាល់កុល ជែ​ល ពាក់​ម៉ាស់ ឲ្យ​បាន​ត្រឹមត្រូវ​គ្រប់គ្នា​ផងដែរ ដើម្បីបង្ការ និង​ទប់ស្កាត់​ការ​រាត​ត្បាត​នៃ​ជំងឺ​កូ​វីដ​.១៩​នេះ​បន្ត​៕

អត្ថបទ៖ វ៉ាន់ ណា​ង​