ព័ត៌មានជាតិ

រថយន្តក្រឡុកស៊ីម៉ងត៍ ២ គ្រឿងបុកគ្នាពីក្រោយ រេចង្កូតចូលស្ថានីយប្រេងឥន្ធនៈ

បានផុស

៣ years មុន

នៅ

ថ្ងៃពុធ ១០ វិច្ឆិកា ២០២១

ដោយ

រថយន្តក្រឡុកស៊ីម៉ងត៍ចំនួន ២ គ្រឿងបុកបន្តកន្ទុយគ្នា បណ្តាលឱ្យរងការខូចខាត ហើយបន្តទៅបុកចូលស្ថានីយប្រេងឥន្ធនៈមួយកន្លែង(យីហោ លី ហ៊ាង) ដែលស្ថិតនៅតាមបណ្ដោយផ្លូវភ្នំពេញហាណូយ កែងផ្លូវឧកញ៉ាម៉ុងរិទ្ធី ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីវេលាម៉ោង ៩ យប់ ថ្ងៃទី ៩ ខែវិច្ឆិកា ឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តក្រឡុកស៊ីម៉ងត៍មួយគ្រឿងម៉ាកFU SOពណ៌ស ពាក់ស្លាកលេខ5A-2359 ធ្វើដំណើរតាមបណ្ដោយផ្លូវភ្នំពេញហាណូយទិសដៅពីត្បូងទៅជើងក្នុងល្បឿនលឿនលុះមកដល់ចំណុចកើតហេតុបានជ្រុលទៅបុកគូថរថយន្តក្រឡុកស៊ីម៉ងត៍មួយគ្រឿងទៀតនៅខាងមុខពេញទំហឹងបណ្តាលឲ្យរងការខូចខាតយ៉ាងដំណំ រួចក៏រេចង្កូតមកខាងស្ដាំដៃបុកចូលស្ថានីយប្រេងឥន្ធនៈយីហោ លីហ៊ាង បណ្ដាលឲ្យរនាំងដែកដែលបាំងនៅជុំវិញស្ថានីយប្រេងឥន្ធនៈខូចខាតបន្តិចបន្តួច ឯរថយន្តទៅមុខលែងរួច។

ក្រោយកើតហេតុ សមត្ថកិច្ចមូលដ្ឋាន និងជំនាញ បានចុះមកដល់កន្លែងកើតហេតុ និងបានឲ្យភាគីទាំងពីរធ្វើការសម្រុះសម្រួលគ្នា។ បន្ទាប់មកដោយភាគីទាំងពីរស្គាល់គ្នាផង ក៏យល់ព្រមសម្របសម្រួលគ្នាដើម្បីបញ្ចប់រឿង៕

អត្ថបទ៖ សុខា