ព័ត៌មានជាតិ

ព្រឹកស្អែកតុលាការនឹងជំរះរឿងក្ដីសុំនៅក្រៅឃុំរបស់សមាជិកបក្សប្រឆាំង១៤នាក់

បានផុស

៣ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

តាមការគ្រោងទុក នៅព្រឹកថ្ងៃទី១៧ ខែវិច្ឆិកា ឆ្នាំ២០២១នេះ ចៅក្រមសាលាដំបូងនឹងបើកសវនាការលើសំណុំសុំនៅក្រៅឃុំរបស់សមាជិកអតីតគណបក្សសង្គ្រោះជាតិចំនួន១៤នាក់ ដែលកំពង់ជាប់ពន្ធនាគារព្រៃស។ នេះបើយោងតាមឯកសារដែលមេធាវីការពារជនជាប់ចោទដាក់ជូនតុលាការ(មេធាវី សំ សុគង់)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទទាំង១៤នាក់ដែលតុលាការគ្រោងនឹងជំនុំជំរះតាមពាក្យស្នើសុំនៅក្រៅឃុំរួមមាន ៖

១/ ហេង ច័ន្ទសុទ្ធី ហៅធី

២/ កាក់ កម្ភារ

៣/ យឹម សារ៉េត

៤/ ពៀត ម៉ាប់

៥/ សុខ ចាន់ថា

៦/ ឃឹម ភាណា

៧/ ស៊ុន ធន

៨/ ញែម វាន

៩/ ជុំ ចាន់

១០/ ថៃ គន្ធា

១១/ កែវ ថៃ

១២/ ឡុង ផារី

១៣/ ងិន ឃាង

១៤/ ឃុត ច្រិក

យោងតាមឯកសារដែលលោកមេធាវី សំ សុគង់ មេធាវីការពារផ្លូវច្បាប់អោយជនជាប់ចោទបានបញ្ជាក់ថា សំណុំរឿងកូនក្ដីរបស់ខ្លួន ត្រូវបានលោក រស់ ពិសិដ្ឋ ជាប្រធានក្រុមប្រឹក្សាជំនុំជំរះបានបើកសវនាការរឿងក្ដីនេះច្រើនលើកច្រើនសារ ប៉ុន្តែដោយបញ្ហាកូវីដ១៩ បានផ្ទុះឡើងនៅទូទាំងប្រទេសកម្ពុជា ទើបសវនាការគ្រោងនៅថ្ងៃបន្ទាប់បានអូសបន្លាយរហូតដល់បច្ចុប្បន្ន ហើយនៅមិនទាន់កំណត់កាលបរិច្ឆេតដើម្បីបើកសវនាការលើរឿងក្ដីនេះ ខណៈការឃុំខ្លួនបណ្ដោះអាសន្នត្រូវអូសបន្លាយអស់រយៈពេលជិត២ឆ្នាំ បណ្ដាលអោយជនជាប់ចោទម្នាក់ក្នុងរឿងក្ដីកើតមានជំងឺស្ទើរគ្រប់គ្នា ដូចជាជំងឺលើសសម្ពាធឈាម ជំងឺលើសអាស៊ីត ជំងឺសន្លាក់ ថ្លើម ជំងឺទឹកនោមផ្អែម ក្រពះពោះវៀនធ្ងន់ធ្ងរ ដែលត្រូវការព្យាបាលពីសំណាក់គ្រូពេទ្យជំនាញ និងមើលថែទាំពីក្រុមគ្រួសារ ។

អាស្រ័យដោយមានការស្នើសុំពីសំណាក់មេធាវីការពារអោយជនជាប់ចោទទាំង១៤នាក់ ទើបតុលាការកំណត់យកថ្ងៃទី១៧ ខែវិច្ឆិកា ដើម្បីបើកសវនាការមុនអង្គសេចក្ដីលើសំណុំរឿងនៅក្រៅឃុំនេះ ៕

អត្ថបទ៖ មករា