ព័ត៌មានជាតិ
៣ថ្ងៃនៃព្រះរាជពិធីបុណ្យ អុំទូក ទាំងការគ្រប់គ្រងសំអាតដឹកជញ្ជូនសំរាមនិងការរក្សានូវសន្តិសុខសណ្តាប់ធ្នាប់ មានលក្ខណៈល្អប្រសើរ
ភ្នំពេញ ៖ ៣ថ្ងៃនៃព្រះរាជពិធីបុណ្យ អុំទូក បណ្ដែតប្រទីប និងអកអំបុក សំពះព្រះខែ ឆ្នាំ២០២១ នេះ ទាំងការគ្រប់គ្រងសំអាតដឹកជញ្ជូនសំរាមនិងការរក្សានូវសន្តិសុខសណ្តាប់ធ្នាប់របៀបរៀបរយសាធារណៈ មានលក្ខណៈល្អប្រសើរជាងបណ្ដាឆ្នាំមុនៗ ហើយអ្នកទៅដើរលេងកម្សាន្តនៅក្នុងពិធីនេះក៏មានចំនួនរាប់ម៉ឺននាក់ផងដែរ។
លោកសំ សាមុត ប្រធានអង្គភាពសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញនិងជាអ្នកដឹកនាំដឹកនាំលើប្រតិបត្តិការលើប្រមូលនិងដឹកជញ្ជូនសំរាម នៅក្នុងព្រះរាជពិធីអុំទូកនេះផងដែរនោះ បានបញ្ជាក់ឲ្យដឹងនៅរសៀលថ្ងៃទី ២២ខែវិច្ឆិកានេះថា សម្រាប់៤ថ្ងៃក្នុងព្រះរាជពិធីបុណ្យអុំទូក ពោលគឺចាប់ពីថ្ងៃទី១៨រហូតដល់ថ្ងៃទី២១ខែវិច្ឆិកានេះ ក្រុមការងាររបស់មន្ទីរសាធារណការនិងដឹកជញ្ជូនរាជធានីភ្នំពេញ សហការជាមួយអាជ្ញាធរខណ្ឌពាក់ព័ន្ធនិងក្រុមហ៊ុនឯកជន បានធ្វើការប្រមូលសំរាមបានយ៉ាងល្អប្រសើរ ទៅតាមការណែនាំរបស់លោកឃួង ស្រេង អភិបាលនៃគណៈអភិបាលរាជធានីភ្នំពេញ។
លោកសំ សាមុត បានបញ្ជាក់ផងដែរថា ក្នុងព្រះរាជពិធីបុណ្យអុំទូកនេះ ក្រុមការងារនៃមន្ទីរសាធារណការ និងដឹកជញ្ជូនរាជធានីភ្នំពេញបានដាក់វេនគ្នាដើម្បីប្រមូល សំអាតនិងដឹកជញ្ជូនសំរាមចេញពីកន្លែងប្រារព្ធពិធី ជាប្រចាំក្នុងរយៈពេល៤ថ្ងៃនេះ ដោយអនុវត្តការងាររាល់ថ្ងៃ ចាប់ពីម៉ោង២និង០០នាទីទៀបភ្លឺរហូតទៅដល់ម៉ោង៧ព្រឹក គឺសំរាមត្រូវតែស្អាតនៅតាមទីតាំងសំខាន់ៗ ក៏ដូចជានៅតាមទីសាធារណៈនានាជុំវិញទីតាំងប្រារព្ធពិធីនេះ ដូចជាចាប់ពីវត្តភ្នំរហូតទៅដល់វិមានឯករាជ្យ មុខវត្តបទុម សួនច្បារសម្ដេចតេជោ ទីស្ដីការគណៈរដ្ឋមន្ត្រីនិងនៅDN ក្រសួងការពារជាតិជាដើម។
លោកបញ្ជាក់ថា ក្រុមការងាររបស់មន្ទីរសាធារណការនិងដឹកជញ្ជូនរាជធានីភ្នំពេញដែលដឹកនាំការងារដោយលោកផ្ទាល់ បានអនុវត្តការងារដោយការប្ដូរវេនគ្នា២៥០នាក់ក្នុងមួយថ្ងៃ។ ដោយឡែកក្រុមហ៊ុនឯកជនបានប្រើប្រាស់កម្លាំងប្រមាណ៦០នាក់ក្នុងមួយថ្ងៃផងដែរ ដោយប្រមូលសំរាមនៅត្រើយខាងកើតទន្លេ។ ការសហការគ្នាល្អនេះហើយ ទើបព្រឹត្តិការណ៍នៃការបុណ្យអុំទូកឆ្នាំនេះ ការប្រមូលនិងការសំអាតសំរាមនៅទីកន្លែងសាធារណៈ ដូចជានៅទីតាំងសំខាន់ៗមួយចំនួនឃើញថា បានល្អប្រសើរ។
មន្ត្រីរដ្ឋបាលរាជធានីភ្នំពេញបានអោយដឹងផងដែរថា ក្នុងរយៈពេល ៣ថ្ងៃ នៃព្រះរាជពិធីបុណ្យអុំទូក បណ្ដែតប្រទីប និងអកអំបុក សំពះព្រះខែ ឆ្នាំ២០២១ នេះ យើងសង្កេតឃើញថា ប្រជាពលរដ្ឋមានការអនុវត្តវិធានការការពារខ្លួនបានយ៉ាងល្អ ដែលជាសញ្ញាណវិជ្ជមាននៃការបើកសេដ្ឋកិច្ចជាតិឡើងវិញ ហើយនេះបានបង្ហាញកាន់តែច្បាស់នូវភាពជោគជ័យរបស់ប្រជាជនកម្ពុជា និងរាជរដ្ឋាភិបាលកម្ពុជាដែលបានយកឈ្នះជំងឺរាតត្បាតជាសកលកូវីដ-១៩។
មូលដ្ឋាននៃភាពជោគជ័យនេះ គឺការសាមគ្គីភាពដ៏រឹងមាំរបស់ប្រជាជនគ្រប់រូប បានជឿជាក់អនុវត្តតាមការដឹកនាំរបស់រាជរដ្ឋាភិបាលដែលមានសម្ដេចតេជោ ហ៊ុន សែន ជាមគ្គទេសក៍ដ៏ឆ្នើមបំផុតរបស់កម្ពុជាយើង។
មន្ត្រីដដែលបានទៀតបញ្ជាក់ថា ក្នុងរយៈពេល ៣ថ្ងៃ នៃព្រះរាជពិធីបុណ្យអុំទូក នេះ សម្រាប់រាជធានីមានបងប្អូនប្រជាពលរដ្ឋមកដើរលែងកម្សាន្តនៅរាជធានីភ្នំពេញប្រមាណជាង១០ម៉ឺននាក់ ដោយក្នុងនោះថ្ងៃទី១ មានប្រមាណ៥ម៉ឺននាក់ ថ្ងៃទី២ ប្រមាណ៧ម៉ឺននាក់និងថ្ងៃទី៣ប្រមាណ៥ម៉ឺននាក់៕
ដោយ ៖ ស្រីរ័ត្ន
ព្យុះទី២៦ ឈ្មោះប៉ាប៊ូក បានថយឥទ្ធិពល ខណៈសីតុណ្ហភាពមានចាប់ពី១៨ ទៅ៣២°C
រុស្ស៊ី ប្រកាសជោគជ័យ ក្រោយបាញ់មីស៊ីលរាប់រយគ្រាប់ វាយសន្ធាប់អ៊ុយក្រែន ថ្ងៃបុណ្យណូអែល
រដ្ឋមន្រ្តីសុខាភិបាលណែនាំឲ្យបង្កើនការផលិតសារអប់រំសុខភាពថ្មីៗបន្ថែម ដើម្បីទប់ស្កាត់ជំងឺឆ្លងផ្សេងៗ
២ចំណុចគួរឲ្យសង្ស័យ អំពីមូលហេតុនៃការធ្លាក់យន្តហោះនៅកាហ្សាក់ស្ថាន ស្លាប់មនុស្ស៣៨នាក់
អ្នកនាំពាក្យ៖ ឆ្នាំ២០២៥ កម្មករនិយោជិតនឹង ទទួលបានប្រាក់ឈ្នួលអប្បបរមាថ្មីចំនួន២០៨ដុល្លារក្នុង១ខែ
បុរសម្នាក់ បើករថយន្តធុនធំ ងោកមួយភាំង រេចង្កូតបុកស្លាកប៉ាណូអស់ ០២ ដើម និងរបងដីឡូត៍ពលរដ្ឋរងការខូចខាត
បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារខ្លួន
ថ្ងៃបុណ្យណូអែល រុស្ស៊ី បាញ់មីស៊ីលស្រោចពេញទំហឹងលើ អ៊ុយក្រែន
យន្តហោះដឹកអ្នកដំណើរមួយគ្រឿង ធ្លាក់នៅប្រទេសកាហ្សាក់ស្ថាន ចំថ្ងៃបុណ្យណូអែល
មុនមរណៈភាព លោក Rey Mysterio Sr. បានបណ្តុះសាច់ញាតិជំនាន់ក្រោយឲ្យបន្តមរតកល្បីល្បាញ
-
ព័ត៌មានជាតិ៦ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម១ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម២ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៥ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ