ព័ត៌មានជាតិ
អាជ្ញាធរក្រុងកំពត វាយកម្ទេចសំណង់អនាធិបតេយ្យដែលសង់តាមមាត់ព្រែក
អាជ្ញាធរក្រុងកំពត ដឹកនាំដោយលោក លាង រឿនសុធី កាលថ្មីៗនេះ បានប្រើធម៌ក្តៅវាយកម្ទេចសំណង់អាណាធិបតេយ្យដែលសាងសង់នៅតាមឆ្នេរមាត់ព្រែកកំពត ក្នុងនោះក៏មានសំណង់របស់លោក សេស យ៉ុង ផងដែរ។ ប្រតិបត្តិការនេះបានធ្វើឡើងបន្ទាប់ពីអាជ្ញាធរក្រុងកំពតបានជូនដំណឹងចំនួន២ដងកន្លងមកហើយ ដោយតម្រូវឱ្យម្ចាស់សំណង់ខុសច្បាប់ទាំងអស់ រុះរើចេញជាបន្ទាន់។
ចំពោះការវាយកម្ទេចសំណង់ខាងលើ គេឃើញវត្តមានលោក លាង រឿនសុធី អភិបាលក្រុងកំពត និងជាប្រធានគណៈបញ្ជាការឯកភាពក្រុង បានដឹកនាំកម្លាំងចម្រុះ ដោយបានសហការជាមួយថ្នាក់ខេត្តដែលមាន លោក សេង សេរីបុត្រ អភិបាលរងខេត្តកំពត ចុះអនុវត្ត ដើម្បីរុះរើសំណង់ដែលសាងសង់រំលោភចូលក្នុងមាត់ព្រែកកំពង់បាយ ស្ថិតក្នុងភូមិកំពង់បាយខាងជើង សង្កាត់កំពង់បាយ ក្រុង/ខេត្តកំពត។
តាមរបាយការណ៍របស់អាជ្ញាធរក្រុងកំពត បានបង្ហាញថា ដើម្បីរៀបចំសោភ័ណភាពមាត់ព្រែកកំពត សម្រាប់ទាក់ទាញភ្ញៀវទេចរ និងក្រោមការណែនាំរបស់ថ្នាក់ដឹកនាំខេត្តកំពត អាជ្ញាធរក្រុងបានជូនដំណឹងឱ្យម្ចាស់សំណង់ខុសច្បាប់រុះរើចេញជាបន្ទាន់។ដូច្នេះដើម្បីរៀបចំសោភ័ណភាពក្រុង ឱ្យមានភាពលេចធ្លោ អាជ្ញាធរក្រុងនឹងចាត់វិធានការក្តៅ ដោយមិនរើសមុខ ឬប្រកាន់បក្ខពួកនោះឡើយ។
សូមបញ្ជាក់ថា ដោយសារម្ចាស់សំណង់ ដែលមានឈ្មោះ សេស យ៉ុង បានល្មើស៣ករណី ទី១-បូមខ្សាច់ចាក់រំលោភព្រែកពង្រីកដីខ្លួន ទី២-រៀបខឿនថ្មរំលោភយកព្រែក និងទី៣-សង់ខ្ចូស ជាជើងបេតុងឆ្អឹងដែក មានទំហំធំហើយរឹងមាំ ទើបអាជ្ញាធរសម្រេចវាយកម្ទេចតែម្តង។
គួររម្លឹកថា កន្លងមកអាជ្ញាធរក្រុងកំពត បានជូនដំណឹងឱ្យម្ចាស់សំណង់នានា ដែលសង់នៅលើមាត់ព្រែកកំពត ឱ្យរុះរើចេញ ដោយក្នុងនោះម្ចាស់សំណង់មួយចំនួនបានអនុវត្តតាមគោលការណ៍របស់អាជ្ញាធរ ប៉ុន្តែនៅក្នុងចំណោមនោះ ក៏មានម្ចាស់សំណង់ខ្លះមិនព្រមសហការជាមួយអាជ្ញាធរ ដូចជាលោក សេស យ៉ុង ជាដើម ទើបអាជ្ញាធរសម្រេចបញ្ចេញកណ្តាប់ដៃដែកចាត់វិធានការក្តៅបែបនេះតែម្តង។
ចំពោះការវាយកម្ទេចសំណង់អនាធិបតេយ្យនៅតាមមាត់ព្រែកកំពតនេះ មហាជនបាននិងកំពុងអបអរសាទរ ហើយក៏ចាំមើលថា ចុះបើសិនជាមានសំណង់ខុសច្បាប់ស្រដៀងនឹងសំណង់ខាងលើដែរនោះ តើអាជ្ញាធរអាចមានចំណាត់ការបន្តដែរឬទេ?៕
អត្ថបទ៖ សេង ណារិទ្ធ
រដ្ឋបាលខេត្តកណ្ដាលចង់យកចំណូល៧០%ពីវិស័យរ៉ែ និងថាមពល ទៅអភិវឌ្ឍវិស័យអប់រំ
ត្រាំ គំរាមដាក់ទណ្ឌកម្មរុស្ស៊ី និងប្រទេសពាក់ព័ន្ធ ឱ្យធ្ងន់ធ្ងរ បើមិនបញ្ចប់សង្រ្គាមនៅអ៊ុយក្រែន
មជ្ឈមណ្ឌលAWA ព្រលែងក្រពើភ្នំចូលបឹងធម្មជាតិជាង៧០ក្បាលក្នុងរយៈពេល២ឆ្នាំ
ក្រសួងការងារ ប្រកាសដាក់ឱ្យប្រើប្រាស់បញ្ជរសេវាសាធារណៈចល័តដើម្បីឱ្យប្រជាជនងាយស្រួលស្វែងរកការងារធ្វើ
តារាសម្តែងជើងចាស់ អុឹម ផល្លា សម្តែងការដឹងគុណដល់ប្រមុខដឹកនាំកម្ពុជា ដែលគិតគូរដល់ខ្លួន ខណៈកំពុងខ្វះខាត
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ហ្សេលេនស្គី៖ អ៊ុយក្រែនត្រូវការកងរក្សាសន្តិភាពហោចណាស់ ២០ម៉ឺននាក់ បើមានបទឈប់បាញ់
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់