ព័ត៌មានជាតិ

លោក គួច ចំរើន ស្នើឲ្យឯកអគ្គរាជទូតជប៉ុនជួយជំរុញក្រុមហ៊ុនជប៉ុនមកវិនិយោគនៅខេត្តព្រះសីហនុឲ្យបានច្រើន

បានផុស

៣ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

លោក គួច ចំរើនអភិបាលខេត្តព្រះសីហនុបានស្នើសុំឱ្យលោកឯកអគ្គរាជទូតជប៉ុនជួយផ្សព្វផ្សាយនិងជំរុញអ្នកវិនិយោគជប៉ុនមកកាន់ខេត្តព្រះសីហនុឱ្យបានច្រើនឡើង ថែមទៀត បន្ទាប់រាជរដ្ឋាភិបាលកម្ពុជាបានប្រកាសបើកប្រទេសឡើងវិញលើគ្រប់វិស័យដើម្បីទទួលធុរកិច្ច និង ភ្ញៀវទេសចរណ៍វ៉ាក់សាំងគ្រប់ដូសដោយគ្រាន់តែតម្រូវ ឱ្យធ្វើតេស្តរហ័សរកមេរោគកូវីដ មិនចាំបាច់ធ្វើចត្តាឡីស័កទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គួច ចំរើន បានស្នើឡើងបែបនេះនៅក្នុងជំនួបជាមួយលោក MIKAMI Masahiro ឯកអគ្គរដ្ឋទូតជប៉ុនប្រចាំកម្ពុជាដែលបានមកបំពេញទស្សនកិច្ចនៅខេត្តព្រះសី ហនុជាលើកទី៣ដើម្បីរំលឹកចំណងមិត្តភាពសាមគ្គីភាពរវាងកម្ពុជានិងជប៉ុននាព្រឹកថ្ងៃទី ១៦ ខែវិច្ឆិកានេះ។

ក្នុងឱកាសនោះ លោកឯកអគ្គរាជទូតជប៉ុន បានថ្លែងវាយតម្លៃខ្ពស់ចំពោះកិច្ចសហប្រតិបត្តិការរវាងជប៉ុននិងកម្ពុជាដោយភាគីទាំង២ នឹងបន្តកិច្ចសហប្រតិបត្តិការនេះបន្តទៀត ជាពិសេសលោកនឹងជួយជំរុញក្រុមហ៊ុនជប៉ុនមកធ្វើការវិនិយោគនៅខេត្តព្រះសីហនុ,ព្រោះខេត្តព្រះសីហនុ មានហេដ្ឋារចនាសម្ព័ន្ធ ស្រស់ស្អាតប្រកបដោយបរិ ស្ថានល្អ,មានកំពង់ផែអន្តរជាតិស្វយ័តក្រុងព្រះសីហនុ,តំបន់សេដ្ឋកិច្ចពិសេស ,និងការរៀបចំផែនការមេអភិវឌ្ឍន៍ខេត្តជាតំបន់សេដ្ឋកិច្ចពិសេសគំរូពហុបំណង ដែរមាន សារៈសំខាន់ក្នុងការទាញវិនិយោគមកកាន់ខេត្តព្រះសីហនុកាន់តែច្រើននាពេលខាងមុខ។

ក្នុងនោះ លោកអភិបាលខេត្តព្រះសីហនុសង្ឃឹមថា រដ្ឋាភិបាលជប៉ុននិងបន្តចែករំលែកបទពិសោធន៍បច្ចេកទេសដល់កម្ពុជាពិសេសខេត្តព្រះសីហនុជាត្រីវិស័យក្នុងការចូល រួមអភិវឌ្ឍខេត្តព្រះសីហនុនាពេលខាងមុខ ៕

ដោយ ៖ ណារី