ព័ត៌មានជាតិ
លោកម៉ៅ ធនិន បើកការដ្ឋានជួសជុលផ្លូវទូកមាស ខូចខាតរាប់ឆ្នាំ
ខេត្តកំពត៖ ផ្លូវទូកមាសពោធិ៍តាស៊ុយ ដែលតភ្ជាប់ពីផ្លូវជាតិលេខ៣១ ចាប់ពីចំណុចផ្សារស្រុកបន្ទាយមាស ខេត្តកំពត មានប្រវែង១៣គីឡូម៉ែត្រ បានបើកការដ្ឋានជួសជុល នៅព្រឹកថ្ងៃទី១១ ខែវិច្ឆិកា ឆ្នាំ២០២១ ក្រោមអធិបតីភាព ឯកឧត្តម ម៉ៅ ធនិន អភិបាល នៃគណៈអភិបាលខេត្តកំពត។
លោកម៉ៅ ធនិន អភិបាលខេត្តកំពត បានគូសបញ្ជាក់ថា ផ្លូវមួយខ្សែនេះ(ផ្លូវពោធិ៍តាស៊ុយ)រងការខូចខាតយ៉ាងធ្ងន់ធ្ងរ ដែលបង្កការលំបាកក្នុងការធ្វើដំណើរ ពិសេសកូន ក្មួយ ជាសិស្សានុសិស្ស ពិបាកធ្វើដំណើរទៅសាលារៀន លោកបានជំរុញដល់មន្ទីរអភិវឌ្ឍន៍ជនបទខេត្ត ដើម្បីពន្លឿនជួសជុលផ្លូវ១ខ្សែដែលមានប្រវែងសរុប១៣គីឡូម៉ែត្រឱ្យបានឆាប់បំផុត សម្រាប់បង្កភាពងាយស្រួលដល់លោកយាយ លោកតា បងប្អូនប្រជាពលរដ្ឋ និងសិស្សានុសិស្សសម្រាប់ធ្វើដំណើរ។

បើយោងតាមរបាយការណ៍របស់ លោក ហ៊ សូរិន ប្រធានមន្ទីរអភិវឌ្ឍន៍ជនបទ ខេត្តកំពត បានឱ្យដឹងថា ផ្លូវទូកមាសពោធិ៍តាស៊ុយមានប្រវែង១៣គីឡូម៉ែត្ របែកចេញពីផ្លូវជាតិលេខ៣១ក្បែរចំណុចមុខសាលាស្រុកបន្ទាយមាស ឆ្ពោះទៅកាន់ព្រំប្រទល់ខេត្តតាកែវ។ ផ្លូវមួយខ្សែនេះមានស្ថានភាពខូចខាតជាយូរឆ្នាំមកហើយ។
បន្ទាប់ពីផ្លូវរងការខូចខាតប្រជាពលរដ្ឋដែលប្រើប្រាស់ផ្លូវមួយខ្សែនេះ មានក្តីលំបាកយ៉ាងខ្លាំងក្នុងការធ្វើដំណើរប្រចាំថ្ងៃ។ ដោយផ្តោតលើសំណូមពររបស់ប្រជាពលរដ្ឋដែលសូមឱ្យមានកិច្ចអន្តរាគមន៍ ឯកឧត្តម ម៉ៅ ធនិន ក៏បានជំរុញដល់មន្ទីរអភិវឌ្ឍន៍ជនបទពន្លឿនក្នុងការបើកការដ្ឋានស្ថាបនាឱ្យបានឆាប់រហ័សបំផុត។


បច្ចុប្បន្នផ្លូវមួយខ្សែនេះត្រូវបានក្រសួងអភិវឌ្ឍន៍ជនបទចុះកិច្ចសន្យាសាសង់ជាមួយក្រុមហ៊ុនកូរ៉េ ILSUNG Costruction Co, LTD កាលពីថ្ងៃទី២៥ ខែសីហា ឆ្នាំ២០២១ ជាផ្លូវក្រាលកៅស៊ូពីរជាន់ប្រភេទ DBST ក្នុងគម្រោងកែលម្អផ្លូវជនបទជំហានទី៣ ក្រោមហិរញ្ញប្បទានរបស់សាធារណរដ្ឋកូរ៉េ៕
អត្ថបទ៖ សេង ណារិទ្ធ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ