ព័ត៌មានជាតិ

Update សមត្ថកិច្ចចាប់បានអ្នកទោសដែលទម្លុះរបងពន្ធនាគារ២នាក់បន្ថែមទៀតនៅព្រឹកនេះ

បានផុស

៣ years មុន

នៅ

ថ្ងៃពុធ ១០ វិច្ឆិកា ២០២១

ដោយ

កម្លាំងសមត្ថកិច្ចបានបន្តចាប់បានអ្នកទោស២នាក់បន្ថែមទៀត នៅព្រឹកថ្ងៃទី១០ ខែវិច្ឆិកា ឆ្នាំ២០២១នេះ បន្ទាប់ពីទម្លុះរបងពន្ធនាគារខេត្តស្ទឹងត្រែង និងកំពុងបន្ដស្រាវជ្រាវតាមប្រមាញ់៤នាក់បន្ថែមទៀត។

អ្នកទោសដែលត្រូវចាប់ខ្លួនបានមកវិញមានឈ្មោះទី១៖ ឈ្មោះ វ៉ាន់ ភូ ជាប់ទោស២០ឆ្នាំ ជាប់ពីបទល្មើសជួញដូរគ្រឿងញៀន អ្នកទោសរូបនេះ ត្រូវចាប់ខ្លួនបានមកវិញ នៅវេលាម៉ោង១២ថ្ងៃត្រង់ ថ្ងៃទី១០ ខែវិច្ឆិកានេះ នៅស្រុកថាឡាបរិវ៉ាត់ ខេត្តស្ទឹងត្រែង។ ទី២៖ ឈ្មោះ កិត ងិន ជាប់៤ឆ្នាំ ជាប់បទល្មើសគ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា គិតមកដល់រសៀលថ្ងៃទី១០ ខែវិច្ឆិកា ឆ្នាំ២០២១នេះ អ្នកទោសចំនួន៣នាក់ ក្នុងចំណោមអ្នកទោស៧នាក់ ដែលទម្លុះរបងពន្ធនាគារខេត្តស្ទឹងត្រែង កាលពីថ្ងៃទី៨ ខែវិច្ឆកា កន្លងទៅ ត្រូវបានកម្លាំងសមត្ថកិច្ចឃាត់ខ្លួនជាបន្តបន្ទាប់បានមកវិញ ខណៈ៤នាក់ទៀតនៅបន្ដគេចខ្លួន៕