ព័ត៌មានជាតិ
នៅកម្ពុជាមានកម្មករជាង៧០ម៉ឺននាក់ ធ្វើដំណើរទៅមកបំពេញការងារប្រឈមគ្រោះថ្នាក់លើដងផ្លូវរាល់ថ្ងៃ
លោក អ៉ីម ពិសិដ្ឋ ប្រធានកម្មវិធីអង្គការមូលនិធិបង្ការរបួសអាស៊ី បានឱ្យដឹងថាជារៀងរាល់ថ្ងៃ នៅប្រទេសកម្ពុជាមានកម្មករនិយោជិតប្រមាណជាង៧០ម៉ឺននាក់ ធ្វើដំណើរទៅមកបំពេញការងារដោយប្រឈមនឹងហានិភ័យគ្រោះថ្នាក់នៅលើដងផ្លូវ ដែលធ្វើឱ្យប៉ះពាល់ដល់គ្រួសាររបស់ពួកគេ។
ថ្លែងក្នុងសិក្ខាសាលាបណ្តុះបណ្តាលបំប៉នដល់គ្រូបង្គោលស្តីពី “ការបើកបរប្រកបដោយសុវត្ថិភាព និងសេដ្ឋកិច្ចភាព” សម្រាប់ការបណ្តុះបណ្តាលដល់អ្នកបើកបររថយន្តដឹកកម្មករនិយោជិតនៅកម្ពុជា នៅថ្ងៃទី១២ ខែវិច្ឆិកានេះ លោក អ៊ីម ពិសិដ្ឋ បានបន្តថាក្នុងឆ្នាំ២០២០ កម្មករនិយោជិតក្នុងវិស័យកាត់ដេរសំលៀកបំពាក់ និងផលិតស្បែកជើង ដែលធ្វើដំណើរទៅមកបំពេញការងារបានជួបគ្រោះថ្នាក់លើដងផ្លូវជាង២ពាន់លើក ឬស្មើនឹងជាង១៨៣លើក ក្នុងមួយខែ។ គ្រោះថ្នាក់នេះ បានសម្លាប់កម្មករនិយោជិតចំនួន៣០នាក់ និងធ្វើឱ្យរបួសធ្ងន់ស្រាលជិត៣ពាន់នាក់។
លោកបានបន្តទៀតថា ដោយមើលឃើញពីបញ្ហានេះហើយទើបបានជាទីភ្នាក់ងារកិច្ចសហប្រតិបត្តិការអាល្លឺម៉ង់ GIZ និងក្រុមហ៊ុនសាជីវកម្ម VF Corporation និងអង្គការមូលនិធិបង្ការរបួសអាស៊ី បានសហការគ្នាធ្វើការបណ្តុះបណ្តាលបំប៉នដល់គ្រូបង្គោលស្តីពីការបើកបរប្រកបដោយសុវត្ថិភាពដល់អ្នកបើកបររថយន្តដឹកកម្មករនិយោជិតនៅកម្ពុជា។
លោកបានបន្តឱ្យដឹងថា ការបណ្តុះបណ្តាលនេះ គឺជាផ្នែកមួយសម្រាប់អប់រំផ្សព្វផ្សាយសុវត្ថិភាពចរាចរណ៍ដល់កម្មករនិយោជិត និងអ្នកបើកបររថយន្តដឹកជញ្ជូនកម្មករនិយោជិតក្នុងវិស័យកាត់ដេរ អំពីការត្រួតពិនិត្យលក្ខណៈបច្ចេកទេសយានយន្ត ការបំបាត់ការកែច្នៃយានយន្តខុសលក្ខណៈបច្ចេកទេសដែលនាំឱ្យមានការដឹកជញ្ជូនកម្មករលើសចំណុះ ការត្រួតពិនិត្យរកជាតិស្រវឹង និងគ្រឿងញៀនចំពោះអ្នកបើកបរ ជាដើម។
តំណាងទីភ្នាក់ងារកិច្ចសហប្រតិបត្តិការអាល្លឺម៉ង់ GIZ លើកឡើងថា ការផ្តល់ការបណ្តុះបណ្តាលអំពីការបើកបរដោយសុវត្ថិភាពដល់អ្នកបើកបររថយន្ត នឹងអាចកាត់បន្ថយបាននូវគ្រោះថ្នាក់ចរាចរណ៍ដល់ ដឹកកម្មករនិយោជិត។
គួរបញ្ជាក់ថា អង្គការមូលនិធិបង្ការរបួសអាស៊ី កំពុងអនុវត្តកម្មវិធីសុវត្ថិភាពចរាចរណ៍ជាបន្តបន្ទាប់នៅតាមបណ្តារោងចក្រគោលដៅនៅក្នុងរាជធានីភ្នំពេញ ខេត្តកណ្តាល ខេត្តកំពង់ស្ពឺ ខេត្តកំពង់ចាម ខេត្តកំពង់ឆ្នាំង ខេត្តតាកែវ និងខេត្តស្វាយរៀង៕
អត្ថបទ៖ សំអឿន
ឈ្វេងយល់ពីនីតិវិធីនៃការដកខ្លួនចេញពីកិច្ចសហប្រតិបត្តិការCLV-DTA
តើក្រុមហេសបូឡានៅលីបង់ជានរណា និង ហេតុអ្វីត្រូវធ្វើសត្រូវជាមួយអ៊ីស្រាអែល?
តុលាការកំពូល បំភ្លឺអង្គហេតុ និងច្បាប់ ជុំវិញវិវាទដីធ្លីនៅវត្តចង្ក្រានតាព្រហ្មស្ទឹងមានជ័យ
ជំនឿកប់សពរួមក្នុងព្រៃជនជាតិដើមភាគតិចខេត្តមណ្ឌលគិរីដាក់ពាងចំណាំំ ចែកតាមឋានៈគ្រួសារ
លោក វង្សី វិស្សុត៖ ពិព័រណ៍ចិន-អាស៊ាន បានក្លាយជាវេទិកាសំខាន់ដើម្បីជំរុញសកលភាវូបនីយកម្ម និងសេរីភាវូបនីយកម្មនៃការធ្វើពាណិជ្ជកម្ម
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
រលកយក្សស៊ូណាមិតូចមួយវាយប្រហារប្រជុំកោះ Izu របស់ជប៉ុន
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
កម្ពស់ទឹកទន្លេមេគង្គខេត្តក្រចេះខ្វះតែ ០,៦០ ម៉ែត្រទៀត ដល់កម្រិតប្រកាសឲ្យប្រុងប្រយ័ត្ន
ឡើងកម្តៅ! អ៊ីស្រាអែល សម្លាប់មនុស្សជិត ៥០០នាក់នៅលីបង់ ខណៈអាមេរិក បញ្ជូនទ័ពបន្ថែមទៅ មជ្ឈិមបូព៌ា
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៩ ម៉ោង agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានអន្ដរជាតិ១ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ