ព័ត៌មានជាតិ

ទាស់ពាក្យសម្ដីគ្នា បង្ករបួសស្នាម អ្នកបង្កក្លាយជាជនរងគ្រោះ

បានផុស

៣ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

អំពើហិង្សាមួយបានកើតឡើង បណ្ដាលឲ្យមានអ្នករងរបួសធ្ងន់ផ្ដើមចេញពីទំនាស់ពាក្យសម្ដីឈានដល់ការកាប់ប្រហារគ្នា ជនរងគ្រោះក្លាយជាជនបង្ក ត្រូវសមត្ថកិច្ចឃាត់ខ្លួន។

លោកវរសេនីយ៍ លន ចន្ថា អធិការរងទទួលផែនព្រហ្មទណ្ឌ នៃអធិការដ្ឋាននគរបាលស្រុកស្អាង បានប្រាប់អោយដឹងថា ដើមហេតុដំបូង ជនរងគ្រោះជាអ្នកបង្កមុន ដោយយកចបជីកវាយទៅលើជនសង្ស័យ ទើបជនសង្ស័យរត់ទៅយកកាំប៉ិតកាប់អោយរបួសធ្ងន់តែម្តង ។ ចំពោះសំណុំរឿងលោកបានកសាងបញ្ជូនទៅតុលាការទាំងសងខាង ជាជនរងគ្រោះផង ជាជនសង្ស័យផង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងនៅថ្ងៃទី០៩ ខែវិច្ឆិកា ឆ្នាំ២០២១ វេលាម៉ោង១៩និង១០នាទី នៅចំណុចភូមិដំរីឆ្លង ឃុំខ្ពប ស្រុកស្អាង ខេត្តកណ្តាល ។

ជនរងគ្រោះឈ្មោះ និត ណាង ហៅប្រុស ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិដំរីឆ្លង ឃុំខ្ពប ស្រុកស្អាង ខេត្តកណ្ដាល ។ ចំណែកជនសង្ស័យឈ្មោះ ខ្លុយ រ៉ា ហៅហេង ភេទប្រុស អាយុ២០ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិដំរីឆ្លង ឃុំខ្ពប ស្រុកស្អាង ខេត្តកណ្តាល។

លោកអធិការរង បានបញ្ជាក់ថា នៅមុនពេលកើតហេតុ ឈ្មោះ ខ្លុយ រ៉ា បានឈ្លោះគ្នាជាមួយឈ្មោះ និត ណាង ដោយឈ្មោះ និត ណាង បានយកចបជីកវាយទៅលើក្បាលឈ្មោះ ខ្លុយ រ៉ា ភ្លាមនោះឈ្មោះ ខ្លុយ រ៉ាបានរត់ទៅយកកាំបិតផ្គាក់កាប់ឈ្មោះ និត ណាង បណ្ដាលឲ្យមានរបួសធ្ងន់ បញ្ជូនទៅព្យាបាលនៅមន្ទីរពេទ្យជ័យជម្នះ។ ចំណែកឈ្មោះ ខ្លុយ រ៉ា សមត្ថកិច្ចនគរបាលឃាត់ខ្លួនដើម្បីចាត់ការតាមនីតិវិធីច្បាប់៕

អត្ថបទ៖ ឆៃ យ៉ា

Related Topics:ករណីហិង្សា