ព័ត៌មានជាតិ

ប្រជាពលរដ្ឋជាង៣០០នាក់ ក្នុងខេត្តបាត់ដំបង តេស្តអវិជ្ជមានកូវីដ១៩ទាំងអស់

បានផុស

៤ years មុន

នៅ

ថ្ងៃសុក្រ ៤ ធ្នូ ២០២០

ដោយ

មន្ត្រីមន្ទីរពេទ្យខេត្តបាត់ដំបង អនុវត្តការធ្វើតេស្តអ្នកពាក់ព័ន្ធជាមួយនឹងជំងឺកូវីដ១៩ ជាង៣០០នាក់ បានបង្ហាញពីលទ្ធផលចុងក្រោយអវិជ្ជមានទាំងអស់ ខណៈរយៈពេលពិនិត្យយកសំណាកធ្វើតេស្តនេះ លទ្ធផលចុងក្រោយអវិជ្ជមានស្ទើរតែទាំងស្រុង ក្នុងចំនួន៣២១នាក់ ស្រីចំនួន១២៩នាក់ក្រៅពីនេះ រង់ចាំការធ្លាក់លទ្ធផលបន្តបន្ទាប់នៅពេលក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបន្ថែមថា មន្ត្រីរាជការក៏ដូចជាប្រជាពលរដ្ឋ ដែលស្ម័គ្រចិត្តចូលរួមអនុវត្តធ្វើតេស្តក្រោមដាក់ការសង្ស័យថា អាចមានការពាក់ព័ន្ធដូចជា អ្នកចូលរួមក្នុងកម្មវិធីមង្គលការ, សំណាកអ្នកចូលរួមនៅតំបន់វាលវែងក្នុង, សំណាកអ្នកចូលលេងនៅផ្សារAEON១, អ្នកចូលរួមប្រជុំនៅក្រសួងយុត្តិធម៌, អ្នកពាក់ព័ន្ធហូបបាយជាមួយPNP, អ្នកហូបស៊ុបនៅហាងពន្លឺត្បូងនិងអ្នកបានចូលរួមហូបបបរកង្កែប ផងដែរ។

យោងតាមទូរលេខរបស់មន្ទីរសុខាភិបាល ខេត្តបាត់ដំបង នៅថ្ងៃទី៤ ខែធ្នូ ឆ្នាំ២០២០នេះបានបង្ហាញឲ្យដឹងថា ការចូលរួមពិនិត្យធ្វើតេស្តរបស់បងប្អូនប្រជាពលរដ្ឋ ក្នុងខេត្តបាត់ដំបង នៅក្នុង(ព្រឹត្តិការណ៍សហគមន៍២៨វិច្ឆិកា)ចាប់តាំងពីថ្ងៃទី២៩ ខែវិច្ឆិកា រហូតដល់ថ្ងៃទី៣ ខែធ្នូ ឆ្នាំ២០២០សរុបចំនួន៣២៤នាក់ ក្នុងនោះប្រុសចំនួន១៩១នាក់និ ងស្រីចំនួន១៣៣នាក់៕