ព័ត៌មានជាតិ

ប្រធានសមាគមទីភ្នាក់ងារទេសចរណ៍ ស្នើផ្នែកអាកាស ចរណ៍ បើកជើងហោះហើរឲ្យទូលំទូលាយ

បានផុស

៣ years មុន

នៅ

ថ្ងៃព្រហស្បតិ៍ ១៨ វិច្ឆិកា ២០២១

ដោយ

ប្រធានសមាគមទីភ្នាក់ងារទេសចរណ៍កម្ពុជា លោកស្រី ឆាយ ស៊ីវលីន បានស្នើឲ្យផ្នែកអាកាសចរណ៍ បើកជើងហោះ ហើរឲ្យទូលំទូលាយ ដើម្បីបម្រើដល់វិស័យទេសចរណ៍ ដែលទើបត្រូវបានបើកឡើងវិញ ដោយសារការដឹកជញ្ជូនតាមផ្លូវអាកាស មានសារៈសំខាន់សម្រាប់វិស័យទេសចរណ៍។

លោកស្រី ឆាយ ស៊ីវលីន បញ្ជាក់យ៉ាងដូច្នេះថា «ខ្ញុំស្នើសុំឲ្យរាជរដ្ឋាភិបាល ជំរុញទៅផ្នែកអាកាសចរណ៍ បើកជើង ហោះហើរឲ្យទូលំទូលាយ ពីព្រោះការដឹកជញ្ជូនតាមផ្លូវអាកាស មានសារៈសំខាន់ណាស់ សម្រាប់វិស័យទេសចរណ៍។ បើយើងបើកប្រទេស បើកទេសចរណ៍ ហើយមិនមានជើងហោះហើរ ដឹកជញ្ជូនសំបូរបែបក៏មានបញ្ហាដែរ ពីព្រោះភ្ញៀវមិនអាចធ្វើដំណើរបាន ដូច្នេះស្នើសុំឲ្យវិស័យអាកាសចរណ៍ បើកជើងហោះហើរឲ្យបានច្រើន»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកស្រី ឆាយ ស៊ីវលីន បានបញ្ជាក់ថា «ក្រុមហ៊ុនអាកាសចរណ៍ក្នុងស្រុក ក៏បានដើរតួនាទីសំខាន់ផងដែរ ពីព្រោះដើម្បីឲ្យភ្ញៀវបានដើរលេងច្រើនកន្លែង ដើរលេងបានយូរ យើងត្រូវតែមានជើងហោះហើរ នៅក្នុងស្រុកឲ្យសំបូរបែបផងដែរ»។

ប្រធានសមាគមទីភ្នាក់ងារទេសចរណ៍រូបនេះ បានអះអាងថា ការប្រកាសបើកទេសចរណ៍ឡើងវិញ ក៏ដូចជាលើកលែងចំពោះការធ្វើចត្តាឡីស័ក សម្រាប់ភ្ញៀវទេសចរ ក៏ដូចជាអ្នកដំណើរទូទៅ ដែលចូលមកកម្ពុជានេះ គឺជាសញ្ញាវិជ្ជមានមួយ សម្រាប់ប្រទេសកម្ពុជា ក្រោយពីទទួលរងផលប៉ះពាល់ រយៈពេលពីរឆ្នាំកន្លងមក។ លោកស្រីថា ការបើកឡើងវិញនេះ នឹងជំរុញឲ្យភ្ញៀវទេសចរ ធ្វើដំណើរចូលមកកម្ពុជា បើទោះបីជាមិនទាន់ធ្វើដំណើរចូលមកភ្លាមៗ ក៏ដោយ៕

អត្ថបទ៖ កោះកែវ