អនុវត្តការងារប្រចាំថ្ងៃទាំង៧ទិសដៅសំខាន់ៗដែលកម្លាំងអាវុធហត្ថត្រូវបន្តពង្រឹងនិងអន្តរាគមន៍គ្រប់ពេលវេលា

ដើម្បីវឌ្ឍនភាពការងារ ក្នុងជួរវរអន្តរាគមន៍ លើភារកិច្ចចាំបាច់ដែលត្រូវអនុវត្តប្រចាំថ្ងៃទាំង៧ទិសដៅសំខាន់ៗដែលកម្លាំងអាវុធហត្ថបន្តពង្រឹងនិងអន្តរាគមន៍គ្រប់ពេលវេលាដើម្បីរក្សាសន្តិសុខសណ្តាប់សង្គមសម្រាប់បំរើជូនពលរដ្ឋដោយមិនគិតនើយហត់។ នេះជាការលើកឡើងរបស់លោកវរសេនីយ៍ឯក សៀ ទីន នាយសេនាធិការរង នៃកងរាជអាវុធហត្ថរាជធានីភ្នំពេញក្នុងពេលដឹកនាំ មេបញ្ជាការ មេបញ្ជាការរង ចំណុះអង្គភាព វរអន្តរាគមន៍ នៃកងរាជអាវុធហត្ថ រាជធានីភ្នំពេញប្រជុំតាមផែនការដែលបានត្រៀមរួចជាស្រេច។

លោកវរសេនីយ៍ឯក សៀ ទីន បានថ្លែងថា ការប្រជុំនូវផែនការអនុវត្តន៍របស់កម្លាំងអាវុធហត្ថរាជធានីនាពេលនេះគីដើម្បីដាក់ផែនការពង្រឹងការងារអនុវត្តការងារប្រចាំថ្ងៃ ជាអាថ៌រួមមាន៧ទិសដៅសំខាន់ៗទី១ ការបំពេញបេសកកម្ម ការពារសន្តិសុខសណ្តាប់ធ្នាប់ នៅតាមបណ្ឌលព្យាបាលកូវីដ-១៩ ដែលខ្លួនទទួលខុសត្រូវ។ ទី២ការចេញប្រតិបត្តិការ បង្កា បង្ក្រាប បទល្មើស។ ទី៣ ការហ្វឹកហាត់ពង្រឹងសមត្ថភាព។ ទី៤ ការថែទាំមធ្យោបាយប្រើប្រាស់ ។ ទី៥ ការថែទាំអាវុធគ្រាប់ ។ ទី៦ ការត្រួតពិនិត្យសុវត្ថិភាព តាមបណ្តាឃ្លាំង ការិយាល័យ ក្នុងទីបញ្ជាការ។
ទី៧. ការធ្វើអនាម័យក្នុងការរស់នៅក្នុងអង្គភាពក៍លំនៅដ្ឋានរៀងៗខ្លួន។

សូមបញ្ចាក់ថា រាល់កិច្ចប្រជុំម្ដងៗ លោកឧត្តមសេនីយ៍ឯក រ័ត្ន ស្រ៊ាង បានផ្សព្វផ្សាយ ដល់នាយទាហាន តាមបណ្តាអង្គភាព ដែលចូលរួមប្រជុំទាំងអស់ ត្រូវផ្តោតជាសំខាន់លើការងារស្នូលរបស់កងរាជអាវុធហត្ថ បង្កា បង្ក្រាប សង្គ្រោះ សំដៅដល់ការ ពង្រឹងសន្តិសុខសង្គម រក្សាសណ្តាប់សាធារណៈ ជួយដល់ពលរដ្ឋទន់ខ្សោយ រួមនឹងការងារ ដែលត្រូវអនុវត្តមួយចំនួនទៀត ព្រមទាំងបានណែនាំដល់កម្លាំងអាវុធហត្ថរាជធានីភ្នំពេញទាំងអស់ ដែលប្រើប្រាស់រថយន្តជ្រកក្រោមស្លាកលេខខេមរភូមិន្ទ និងរថយន្តគ្មានពន្ធនិងអាករនាំចូល ត្រូវអនុវត្តឲ្យបានជាដាច់ខាតតាមសេចក្ដីជូនដំណឹងរបស់រដ្ឋាភិបាល និងសេចក្ដីជូនដំណឹងរបស់អគ្គនាយកដ្ឋានគយ និងរដ្ឋាករកម្ពុជា ជាពិសេសត្រូវអនុវត្តឲ្យបានគ្រប់គ្នា នូវបទបញ្ជារបស់លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស។ លោកឧត្តមសេនីយ៍ឯកមេបញ្ជាការក៏បានក្រើនរំលឹកដល់សមាជិកទាំងអស់ ឲ្យបន្តចូលរួម បង្កា ទប់ស្កាត់ ការឆ្លងរាលដាលនៃជំងឺកូវីដ-១៩ ស្របតាមការណែនាំ របស់ក្រសួងសុខាភិបាល និង អនុវត្តឲ្យបានម៉ឹងម៉ាត់ នូវវិធានការ «៣ការពារ និង៣កុំ» របស់ប្រមុខរាជរដ្ឋាភិបាល នៅគ្រប់ពេលវេលា និងគ្រប់ទីកន្លែង៕

អត្ថបទ៖ វិមាន