ព័ត៌មានជាតិ
ធ្វើទារុណកម្មលើកូនចិញ្ចឹមអាយុ ៩ ឆ្នាំ មួយថ្ងៃជាង ១០០ រំពាត់ ប្រាប់គេថា ឆ្មាខ្វាច និងដើរបុកទ្វារ
ក្មេងស្រីដ៏អភ័ព្វម្នាក់ដែលបានមកធ្វើជាសមាជិកថ្មីជាមួយប្តីប្រពន្ធ១គូដែលគ្មានកូនតាំងពីអាយុ០៣ឆ្នាំសង្ឃឹមថាមានក្តីសុខ ក្រោយពីម្តាយដើមបង្កើតផ្តល់កំណើតមកហើយតែខ្វះលទ្ធភាពគ្រប់គ្រងបានប្រគល់ឲ្យប្តីប្រពន្ធ១គូមកបីបាច់ថែរក្សាតាមសំណើរសុំរបស់ពួកគេ។
តែគួរឲ្យអាសូររហូតដល់ក្មេងស្រីបានធំបន្តិចដល់បច្ចុប្បន្នមានអាយុ០៩ឆ្នាំហើយ បែជាទទួលទារុណកម្មប្រើហិង្សាអស់ជាច្រើនឆ្នាំយ៉ាងឃោឃៅពីសំណាក់ម្តាយចិញ្ចឹមទៅវិញ និងគំរាមមិនឲ្យនិយាយប្រាប់អ្នកជិតខាងឲ្យដឹងទៀតផង តែលាក់បាំងមិនជិត ខណៈអ្នកជិតខាងបានឃើញទង្វើឃោឃៅស្ទើររាល់ថ្ងៃគ្មានថ្ងៃលោះ ទើបបែកធ្លាយដល់សមត្ថកិច្ច។
ពាក់ព័ន្ធករណីនេះ តាមសេចក្តីរាយការណ៍ពីប្រជាពលរដ្ឋជិតខាងបានអោយដឹងកាលពីល្ងាចថ្ងៃទី០៩ខែវិច្ឆិកា ឆ្នាំ២០២១ថា ជារៀងរាល់ថ្ងៃពួកគាត់តែងសង្កេតឃើញក្មេងស្រីនេះត្រូវបានស្ត្រីជាម្តាយចិញ្ចឹមវាយធ្វើបាបលើរាងកាយរហូតមានស្នាមពេញខ្លួន ដោយសាតែម្តាយចិញ្ចឹមប្រើហិង្សាហើយបានប្រឌិតថាស្នាមនៅលើខ្លួនកុមារីរងគ្រោះ គឺសត្វឆ្មាខ្វាចនិងដើរបុកទ្វារជាដើមទៅវិញ។
ប្រភពបន្តប្រាប់ថា កុមារីរងគ្រោះមានឈ្មោះ ចន្ធី លីហ្សា អាយុ០៩ឆ្នាំ មានម្តាយចិញ្ចឹមឈ្មោះ អ៊ឹម សុគន្ធីអាយុ៥៧ឆ្នាំ រស់នៅភូមិវត្តគរ សង្កាត់វត្តគរ ក្រុងបាត់ដំបង។ ហើយកុមារីរងគ្រោះខាងលើត្រូវបានពីរនាក់ប្តីប្រពន្ធដែលរៀបការហើយមិនមានកូនបានទៅសុំយកក្មេងស្រីខាងលើពីខាងឪពុកម្តាយបង្កើតដែលមានជីវភាពខ្វះខាតនៅឯមន្ទីរពេទ្យតាំងពីអាយុ០៣ឆ្នាំមកម្លេះ ។ តាំងពីយកមកខាងម្តាយចិញ្ចឹមមិនសូវជាពេញចិត្តក្មេងនោះប៉ុន្មានទេ គឺតែងតែធ្វើបាបស្ទើររាល់ថ្ងៃដោយថ្ងៃខ្លះវាយធ្វើបាបរហូតជាង១០០រំពាត់ក៏មាន និងមានពេលខ្លះវាយផងបាញ់និងជំពាមកៅស៊ូផង ដែលជាទង្វើឃោឃៅបំផុតទើបពួកគាត់ជាអ្នកជិខាងមិនអាចទ្រាំបាន។
លោកស្រី អ៊ឹម សុគន្ធី ដែលជាម្តាយចិញ្ចឹមរបស់ក្មេងរងគ្រោះបានទទួលស្គាល់ទង្វើរបស់ខ្លួនដែលមិនអាចប្រកែកបានហើយប្រាប់ថា រយៈពេលកន្លងមកខ្លួនធ្លាប់បានវាយធ្វើបាបមែន ហើយធ្លាប់បានយកកុមារីរងគ្រោះដែលជាកូនចិញ្ចឹមឱ្យទៅគេម្តងដែរ តែត្រូវបានប្ដីគាត់ទៅយកមកវិញ។ ក្រោយពីលោកមេភូមិចុះមកណែនាំរួចមក ខ្លួនមិនដែលហ៊ានធ្វើបាបទៀតទេ។
ការបកស្រាយពីម្តាយចិញ្ចឹមគ្មានចិត្តមេត្តានេះ លោក ហោ ផុន មេភូមិវត្តគរបានបញ្ជាក់អោយដឹងនៅថ្ងៃទី១១ ខែវិច្ឆិកានេះដែរថា រឿងប្រើប្រាស់អំពើហិង្សាខាងលើ គឺមានពិតមែន ហើយរយៈពេលកន្លងមកលោកក៏ធ្លាប់បានចុះណែនាំម្តងហើយកុំអោយវាយធ្វើបាបក្មេងបន្តទៀត គឺគ្រាន់តែប្រើត្រឹមមាត់ប្រដៅបានហើយ។ លោកបន្តថា ក្រោយពីលោកចុះព្រមានម្តងមក សកម្មភាពបានធូស្បើយបានមួយរយះពេលខ្លីប៉ុណ្ណោះ ក៏ម្តាយចិញ្ចឹមរូបនេះនៅតែបន្តសកម្មភាពហិង្សារហូតដល់ថ្ងៃនេះ ទើបអ្នកជិតខាងទ្រាំលែងបាន។
ពាក់ព័ន្ធករណីហិង្សាខាងលើនេះ នៅថ្ងៃទី១១ ខែវិច្ឆិកានេះ លោក ពេជ្យ សារ៉ែម អធិការក្រុងបាត់ដំបងបញ្ជាក់ថា ក្រោយមានកិច្ចអន្តរាគមន៍ពីកម្លាំងរបស់លោក ចំពោះមុខគ្រាន់តែធ្វើការណែនាំដល់ស្ត្រីដែលជាម្តាយចិញ្ចឹមហើយចំណាត់ការបន្តយ៉ាងណានោះ ខាងមន្ត្រីជំនាញរដ្ឋបាលសាលាក្រុង នឹងបន្តវិធានការនៅថ្ងៃទី១២ ខែវិច្ឆិកាស្អែកនេះបន្តទៀត ថាតើគួរមានវិធានការបែបណាឲ្យកុមារីរងគ្រោះផុតអំពីសកម្មភាពដ៏ព្រៃផ្សៃបែបនេះពីសំណាក់ម្តាយចិញ្ចឹមចិត្តឃោឃៅនេះបន្តទៀត។
ឆ្លើយតបនឹងចំណាត់ការរបស់មន្ត្រីនៃមន្ទីរជំនាញសាលាក្រុង ប្រជាពលរដ្ឋស្មើសុំឲ្យខាងមន្ត្រីជំនាញគួរពិចារណាលើអត្តចរិតរបស់ម្តាយចិញ្ចឹមរូបនេះ ខណៈអាជ្ញាធរព្រមានហើយនៅតែប្រព្រឹត្ត ដូច្នេះពួកគាត់សំណូមពរឲ្យយកកុមារីរងគ្រោះទុកនៅកន្លែងថែទាំណាមួយដែលមានសុវត្តិភាព៕
អត្ថបទ៖ សៅ សារិទ្ធ
កវីឯក ជ័យ ចាប វិលមកកម្ពុជាវិញហើយ ក្រោយស្ថានភាពជំងឺធូរស្រាល
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ
កូរ៉េខាងជើង គំរាមបាញ់នុយក្លេអ៊ែរ សងសឹកអាមេរិក
ពេជ្រ សូលីកា និយាយពាក្យក្នុងចិត្ត ធ្វើឱ្យរៀមច្បង យក់ ថិតរដ្ឋា រំភើបស្រស់ទឹកភ្នែកលើឆាក
៧ទីតាំង ជាយរាជធានីភ្នំពេញ ស័ក្តសមបំផុតសម្រាប់អ្នកនិយមភ្លក់កាហ្វេ ហើយលំហែកាយនឹងធម្មជាតិ
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ
ភាគខាងត្បូងថៃ ផ្ទុះគ្រាប់បែក២លើក មុនដំណើរទស្សនកិច្ចរបស់លោក ថាក់ស៊ីន
កវីឯក ជ័យ ចាប វិលមកកម្ពុជាវិញហើយ ក្រោយស្ថានភាពជំងឺធូរស្រាល
ត្រាំ៖ ប្រជាជនកាណាដា នៅតែអាចច្រៀងចម្រៀងជាតិបានដដែល ពេលចូលរួមជាមួយអាមេរិក
-
ព័ត៌មានជាតិ៦ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៥ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៧ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៦ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ចរាចរណ៍៤ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម៤ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ
-
ព័ត៌មានអន្ដរជាតិ១៦ ម៉ោង agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានអន្ដរជាតិ១ សប្តាហ៍ agoថាក់ស៊ីនដែលកំពុងឡើងប្រជាប្រិយភាពត្រូវហាមចូលកម្ពុជានិងទៅកាន់វៀតណាម