ព័ត៌មានជាតិ
លោក ជិន ម៉ាលីន ៖ សកម្មជនមួយចំនួន ត្រូវបានដោះលែងឲ្យនៅក្រៅឃុំនោះ ជានីតិវិធីទូទៅរបស់តុលាការប៉ុណ្ណោះ
មន្ត្រីជាន់ខ្ពស់ក្រសួងយុត្តិធម៌ បានអះអាងថា ការដែលសកម្មជនមួយចំនួន ត្រូវបានដោះលែងឲ្យនៅក្រៅឃុំនោះ មិនមែនជាសម្ភាធមកពីខាងនោះទេ តែជានីតិវិធីរបស់តុលាការដែលអនុវត្តជាទូទៅប៉ុណ្ណោះ។ ការអះអាងនេះ បានធ្វើឡើង បន្ទាប់ពីមានសកម្មជនបរិស្ថាន និងសកម្មជនរបស់អតីតគណបក្សប្រឆាំងប្រមាណ ១០នាក់ ដែលអនុវត្តទោសមួយផ្នែកនៅក្នុងពន្ធនាគារ ត្រូវបានដោះលែងឲ្យនៅក្រៅឃុំជាបន្តបន្ទាប់ ដោយទោសដែលនៅសល់ត្រូវបានព្យួរ។ ប៉ុន្តែត្រូវបានមជ្ឈដ្ឋានខ្លះ បានលើកឡើងថា ការដោះលែងនេះ ដោយសាររងសម្ពាធពីខាងនេះ ឬខាងនោះជាដើម។
សូមជម្រាបថា កាលពីថ្ងៃទី ២៥ ខែតុលា ឆ្នាំ ២០២១កន្លងទៅនេះ ក្រសួងយុត្តិធម៌ បានចេញគោលការណ៍ណែនាំមួយ ដោយជំរុញលើកទឹកចិត្តឲ្យតុលាការសម្រេច អំពីការដោះលែងនៅក្រៅឃុំ និងការប្រើប្រាស់ការព្យួរទោសក្នុងការកាត់ក្តី ដើម្បីរួមចំណែកក្នុងការដោះស្រាយភាពចង្អៀតណែន ក្នុងពន្ធនាគារ។
លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ មានប្រសាសន៍ប្រាប់កម្ពុជាថ្មី នៅថ្ងៃទី១១ ខែតុលានេះថា ករណីដោះលែងឲ្យពួកគេនៅក្រៅឃុំនោះ មិនមែនមានសម្ពាធពីខាងនោះទេ តែជាដំណើរការនីតិវិធីរបស់តុលាការ ដែលអនុវត្តជាទូទៅប៉ុណ្ណោះ ដោយតុលាការមិនមែនផ្ដោតលើសកម្មជន ឬមិនមែនសកម្មជននោះឡើយ។
លោក ជិន ម៉ាលីន បន្តថា សកម្មជនទាំងអស់នេះ មិនមែនត្រូវបានដោះលែងនោះទេ គឺមានន័យថា ពួកគេបានប្រព្រឹត្តិបទល្មើស ហើយត្រូវបានតុលាការផ្ដន្ទាទោស។ ក៏ប៉ុន្តែគ្រាន់តែថា ការអនុវត្តទោសមានការអនុគ្រោះ ដែលផ្អែកលើគោលការណ៍ ណែនាំរបស់ក្រសួងយុត្តិធម៌ ដែលបានដាក់ចេញក្នុងការពន្លឿន ការដោះស្រាយសំណុំការកកស្ទះសំណុំរឿង នៅក្នុងតុលាការ និងការកាត់បន្ថយការចង្អៀតណែន នៅក្នុងពន្ធនាគារជាដើម។
អ្នកនាំពាក្យក្រសួងយុត្តិធម៌ បានបញ្ជាក់ថា «ហើយគោលការណ៍ហ្នឹង ក្រសួងលើកទឹកចិត្តឲ្យបន្តតទៅទៀត ទោះជាយុទ្ធនាការហ្នឹងចប់ហើយក៏ដោយ ក្នុងគោលដៅដោះស្រាយភាពចង្អៀតណែន នៅក្នុងពន្ធនាគារ ពន្លឿននីតិវិធីសំណុំរឿងនៅតុលាការ ដោះស្រាយការកកស្ទះសំណុំរឿងនៅតុលាការ ហើយផ្អែកលើគោលការណ៍ច្បាប់ និងនីតិវិធីច្បាប់ទាំងស្រុង ដែលមានជាធរមាន»។
លោក ជិន ម៉ាលីន បានបញ្ជាក់បន្ថែមថា ផ្អែកទៅលើគោលការណ៍ណែនាំ របស់ក្រសួងពាក់ព័ន្ធ ទៅលើការដោះស្រាយការកកស្ទះសំណុំរឿងនៅតុលាការ និងការដោះស្រាយភាពចង្អៀតណែននៅក្នុងពន្ធនាគារ គឺក្រុមសកម្មជនទាំងនោះ ត្រូវបានផ្ដន្ទាទោសមួយផ្នែកនៅក្នុងពន្ធនាគារ និងទោសដែលនៅសល់មួយផ្នែកទៀតគឺត្រូវព្យួរ។
លោកថា ក្នុងរយៈពេលព្យួរទោសនេះ ប្រសិនបើសកម្មជនទាំងនោះ ធ្វើសកម្មភាពល្មើសបំពានបំរាមមួយចំនួន ដែលតុលាការបានដាក់ចេញទេនោះ ពួកគេនឹងអាចប្រឈមមុខចំពោះផ្លូវច្បាប់វិញ ពោលគឺនឹងត្រូវយកទៅអនុវត្តទោសក្នុងពន្ធនាគារឡើងវិញ៕
អត្ថបទ៖ ឃួន សុភ័ក្រ
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ៩ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ